أنت الحكم يا صاحبي والخصم فيك
. . . . . . . . . . . . . . افصل بحكمك لا تردد وتحتـــار
خصمي عنادك ممتحني وأنا ابـيك
. . . . . . . . . . . . . . ابيك وعنادك بنـى دونك جـدار
أما أوفـني حقي وربـي يحييـك
. . . . . . . . . . . . . . والا انسحب بسكات والكون دوار
وش غيرك يا زين واخلف مباديك
. . . . . . . . . . . . . . وانت الذي بنيت لك بالحشا دار
هذي رسالة وانت رايك يقديك
. . . . . . . . . . . . . . فيها منحتك يالغضي آخر انـذار
لا تطاول أطول منك تخسر تحديك
. . . . . . . . . . . . . . واحذر تجادلني إليا صار ما صـار
برا حياتي يا ريش العين أبنفيك
. . . . . . . . . . . . . . وانهي حكاية حبنا واسدل استـار
آخر مشاهد قصتي جيت أوريك
. . . . . . . . . . . . . . ذيك الرسايل والصور تشتعل نـار
والخاتمه قلبي عصاني طمع فيك
. . . . . . . . . . . . . . يبيك وعنادك سبب هذا الاعصـار
تعليق