السلام عليكم ورحمة الله وبركاته،

الإعلانات محظورة في المنتدى، والمنتدى هو منتدى حواري ليس للإعلانات.

بإمكانك وضع اعلانك في موقع إعلاني التابع لنا http://www.elaani.com

تحياتي

اشكرك علي الرد
لكن اخي الكريم ارجو التسامح معنا ف هذا والاعلان بقاله فترة كبيرة وبقي ف الصفحه الأولي ف جوجل
وده اعلان فاتح بيوت ناس
فا ربنا يجعله ف ميزان حسناتك
وانا مستعد لاي شئ مقابل
واذا حبيت حد مشرف معاكم ف المنتدي او اي شي تحت امرك انا عندي خبرة كبيرة بالموضوع
اعتبر الإعلان اول واخر شئ واذا حتي حبيت تقفل التعليقات زي ما تحب بس عشان أنه حرام بعد ما يوصل المستوي الاول بجوجل يتحذف فيه خسارة لينا جميعا أنه أكل عيش وفاتح بيوت ناس وكمان فيه فائده للمنتدي انا عندي موقعي وصفحتي بس ميزه اعلاني أنه نزل بجوجل الصفحه الاول
ارجو التفاعل معي

على أي منتدى ستشرف، وماذا ستقدم للمنتدى؟

انا ممكن اشرف ع المنتدي الديني انا درست بالازهر و حافظ القران
واشتغل بمجال السياحه وحجز الفنادق والسيارات واقدر اشرف ع مجال السياحه ولي ٣ اخوات أطباء ممكن اطلب منهم أنه حد يشرف ع المنتدي الطبي
ياريت لو ف وسيله اتصال خاصه زي ايميل او واتساب

من فضلك تلغي الحظر للحساب و ترجع الموضوع الي اتحذف لأنه يعتبر شغلنا توقف
وانا تحت امرك ف اي شي
انا كده كده ممكن اعمل مواضيع عن نصائح وتقارير مصورة للرحلات ف مصر والدول العربيه و الاسيويه و الاوروبيه وشروحات لكل شي وتجارب ونعمل تنشيط للمنتدي ولازم تعمل حمله تسويق شامله ع فيس بوك و انستجرام واجيلك اصدقاء لي يشتغلو مشرفين و موظفين معي
لانه انا شايف المنتدي مفهوش تفاعل

اخي الكريم
اعرف انه مش من حقي اتكلم بحوار بينك وبين المدير
لكن رح اكون واسطة خير
عشان المنتدى يستمر واعلانك يبقى في الصفحه الاولى
لازم انت مو لازم وبس وواجب عليك تشارك باقسام المنتدى
وتقدمله خدمه متل ما انت عايزه يخدم اعلانك
رح احاول مع الاستاذ ساندروز
وانو كمان كثف مشاركاتك احنا بحاجه لمشرف على المنتدى الاسلامي. وانت تبارك الله من طلاب الازهر وانا اكراما للازهر واكراما لحفضك للقرآن رح اساعدك
بس ماتخذلني قدام الاستاذ ساندروز
بعدين يحظرني انا كمان
احترامي

تسلمي الكريمه علي المساعده
جزاك الله كل خير وانا بالطبع هساعد ف المنتدي و اصدقائي
في تنشيط المنتدي وان شاء الله ما نخذلك ابدا
ونبقي فريق عمل ممتاز

ياخي سبحان الله بقالي 3 ايام بترجاك ترجعلي موضوع بسيط ف المنتدي عندك ما فيه اي ضرر او تاثير عليك
بلعكس فيه افاده للمنتدي جايبلك نسبه زوار عاليه جدا وانه الاول ف جوجل
وانت كل يوم ترد عليا رد بسيط كل يوم ولا يومين وتقولي مخالف لقوانين المنتدي كانها قوانين الامم المتحده
لما نزلت الاعلان انا كان المنتدي كله اعلانات ومكنش مخالف وقتها
انا مش عارف ايه الضرر ليك ف الموضوع بلعكس كنت تكسب ثواب انك سبب ف رزق ناس وشوف ثوابها عند ربنا
دلوقت انت سبب ف قطعه تاني دلوقت والموضوع اتشال من جوجل
لو انت كنت رجعته ساعتها زي ما اترجيتك كان زمان في باب رزق مفتوح وانت سبب فيه
مش عارف ليه الانسان لما بيكون في ايده مساعده يتكبر فيها علي الناس ليه حتي لو كان انسان بسيط او المساعده بسيطه
المنتدي اصلا ما فيه اي زوار شوف المواضيع اكبر موضوع فيه 10 زيارات
وموضوعي كان فيه 6 الاف زيارة وبخلاف قبل ما المنتدي يتعرض للاختراق كان فيه 4 الاف زيارة
مش هقولك غير حسبي الله ونعم الوكيل
وربنا ما يحوجنا لعبد يذل فينا ويتكبر علينا