Tweet
الســـــــــــلام عليكم و رحمة الله و بركاته
هذه القصيدة لشاعر الشيخ محمد بن راشد ال مكتوم مجاراة لقصيدة الشاعر محمد الاحمد السديري المعروفه
( ايقول من عدي على راس عالي )
( ايقول من عدي على راس عالي )
~~~
( سمعت من نادى على راس عالي )
( سمعت من نادى على راس عالي )
سمعت من نادى على راس عالي
رجمٍ طويلٍ يدهله كل جرناس
وانا شراته حرك الشوق بالي
في جو عالي مرتفع للسما راس
الله من طاري بفكرٍ طرالي
سيطر على الاحساس عن كل هوجاس
خذني براس النايف اللي فضالي
والفكر من كثر الموازين ترّاس
جو المحبة والهوى كم صفالي
قطفت وردٍ من على الخد نفاس
لقيت به لي في ركونه مجالي
يرتاح به من كان له قلب حساس
وجدٍ طرالي والخوالي ذهالي
وقدت له من شمع الاحساس نبراس
واسقيت غرسه من معينٍ صفالي
سحرٍ حلال ينير حبره في الاطراس
لو ينقرا للي همومه ثقالي
تنفرج همومه ويصبح بنوماس
ولو ينكتب ثم ينمحى بالزلالي
يشفي الذي في صدره انكال وارجاس
بي من رسيس الشوق صعب المنالي
ما يندرك وصفه وللشوق رسّاس
وبي من ليالي شحها بالوصالي
للي غدالي بين روحي والانفاس
حسنه مثالي .. آيةٍ في الجمالي
عذّب فؤادي وما رحم عذب للعاس
تذبح عيونه من فتون ودلالي
برموش تدمي كنها رماح نكاس
قلبه من الليعه مريح وسالي
وانا بقلبي نار حسرة وهوجاس
بيني وبين النوم حربٍ سجالي
إن جيت اغضّي شفت لهموم حرّاس
يا مكثر أحمالي وطول احتمالي
والدهر معروف عنه شدّة الباس
ولكل أمرٍ لو تمادى زوالي
لا دامت أفراحٍ ولا دامت أتعاس
*****
اجمـــل تحيـــاتي الحربي.
تعليق