بلح ومنجا وموز ولوز .. عنب وتين ورماني
حيِّد عِنّنا يا حباب .. هي الدار وهي الباب
احلى ديرة واحلى تراب .. واحلى دله وفنجاني
عنا كنوز وعنا ماس .. والكرامة ما تنداس
ومبدأنا هو الاساس .. تبقى البلد عمراني
نزلوا الدبيكة عالدرب وحطّوا الكعب بحد الكعب
ودبكوا دبكة صوت الشعب .. والعدالة التعباني
وفزعوا فزعة قوية .. وغنُّوا باسم الحرية
مِلل وشيعة وسنية .. والمسلم والنصراني
وصار الشاطر يتفلسف ومن جيبتنا يتمصرف
والديموقراطي ينتف .. لحية ابو الاخواني
ونادوا بكل المواسم .. زهر الربيع الباسم
عدل وحق ومكارم .. وورده مشكل بستاني
يا قلبي لا تتغير ... ويا عقلي لا تتحير
ويا عربي اثبت واصبر .. وياربي لا تنساني
منال
تعليق