PDA

View Full Version : قصه حصلت في ابوظبـــي (( الامــــارات ))

daijavoux7
28-10-2001, 10:09 PM
السلام عليكم
وصلتني هذي القصه بالبريد واحببت ان اكتبها هنا


اثنين شباب ..من ست ايام بالضبط...شلوا عشاهم و ذهبوا يتعشون في شاطئ الراحه في ابوظبي...

اتت اليهم حرمه عيوز و جلست تلقط من الاكل المتنثر...قالولها يا جده انت جائعه...
قالت هيه انا من الصبح هنيه و ما كليت شي...

قالولها انزين شو جايبك هني؟قالت ولدي نزلني و بيرد ياخذني

المهم شلوا اغراضهم..و حسوا الشباب ان الوقت متأخر و ما يسير يخلون الحرمه العجوز لوحدها في الليل

قالولها..انزين عندك رقم ولدك؟نحن بنتصل له..قالت ايه..و طلعت ورقه صغيره من مخباها...يوم طالعوا
شو مكتوب "من يجد هذه المرأه يأخذها لبيت العجزه"

انصعقوا الشباب من اللي مكتوب...و جلسوا ساعه يترجونها انها تروح معاهم....

لكنها ما رضت ... و قالت لا انا بنتظر ولدي..هو بيجي ياخذني....قعدوا وياها ساعه يترجونها لكنها
كانت مصره ان ولدها بيجي ياخذها"مسكينه ما تدري بحقارة ولدها"

المهم....روحوا عنها الشباب....

واحد منهم ما رضي يرقد....يتقلب و يفكر فيها.....

لين ا اصبحت الساعه 2 في الليل...قام من على السرير و لبس ثيابه بسرعه...

و راح للشاطئ ..شاف اسعاف و شرطه...هجم بينهم و سألهم عن الحرمه...

قالوله توفت...ارتفع عندها الضغط و ماتت...

ارتفع عندها الضغط على حسرتها على ولدها...تعتقد انه صار له حادث او مكروه...

الله يرحمها برحمته...مسكينه...

كتبت ها الموضوع بس عشان يشوفه ولدها على الانترنت...و انا حاسه ان بيشوفه...

ارجوكم ساعدوني و انشروا ها الموضوع...

بس كلمه ابغي اقولك اياها....انت ما تخاف من ربك؟

شو عندك اهم من امك اللي ماتت من خوفها عليك...؟

و انت فارنها مثل الكلبه؟

تعرف اختي شو قالت يوم سمعت السالفه؟

قالت ليش ما يابها عندنا؟ نحن نباها بنحاظيها و بنرعاها..

هاي الغريبه جيه تقول..و انت الابن شوف شو تسوي....

الله بيراويك...الله فوق و يشوف كل شي...


وشكرا
الكــاســر
29-10-2001, 12:30 AM
الله يعطيك العافيه

واتمنى يلقى جزاته بدنيا او ليغفر له الله بعد توبته



ولقد سمعت قصة مشابها لها حدث عندنا بالسعودية منذ زمن وليس بالبعيد ولا اعلم مدى صحتها


تحياتي لك

اخوك الكاسر
oneking
31-10-2001, 09:35 AM
بعد التحية والاحترام...
هـــذة القصة جدا حزئنة .وليعلم الناس ان حق الوالدين حق عظيم
واللة المستعان....
مع خالص الشكر لك
اخوكم:/
oneking
جرح الخفوق
10-01-2005, 03:29 PM
هلا بك daijavoux7

شكر على سرد موضعك

لكن أخي الفاضل انا من سكان بوظبي ومن رست بوظبي

وإلنا قرايب واهل بأمن الدوله

لا بعمرنا سمعنا عن هذا الكلام ولا شئ

صح مجرد خرافات واحاديث متداوله بين دول الخليج هذه القصة والكل يقول حاصله ببلاده

لكن بالتحديد إمارة بوظبي

اخي الكريم ما حصل هذا الشئ

ولك مني كل الاحترام والتقدير
أبو عبدالعزيز
10-01-2005, 09:16 PM
أنا لله وأنا اليه راجعون
مشكور أخوي daijavoux7
قصــه مؤثـره جدا
يعطيك العافيه
تحياتي،،
عربي فدائي أسمر
19-02-2005, 06:03 PM
أهلاو مرحبا بك عزيزي daijavoux7 (http://www.sandroses.com/abbs/member.php?u=3775) http://www.sandroses.com/abbs/images/statusicon/user_offline.gif اشكرك جزيل الشكر على نقل القصة وتمنياتي بالتوفيق .
خلينا نشوفك ,,,,,,,,
زمن الغربة
19-02-2005, 06:12 PM
والله قصة توجع القلب وتدمي المشاعر

قرأتها من قبل واصابني اشمئزاز من موقف الابن العاق

تقبل تحياتي عزيزي

واعذرني على نقلها .. لقسم الحوادث:rose: