إحذر عدوك..

[بقايا جروح]

هذي القصيدة تلبيه لطلب الاخ المستانس والاخ عمر
اتمنى اني اكون حققت جزء بسيط من طلبكم..

كلٍ يعود لاصل جده ومرباه...راعي الشرف يشرف والانذال يهبون
الفرع من عوده شرابه ومسقاه...والحنظله مره ولو تشرب مزون
الطيب كايد والمناعير تقواه...والهون هين تدنع النفس وتهون
ناسٍ على كسب المراجل مضراه...وناسٍ على كسب الفشيله يضرون
هذا على وضح النقا كل ممشاه...وهذا إذا شافوه ربعه يصدون
لا تامن الخوان لو زخرف حكاه...من خان بك مره يبي باكر يخون
وافطن ترى زول المراجيل تواه...كم واحدٍ يعجبك زوله وهو دون
يا طيب الشارات من يوم منشاه...إحذر عدوك لا يغدرك على هون
ترى عدوك غايته فيك ومناه...يزرع بصدرك من قنا رمحه طعون
واللي رضع لبوة عدوك توقاه...الجرو ولد اللبوة اللي تعرفون
للطير يا الصقار بالريش مغواه...الجاهل اللي باكثر الريش مفتون
للحر والشبوط ماكر ومجناه...والفرق بالافعال لو هم يطيرون

------------------
من يشتري قلبٍ همومه ملايين...
ويبيعني قلبٍ من الهم خالي..

[آلوياصاحبي....on line]

أحلى ما في القصيدة يا (الروزرايز- بقايا جروح) وبدون مجاملة هو إنتي لأنك تعرفين بالضبط وش تختارين... ولا فيه أحلى من شعر (دايم السيف) أو سمو الأمير (عبدالرحمن بن مساعد)..

وأطلبك طلب بسيط وهو إني أقرأ لك قصيدة من نضمك ....

======================================

مـأ توقعت هـجرك ... لا ولا بالـخيــــال..
لكـن الـوقت خيـب هقــوتي والـظـنون...

واثق فيك قلبي يا بديع الجمــــال..
يوم قلـبك علينا بـالمـودة يمـون..

ائتمنـتك بحـبي..طـول ذيـك الليـال..
ليـت أسـرار قلبـي ما تـكن العـيوب..

احسـب انك تبيـني ما تـبدل بـدال..
واحسـب انك لعـهدك ولهـوانا تـصون..

بالنهـايات تبدي الزعل والـجدال..
بعـد ذيك المـودة والمعـزه تخـون..

تذكر ايـام حبـي واللقا والوصـــال..
علمـــوك القــساوة وانتي قلبـك حنون..

كيـف طبعـك تغير..يا حسـين الدلال...
كيف مـاضي هوانا والصداقة تهـون..

الـوفا في زمـاني.. ما حسبـته محـال..
لين هجـرك وصـدك اتضـح يا فتـــــون ..

[المستوي]

الآخت بقايا جروح تحيه طيبه وبعد
كالعاده تبدعين في أنتقاء القصائد وياحبذا ذكر اسم صاحب القصيده,ويعطيك ألف عافيه

*************************

وياطيب الشارات من يوم منشاه
أحذر عدوك لا يغدرك على هون

والســــــلام

------------------
خلهم ينفعونك

[غريم الشوق]

تسلمين عالاختيار يا اخت بقايا

------------------
كنت اكثر الناس مؤمن بالوفا واهجر..
واليوم نفس طواها الشك..يا كافي.

[بقايا جروح]

هلا اخ الوياصاحبي....on line
اولا تسلم على هذا الاطراء..
ثانيا انا ما اقدر ارفض لك اي طلب
لكن انا اللي اكتبه مش شعر الله يخليك استر عليه
الله يستر عليك انا لو اكتب احد قصايديه بسيء للشعر
على العموم انا بكتب لك احد قصايديه واتمنى انها تعجبك بس مش
الحين استنى عليه شوي اوكي..

اخ المستوي..
كلامك هو اللي دائما رائع..
على العموم اسمحلي لاني كنت ناويه اكتب صاحب
القصيده بس نسيت على العموم القصيده للمبدع
دائما امير القلوب خالد الفيصل..

اخت غريم..
مشكوره على الاطراء والله يسلم غاليج..

------------------
من يشتري قلبٍ همومه ملايين...
ويبيعني قلبٍ من الهم خالي..