Tweet
ابيات هزتني !!!
توك عرفت الوقت وشلون غدره .!!
توك تجي تحكي وترجي حنيني .!!
مادام طاح الحب وانهز قدره .!!
خلك مع أوجاعك ولا ترتـجــيـني .!!
**********************
تهددني في الرحيل هددني
مردك لي صدقني
لا تقول البديل اتحداك تبدلني
هو قلب واحد
هو احساس واحد
هو انا وبس انا تعشقني
ولو الف غيري
مردك لي يا طيري
عرفت ليش لأنك انت تحبني
ولا يمكن تخليني
**********************
اجرحينى ثم روحى مادام الحب راح
لأنتى اول من جرحنى ولا اخر من يروح
شفت حبك مثل دمع جرح جفنى وساح
ان مسحته وان تركته جروح فى جروح
*************************
انت اقرب الناس
وانت محبوبي
وانت القريب البعيد
ومني وفيني
انت الأمل
انت عمري
انت مطلوبي
وانت القصايد وشعري
وفرحة سنيني
وش فيه لاصرت احبك
وانت محبوبي
في ذمتك بعد هذا
وش تسميني ؟
********************
كنت احسب اني غلاك ودنيتك
ومادريت اني احبك بس قلبك مايبيني
عطيتك عهد انك حياتي وذاتي
وبالتالي الخيانه جزاتي
*********************
بودعكم انا اليوم وداع بشوق نلقاكم..
ولاتجوني بعتب أو لوم انا مااخترت فرقاكم..
انا برضى بهالمقسوم ولكن والله منساكم..
بودعكم وانا ملزوم فمان الله يرعاكم..
*****************************
حبيبي ابيك تفهم ان المحبة
ما هي لعبه بيدك تلعبهـــا
وتذكر في رب فوقك كانك نسيت
فاتورة غدرك بيجي يوم تدفعها
وما بتنفعك حزتها آه ويا ليــــــــت
والبذره يجنيها من زرعهـا
والبادي اظلم وانت اللي بديــــت
***************************
قـالوا: يحـبك قلت: لا تظلمونه
قـالوا : يبيـك قلـت : يا ناس تكفــون
أنـا عـرفته قبل مـا تعـرفـونه
مــا قــال احبك انتوا اللي تقولون
أنـا دخيـل الله لا تجـبرونـه
الحــب من رب السمــا خــالق الكــون
***************************
اي محبه واي عشره واي حنان ؟؟!!
واي شوق اللي انت تتكلم عليه ؟؟!!
يعني واثق ان باقي لك مكان
وان قلبي لك يرد لو ترتجيه
قلبي اللي غلطته حبك وصااان
لو يصافح قلبك كنت اقطع له ايديه
**************************
كلي ألم طفل وتناهيده إكبـــار
إحتجتهم في لحظتن ماعطوني
يحز في نفسي وانا جروحي إكثار
في غيبتي عنهم نسوا يذكروني
اللى نسوني مالهم عندي أعــذار
والله لأنساهم مثل ما نسـوني
*********************
تعال واجمع ما بقا من جروحي
واللي يخون العشق والحب ملعون
تعال يلي ضحكتك والمزوحي
تبري جروح اللي من الحزن مطعون
تعال دام القلب لاجلك نصوحي
ما همة العذال واللي يقولون
*********************
ترى قلبي مثل قلبك وجروحك أصلها جروحي
ومعاناتك بعد عمري قريبه من معاناتي
أحبك يمكن أكثر من حياتي ودمعي وروحي
ولكن الأكيد إنك سبب كل إبتساماتي
************************
أطوي الظلماء وعيت تنطوي
وأشتهيت الشوف بعيون الضرير
مثل طير طاح بيدين بدوي
يلعن الطيحه ولا يقوى المطير
كل يوم أقول باكر تستوي
وخاب ظني بالزمان وبالمصير
من شرب من كف غيره ماروي
لعنبو كف على المده قصير
**************************
قلبي قسمته ياهوى البال بالنص
نصفه بجوفي وأنت بيديك نصه
لا غبت عني يبتدي الحال ينقص
وأسهر وتبدالي مع الأحزان قصه
ياليتني في لجنة التعليم مختص
والله لحط لمنهج الحب حصه
*************************
ياقلب لا تشقى وراء كل مزيون
مالك على الخلايق مقاله
لا تشتكي يا قلب للناس يدرون
والناس عن شكواك مالك وماله
ياقلب وشبك دايم الدوم محزون
خلك بفالك وأترك اللي بفاله
الحب يا هل الحب راعيه مجنون
ينسى أبوه ثم عمه وخاله
************************
وشهو يعني لو نقص عهدي وخان
لا هو أول ولا آخر من يخون
دام نحيا في زمن مابه أمان
شيء طبيعي عشرتي عنده يهون
كان يا مكان في ذاك الزمان
نبض في قلبي وفي عيوني عيون
كان له في أصدق أشعاري مكان
***********************
مسكين قلب تولع يكتم أسراره
فيه الوله والشوق والنار ساجنها
مهما يخفي جروحه تفضحه ناره
قصة عذابه بوووووناته يلحنها
لا وعذاب اللي بدأ بالحب مشواره
يشرب خمور المحبة لين يدمنها
************************
قالت بمشي قلت عفوا"على وين
قالت بقفي قلت مرواح جدي
وش صار يعني لابغيتي تقفين
بأموت يعني لانويتي بصدي
أنا قوي الباس ماني بمسكين
وأموت في شيء أسمه تحدي
أنا العزيز ولاهمني لو تجفين
بترجع ذليل وتحب راسي ويدي
***********************
حلفت أنا ما أشكي على الناس همي
إلا على رب البشر جالي الهم
وعندي خبر صفو الزمن مايتمي
لو يستمر سنين وشهور ماتم
دنيا تفرق ياولد ما تلمي
شرها يعم وخيرها خص ماعم
ياخوك أنا منها أرتفع ضغط دمي
حتى نحلت وصرت عظم بلا دم
**********************
مريت بيت للمحبين مقفول
وجابتني القدره على حد بابه
ونشدت جيرانه عسى البيت منزول
قالوا حبيبك راح لا واسفابه
وله مده بالسوق ماشيف له زول
وبابه عليه من السوافي ترابه
**********************
تحسب إني بجي عندك حبيبي وأنحني لرضاك
ورب الكون ذا بعدك ولا يمكن أسويها
أنا طبعي عزيز النفس مهما دارت الأفلاك
بمشي نفسي بكيفي أبد ما أحد يمشيها
محبة ما أبي منك محبة لو تجي برضاك
ابلعنها وبلعن كل شخص لي يطريها
***********************
ماعاد لي دمعن عيوني تهله
من طول فرقاء اللي نحبه بكيناه
شربت كيف الهم كاسن ودله
ويا طول دربن في فراقك مشيناه
نصبر ولو كان الحشى فيه عله
والجرح يبديه الزمن لو دفناه
**********************
طبعي كذا ما أحب ألف وأدور
الله خلقني واضح في حياتي
أهوى الصراحه وأكره الكذب والزور
وحبي لغيري مثل حبي لذاتي
أقولها لو قالوا الناس مغرور
حكي العواذل مايكدر مباتي
***********************
مختارات اعجبتني
اتمنى انها تعجبكم ,,
اختكم
صبر السنين
شكرا لكل من ساهم في هذا العمل من الراعي إالى القطيع,,,
تعليق