الموضوع: يامدور النشبات

يامدور النشبات خذها نصيحه
بيني وبينك والمقاصد صريحه
والعلم ما يبغى مع الناس صيحه
علم بقوله مثري الـليل ونـات
*
القلب لي لوح شين مطيحه
معاد ينهض والجوارح كسيحه
وحتى عروقه لو تبدل شحيحه
مصلوب بين الهم ودموع واهات
*
والحال في نقص وروحك طريحه
والسقم ماله طب ودرب يزيحه
والفكر عايم و المدامع جريحه
والصمت ساكن والعناء صار بسكات
*
ولاترفع الشكوى تراها قبيحه
محد يقدر والشكاوي فضيحه
بين العرب مفضوح وهرجك قديحه
والناس ما تدري عن جروح وافات
*
وا لورد كله زين ويازين ريحه
شوفه يسر وما يعاتب ذبيحه
وماله عدو واشواك عوده وضيحه
والورد له بين المحبين وقفات
*
يخوي خل الطير واترك لويحه
ودور بدال الطير يمك منيحه
والداب في دربك و تسمع فحيحه
وفتح ترى غمضات عينك بلجات
*
والبحر ماله قاع لا تستريحه
غدار ما يعرف بجد ومزيحه
والموج لي وقف وحل بصبيحه
ارفع يدينك والطلب الرب طلبات


****************
من ماعجبني
تحـــيتي