طرد السراب
العمى تاه دربه دلني يابصير=بين حلم وحقيقه طال بي الإنتظار
خايف أطرد سرابك مثل راعي البعير=راح يطرد سرابه وإنتهى بإحتضار
الهوى جاهل(ن) به وأحسب إني خبير=في دروب المحبه ضاع فيني المسار
بين حلوه ومرّه والطليق الأسير=والحبيب الموادع والزمان اللي دار
غاية القلب وصلك والتمني خطير=والحسابات هامش لو ظروفي كثار
مبعد الكذب عني دوم حبله قصير=والمشاعر مشاعر جاوبتْك إعتذار
لاعتب لا ملامه مايصير وتصير=والتأمّل حداني والتصبّر دمار
صرت حلم وحقيقه صرت حبٍّ كبير=صرت ملهم حروفي .. للفتيله شرار
وينها الخيره اللي لو بغيت أستخير=ماأسعفتني ظروفي ماأصعب الإختيار
تالي الحب راضي وش ماكان المصير=في خيال أو حقيقه بينها القلب حار
العمى تاه دربه خوفتي يالبصير=لا تكون أنت تايه بين شط وبحار
أسئلك تصْدق اللي منك ماهو بخير= جاهل الحب قلبه .. صرت أشوفه يغار
جتك كل الحقيقه جاك صدق(ن) مرير=جيت واضح وجيتك .. في وضوح النهار
وسلامتكم
جلال الخالدي
[/poet]
تعليق