اعلان

Collapse
No announcement yet.

أروع ما قيل في التوجد

Collapse
X
  • تصنيف
  • الوقت
  • عرض
Clear All
new posts

  • أروع ما قيل في التوجد

    أروع ما قيل في التوجد ( في نظري) :

    كل ما فاضت عيوني نجر ابـن حربـان دنـا
    في ضلوعي يسمع اللي مـن ورا بغـداد دنـه
    يومٍ ابن مدعث لنا سن الوجـود الحـق سنـا
    وافؤادي كن دود الارض يرعـى فـي مسنـه
    وافؤادي لو تضنا ياابـن مدعـث مـا تضنـا
    كنه المجـدور عقـب الجـور مرمـيٍ بعنـه
    أشعـل التنبـاك مـن خلقتـه ماشبـه وكنـا
    مير كنه من عجاج فـاح مـن صـدره يكنـه
    واوجودي وجد من هو عض بإبهامـه وحنـا
    واحدٍ شاف الثـلاث البيـض سـودٍ مستجنـه
    شاف قـدام الخيـام خشيـف ريـم مرجهنـا
    وثور البندق يبي يصيده وراغ الخشـف منـه
    اطلق اربع عقبها اربع ثم سمع صـوت يونـا
    واثرها امه صابها طلقه وطـار العقـل منـه
    واتهمـوه بذبحـة امـه ليلـة العيـد وتجنـا
    اتهمتـه النـاس وصـدوف المقاديـر اتهمنـه
    قالوا اخوانه ترا ما أنا بمنـك ولا انـت منـا
    يفرق الله بيننا وبينك عسى مـا لـك مضنـه
    لك ثلاث ايام من ذلحين وارحـل مـن وطنـا
    عقبها تخطر على راسـك مضاريـب الاسنـه
    ودع مريتـه وتـو بنتـه صغيـره ماتحـنـا
    توها ام اربع شهـور وفـي لحمهـا زود لنـه
    ركب غوجه وانقلـب قبلـه بليـل مـا تونـا
    والحمايا من خلافـه ارخـوا حبـال الاعنـه
    المطايـا والسبايـا مـن خـلافـه عمـدنـا
    والمنايـا سجـدٍ قــدام عيـنـه يحتـرنـه
    كل ماعنز علـى قـوم وطـنّ الـراس طنـا
    قالوا اذلـف ذابـح امـه لعنبونـا لـو نحنـه
    ذابـح امـه لـو زبنـا عـده انـه مازبـنـا
    لعنبـوك بيـوت قـوم ذابـح امـه زبنـنـه
    الجمالـه ماتجمـل فـي ولـد حــرٍ تـدنـا
    ميـر دور غيرنـا وانحـش بقلبـك لانـدنـه
    وانقلب من عندهم كنـه علـى محمـاس بنـا
    يمة اهل الغوص عجـلات الركايـب وجهنـه
    ركب بابـور البحـر ودمـوع عينـه يذرفنـا
    فـوق خـده كنهـن اذواد بــدوٍ مرثعـنـه
    يـوم حـل الليـل اشرعـة السفينـه دودلنـا
    والهبايـب مـا يخلـن محـبـلٍ مادودلـنـه
    قـام ربـان السفيـه قـال يانـاس امتحـنـا
    قوموا ادعوا ربكـم عـلام ماوسـط الاجنـه
    قال شيـخ منهـم الا عنـدي الـراي المطنـا
    ضحوا بواحد عسـى الله ينقـذ يديـن رجنـه
    وطاحت القرعه على اللي ذابـح امـه ماتتنـا
    ثم رموا به فـي ظلمـات البحـور المستكنـه
    وادبحوا عنـه وهـو فـي غبّةالبحـور يتثنـا
    ثم عرض له من وحوش القرش جرجور وصنه
    عض جرجور البحر ساقه وصايـح واستجنـا
    ابك لـولا الله كـلاه القـرش مايسلـم مطنـه
    وفي ديار من بلاد الهنـد بيـن انـسٍ وجنـا
    من فضل ربي عليه اطراف الامـواج احذفنـه
    ومثل ماقبل امس متهـوم بذبـح امـه معنـا
    اتهمـوه بـذبـح سلـطـان البلادالمطمئـنـه
    وفي السجون المظلمه خمسةعشر عـام قضنـا
    مع ثلاث ماقضـن الا عقـب حالـه قضنـه
    لاسمع ورقـاً تغنـي جـر مسحوبـه وغنـا
    وكل مغنى يزعجه غصب يجـي تاليـه ونـه
    لاطرته بيـوت قـوم فـي الخلايـا يرفعنـا
    دار دولاب الدبـا الدالـوب دولابـه وزنــه
    كل مابرقٍ سرى شرقٍ صـدوق الغيـث شنـا
    كن قلبـه فـوق سبـق طيـور بـر شطرنـه
    عقـب مـده جـاه مـن داره نذيـرٍ مرثعنـا
    قـال انـا جيتـك بعلـمٍ والله إنـه والله إنـه
    حرمتك ماتت لهاعشـر سنـوات قـد مضنـا
    والبنيّه معمـسٍ تقـرع عليـك اقـراع شنـه
    عمهـا عزربهـا فـي وسـط بيتـه ماتهنـا
    خادمةنسوانـه الثنتـيـن والـلـي ضيفـنـه
    ثـم زوجهالابـو سبعيـن عـام ماانقصـنـا
    شايب يطرب خفوقـه لاسمـع للقـرش رنـه
    يوم سمع هروجهم فاضـت عيونـه وازحرنـا
    وسط سجنه كنه اللي ساكـنٍ لـه فـي مجنـه
    قال ياربعي افزعوا لي مـن سجـونٍ غيضنـا
    قبر قلبـي الدمـدم اغـادي يديكـم يظهرنـه
    قالوا انا وش لنـا انـا والله انـا مـا شحنـا
    غير بنتـك والامثلـك مابقربـه قـرب جنـه
    وانتحواوعيـون قايدهـم جـنـوب خايلـنـا
    وهو وراسجنـه عيونـه كـل نجـمٍ خايلنـه
    وعقب عام من مجي ربعه وسنٍ عـض سنـا
    اعفوا الكفار عنـه مـن عقـب سـودٍ دهنـه
    يوم فكواقيـد رجلـه وانطلـق خاطـره منـا
    وانفلـت يبغـى ديارمـن ورا نجـد اشحننـه
    حـث ساقـه مايشـوف الابنيتـه يـوم قنـا
    من عقب عشرين عام في وطن قـومٍ مصنـه
    من ردي حظه نهاراغظـن عيونـه وارقدنـا
    فزمن نومه عقب عضـه حنـش داب بسنـه
    ومن اثر سم الحنش يونس ضلوعـه يطبخنـا
    وطاح عـزي لواحـدٍ سودالافاعـي طيحنـه
    يـوم هـو فكرإلـى فوقـه نجـومٍ يبرقـنـا
    وشاف بكيت بنتـه اللـي جـا يبيهـا بينهنـه
    قال يانجوم السماء تكفين روحي صوب اهلنـا
    علمي بنتي عن اللي صـاب ابوهـا واستسنـه
    اشهـد إنـا مـا بحلنـا بالليالـي اشهـد إنـا
    مير حظي خانني ثم مـات مابـه مـن يقنـه
    ذاك وجده وجد حالي في وطنـا مـن عطنـا
    من هنـوف خدرهابيـض الهنـادي يحتمنـه


    للشاعر / ناصر الفراعنة
    آخر اضافة بواسطة فهد الروقي; 02-08-2007, 06:45 PM.
    الحب كالحرب من السهل أن تشعلها 000 من الصعب أن تخمدها

  • #2
    الرد: أروع ما قيل في التوجد

    نقل مميز لشاعر فحل ( شاعر الثقلين )

    كل الشكر على هذا المجهود ...

    تحياتي ...
    تكاد تضيء النار بين جوانحي. . . إذا هي أذكتها الصبابة والفكر

    تعليق


    • #3
      الرد: أروع ما قيل في التوجد

      شكرا اخي المعتمد
      نقل موفق لشاعر كبير
      تحياتي

      تعليق

      تشغيل...
      X