المجتمع البدائي

[تصدقون]

المجتمع البدائي
الناس أجناس وتعرف الرجال المتعلم من المتهور الجاهل من تعامله في المواقف الصعبة يوم تجيه حالة العصبية اللي تخلي حواجبه معقوده وكبرياءه واصل السما يوم يصير طبلون قلبه 120 ومعاد يقدر يتصف مثل رجال متحضر ومتعلم ومسلم يعني اتكل على نفسه ولا عاد فيه مجال للنقاش فالنقاش تربيه والتربيه تبين في الثقه في النفس كل ما كان الواحد متربي ومتعلم كان قابل للنقاش
كن الناس صارت تربي الشوارب كرمز للرجوله والحكمه وهم يصرون على صناعه الرجوله الماديه يعني المجتمع اللي تحكم فية القوة البدنيه مجتمع بدائي
شفنا هذا في حيانتا يوم كنا صغار كنا نسوي عصابات ونهاجم العيال في الحارات الثانيه وفي المدرسة فيه حزبيه وتعصب وكل مجموعة يتزعمهم واحد هو الكبير في الغالب ويجمع الصغار ويديرهم على هواه واليوم كبرنا وصار الاحتكاك في الشوارع بين سواقين السيارات اللي مايحترمون النظام ولو نبهته بالبوري نفخ عليك وادنى سبب بينزل عليك علشان يطقك والزميل في العمل لو اخطأ اتفه خطأ تلقاه الاخر ينتفض ويزبد يبي ياخذ حقه وش حقه ما ادري دايما الناس فضين (حلوه فضين) مع الناس اللي يعرفونهم خاصة الأهل ـ يعني من يحب ـ ولبق وكريم مع اللي ما يعرف ليه مايصير مع الاثنين
ليه الرجال اذا كان وش حليله مع اهله قالوا عنه ملعوب عليه
يمكن من تربية الاهل لنا يقصون علينا قصص القوه والشجاعة وننهبل عليها وكل يوم نبيها تعاد وما يغرسون فينا الحلم ما علمونا اننا نتكلم ونعبر عن اللي انفسنا قبل ان نفكر بالقوه انها هي اللي تحل كل المشاكل
انا كنت ماشي في رمضان في احد الشوارع قبل المغرب بنصف ساعة رايح لقريب عازمني وفي الطريق عند اشارة مرور وقف اثنين من الشباب الله يهديهم يسولفون ولعت الاشاره ونبهت اللي قدامي بالبوري واشر بيده اصبر وصبرت لكن اللي وراي ماصبر صار يدق البوري بقوه وانا معه.. ليه ما يمشون شوي ويوقفون ويطلعون اللي في بالهم مع بعض بعيد عن مضايقة الناس لكن اخونا نزل وهو معصب وكان شاب له شاربين ومفتول العضلات وانا جنبي المدام ما ادري انزل ولا اتركه يطلع اللي عنده وخبط على الكبوت وقال وش عندك وانا اناظر وجهه يكرهب والتفت على الحرمه عسى ما اتفشل عندها …الاخ طالت منه وتشمخت يوم نزل خويه معه وفتح الباب علي نزلت وانا يتصبب مني عرق بارد واقول الله يستر وبدون شعور دب وذيك اللكمه اللي ما ادري كيف طلعت مني وبعدها معاد شفته من الناس اللي وراي استلموه وخذ ياجرجره وطق وتتفيل وانحاش من الجماعة
ليه ما نربي الأبناء على التفاهم قبل العنف حتى لو كان لك عزيز مقتول




------------------
egla3@eqla3.c0m

[ملاك]

التحكم في الغضب لا يعني كبت الانفعال وعدم التعبير عنه , وإنما تعني الصفح والتسامح وصدق رسول الله صلى الله عليه وسلم حيث قال : ( ليس الشديد بالصرعة , إنما الشديد من يملك نفسه عند الغضب ) .


ولقد ثبت ان الغضب يعطل التفكير , ويسبب أمراض تسمى ( النفسجسمية ) مثل قرحة المعدة , الذبحة الصدرية القولون العصبي , الصداع العصبي , ارتفاع ضغط الدم .

فعلا حقيقة لا تقبل الجدل تقول :-

" لا ينال العلا من كان طبعه الغضب "

شكرا أخ تصدقون على مساهماتك المميزة .

[تصدقون]

غبار غبار
وين الناس ؟



------------------
egla3@eqla3.c0m