اعلان

Collapse
No announcement yet.

قصيده ورد

Collapse
X
  • تصنيف
  • الوقت
  • عرض
Clear All
new posts

  • قصيده ورد

    ارسل إلي الشاعر علي بن حمد
    هذه القصيدة التي يقول فيها :

    قم يانديمي واضبط اللي على الكيف
    في دلة ٍ مـن ذاقها ما يملــــه

    خلك على خبري على الحوف حريف
    مسمارها طاغي ولي كيفتــــله

    عطني بنفجالي من الدمع تذريــف
    يبرى القلوب اللي هواها يعـــله

    وإليا هدى بالي وقبو العواصــيف
    برسلك يم اللي زبن من وصـــله

    شيخ ٍ ولد شيخ ٍ كريم ٍ مع الضـيف
    حيثه سنيدي لا حصل أي خـــله

    قله مصيبا ً سهم حسن التواصـيف
    غرو ٍ معه قلبي من الجوف تــله

    إليا نطحني يبتر القلب بالســـيف
    العنق عنق الريم والخصر دلـــه

    أبو ثليل ٍ ذيل غوج ٍ ولا حـــيف
    أبو عيون وساع الحج أهــــله

    ان كان ما شفته يزورا لها طـيف
    يدعى منامي كني من فوق مــله

    واللي مزع قلبي له أيام ما شيف
    مدري قريب ٍ أو بعيد ٍ محــله

    قله ترى بناخيك ناخيك يا كـيف
    هذا عقاله طايح ٍ ما يحـــله

    وصلاة ربي عد طي المظاريف
    على نبي ٍ وضح الحق كــله

    ******************

    وهذا هو الرد:

    أهلا ً هلا بالخط وسط المظـــاريف
    خط ٍ لفى من صاحب ٍ ما نمــــله

    أبو حمد شغموم حسن التصـــاريف
    امزبن الخايف وهي عادت ٍ لــــه

    نعم الفتى يشفيك ما يقبل الحــــيف
    يدرى الردى والطيب كاسيه كـــله

    يقول يا خلي أبي من تصــــريف
    أنا بلاي الترف والحب عـــــله

    خل ٍ درقني درق بالطرف ما شـيف
    جعل العذارى كلهن فدوة ٍ لــــه

    قبلك وأنا خالك صدفني صــواديف
    جرحي بقلبي دافنه واتدلــــــه

    غرو ٍ عرز رمحه بوسط السراجيف
    واقفى وهو يضحك وعيني لظلــه

    هذي فعول الزين بالرجل يا كــيف
    الريم يفرس ذيب يا عونـــــة الله

    وإن كان خلك بالضعن أو على السيف
    وإلا مع أهل المدن يسكن بفــــله

    أبشر بفزعة راعي الجمــس حريف
    والله لسجه لين بيته واتــــــله

    غصب ٍ على الزعلان ما هي خذاريف
    موت ٍ بعو ولا حياة المذلــــــه

    إما صفتلك يالبناخي على الكـــيف
    وإلا حياتي ويش أنا عايش ٍ لــــه

    وصلاة ربي عد نقد الصـــراريف
    على نبي ٍ شرف الله محـــــله


    وسلاااااااااااااااااااااااااامتكم
    تكاد تضيء النار بين جوانحي. . . إذا هي أذكتها الصبابة والفكر

  • #2
    الرد: قصيده ورد

    سالم وغانم اخي فهد الروقي
    بيض الله وجهك ووجه زميلك على هالقصيدتين الجميلتين صح لسان الجميع
    تحياتي

    تعليق


    • #3
      السلام عليكم و رحمة الله و بركاته

      الله يغفر له أبوي و يرحمه كان دايم يقول الولد لخاله 000 قصيدة رائعة و الأروع منها الرد 00 الله يعطيك العافية أخوي فهد 00

      حدّ السحاااااب و فوق روس الجباااالي و أنا جلالة الملكة %

      تعليق


      • #4
        الرد: قصيده ورد

        اضيف في الأساس بواسطة صقرالنوايف عرض الإضافة
        سالم وغانم اخي فهد الروقي
        بيض الله وجهك ووجه زميلك على هالقصيدتين الجميلتين صح لسان الجميع
        تحياتي
        ومن قال يسلم ... كل الشكر على هذا المرور ...

        تحياتي أخي العزيز ....
        تكاد تضيء النار بين جوانحي. . . إذا هي أذكتها الصبابة والفكر

        تعليق


        • #5
          الرد: قصيده ورد

          بيض الله وجهك ووجه بن اخيك
          والنعم فيكم
          وصحت السنتكم جميع

          قصيده جزله وردية أجزل

          دام نبضك يافهد
          شااااعرة * ......... بالسين!

          تعليق


          • #6
            الرد: السلام عليكم و رحمة الله و بركاته

            اضيف في الأساس بواسطة جلالة الملكة عرض الإضافة
            الله يغفر له أبوي و يرحمه كان دايم يقول الولد لخاله 000 قصيدة رائعة و الأروع منها الرد 00 الله يعطيك العافية أخوي فهد 00
            مرور رائع يستحق الشكر ...

            تحياتي ...

            تكاد تضيء النار بين جوانحي. . . إذا هي أذكتها الصبابة والفكر

            تعليق


            • #7
              الرد: قصيده ورد

              الله يعطيكم العافيه ..فهد



              رائعين ..كلمات رائعه ..


              منصور الشمري

              تعليق


              • #8
                الرد: قصيده ورد

                مشكور اخي فهد علي نقل مميز لشاعر اكثر من رائع تحياتي

                وقد يجمع الله الشتيتين بعدما يظنان كل الظن الا يلتقيا.........وعجبي

                تعليق


                • #9
                  الرد: قصيده ورد

                  خلّوه يزرع ويحصد شـوك لوعاتـي
                  خلّوه يحفر قبر ذكـراه فـي فاسـه!!

                  على كثـر ماتحريـت الفـرج ياتـي
                  على كثر مارجيته واعلـن افلاسـه!!

                  لو هو يقـدر مشاويـري ورحلاتـي
                  ماصار يضرب على فرقاي مرواسه!!!
                  يسلمو على الابداع الرائع
                  ننتظر جديدك
                  واصلى ابداعك المميز
                  تقبلى كل حبى واحترامى

                  تعليق


                  • #10
                    الرد: قصيده ورد

                    اضيف في الأساس بواسطة أميرة الخالدي عرض الإضافة
                    بيض الله وجهك ووجه بن اخيك
                    والنعم فيكم
                    وصحت السنتكم جميع

                    قصيده جزله وردية أجزل

                    دام نبضك يافهد
                    الأخت أميرة .... مرورك وسام شرف زين صفحات المشاركة

                    تحياتي ...
                    تكاد تضيء النار بين جوانحي. . . إذا هي أذكتها الصبابة والفكر

                    تعليق


                    • #11
                      الرد: قصيده ورد

                      اخوي فهد الروقي يعطيك العافيه والله كلهن يهبلون
                      صح الله السانك
                      ورفع ربي شانك
                      ولا يهنون خلانك
                      وابعدعنك عدوانك



                      لك مني اجمل التحيات
                      طفووووووووووووووولتي

                      تعليق


                      • #12
                        الرد: قصيده ورد

                        أخي فهد قصيدتين رائعتين بالرغم عدم فهمي لبعض الكلمات الا اني اشعر بالتميز تميزك بالطبع
                        تحياتي لكما

                        تعليق

                        تشغيل...
                        X