بـنـت (ميـجر) النشميــــــــــة !!!!!!!!!!!!!!!!!!!!!!!!!!!!!!

[آلوياصاحبي....on line]

كتب هذه القصيدة شخص إسمه (حزام بن سعود السبيعي) عندما كان يدرس الماجستير في علوم الحاسب في بريطانيا .. وكان لإختلاف الجو وكذلك طريقة القيادة وأنظمة السير عن ما تعود عليه الأثر الكبير في كتابتها...فماذا قال :


جيت (مانشستر) غشيم ما معي شمسية...
غرق ثيابي مطرها وابردن عظامي...
أنتفض.. من شافني يقول فيني جنية..
يوم صار الثلج من خلفي ومن قدامي..
من نشدني قلت طيب والعلل مخفية..
واطي على هوى نفسي بعرض أقدامي..

رحت ابأستأجر (فيات) ورخصتي دولية..
جا دركسيونها يمين وصار دفع أمامي..
وسقت في شارع "رشم" وامشي حوالي مية..
متيامن لكن الشارع نطحني حامي..
واصدمت من سبتي عجوز عليمية..
وقامت تصايح وتلعن ساعتي وايامي..
ثم نحشت وقلت ربي عالم بالنية..
تحسبني هندي والا بعد فيتنامي..

والحقتني نجدة تسوقها شرطية..
من زراق عيونها ظني جرحت صيامي..
قالت أنت اللي عكست الشارع قبل شوية..
عطني إثباتك ووكل يا غريب محامي..

يوم شافت صورتي بالغترة المكوية..
إسألت..تملك من البترول بير خامي..
قلت انا ملكي (قليب) في أسفل الرمحية..
هادم الوادي طرفها يوم سال العامي..
إن بغينا حفرها ما فيه ميزانية..
وان ورد ذودي عليها صدرن حيامي..

وسامحتني بنت (ميـجر) يومها نشمية..
واعذرتني من شعوب العالم المتنامي..
وصرت أخلص لازمي مشيا على رجلية..
والصلاة أركض لها في المركز الإسلامي...

[مشعل]

ههههههههه
رائعة .... ويا شين ذيك الديرة والله معه حق ....ومثل هالقصايد يكتبها الواحد من قلب يتعصر بالمأساة .... الله يعينه

مشكور يالحبيب

[بقايا جروح]

والله قصيده اكثر من رائعه واحلى شي فيها
انها كانت بالعاميه وتعبر عن معاناه..ويا حبي انا لمثل هاي القصايد
الله يعينه والله..بس خبره عاد وين يشترون الشمسيه لا يموت علينا من البرد مسكين..

غربتي طالت متى وقت الرجوع..
كل عام امني احلامي بعام..

------------------
من يشتري قلبٍ همومه ملايين...
ويبيعني قلبٍ من الهم خالي..