لاصرت بايعني توكل علـى الله
مابيني وبينك مشاريه وعتــاب
شف دربك الي جيت منه وتدلـه
ماراح تغلبني لو الحب غــلاب
من حضرتك عشان قلبي تــذله
في ذمتي لجعلك عبره للاحبـاب
لين الخلي يتوب عن جرح خلـه
زلاتك الي مانفع فيها احســاب
لاجيت اعددهن ثمانين زلـــه
احرجتني بين القرايب والاحبـاب
كن الجفا سيف بوجهي تسلــــه
ماكنت اقصر فيك من كثر الاعجاب
يومك تساوي عندي الكون كلـــه
كنت القريب وكلهم كانوا اغـراب
حتى القمر لاغاب شفتك محلــه
خلاص لاترجع ترا خاطري طاب
ابي طرا اللي كنت عايش بظلــه
رح واعتبرني واحد اذنب وتـاب
ماني بثوب تلبسه ثم تملـــــه
مايجتمع بالحب صادق وكـــذاب
رزقي على الله وانت رزقك على الله
عطاالله فرحان
تعليق