مصفي الطبلون .. ماسح كفرها
اشرت له ياديك رايح على وين
قال الدجاجه مالقينا اثرها
تكفى تساعدني وانا اوفي لك الدين
خايف يكون البس جايب خبرها
قلت له والدمع سايل من العين
وشلونها ياديك وش طولها من قصرها
قال الدجاجه فوق كل المزايين
اعرف مزاياها .. وعندي صورها
قلت اعطني صوره وانا اجيبها الحين
بس انت قلي وش بياجي عمرها
قال الدجاجه عمرها بس عامين
حلوه ومزيونه .. وتسحر من نظرها
فراخها سبعه .. وبالحضن بيضين
راحت وخلتهم نياما بجحرها
قلت له ابشر .. واعتبرني عوين
انا بدور وبأتبع جررها
جلست ادور في المضاريب شهرين
سألت عنها الناس ما احد ذكرها
رجعت لديكي وانا قلبي حزين
لقيت عينه ما تفارق سهرها
قلت البقيه في حيات المسيكين
دجاجتك ياديك .. جاها قدرها
فتح عيونه .. وضم الجناحين
ثلاث ونات مكانه زفرها
قلت له اصبر ترى الصبر زين
قال لي وشلون بقوى صبرها
والتفوا الجيران عنده معزين
جالس معاهم بس نفسه جبرها
وبعد العزى ودعوا الديك ماشين
وكل واحد له طريق عبرها
قلت انا ماشي .. قال تتركني لمين
ناظر جروحي وعالج خطرها
قلت المفارق والله اللي يعين
قفا حزين .. ودمع عينه نثرها
منقول
تعليق