Tweet
الشيب يـا خالـد بـدا قبـل حلـه
فانكـان ذا كبـر فلانـي بجـزاع
فانكـان ذا كبـر فلانـي بجـزاع
مدري بـلاه مفـارق الخـل خلـه
والا البنادق يوم ناتي لهـا انصـاع
والا البنادق يوم ناتي لهـا انصـاع
ياما نطحنـا مـن جمـوع مظلـه
وياما عشقنا من حسينـات الاقنـاع
وياما عشقنا من حسينـات الاقنـاع
ويامـا خذيـنـا دق ذود وجـلـه
ماعاد ينفـع فيـه صايـح وفـزاع
ماعاد ينفـع فيـه صايـح وفـزاع
تشعاه قـوم صابحـت منـزل لـه
مثل السباع اللي مضاريـم وجيـاع
مثل السباع اللي مضاريـم وجيـاع
ولحقوا هـل البـل مانوونـا بذلـه
على ظهور مجاذبت كل مصـراع
على ظهور مجاذبت كل مصـراع
وقدها ورانا واحتما الهـوش كلـه
ثم اعترض بالسوق شـاري وبيـاع
ثم اعترض بالسوق شـاري وبيـاع
وردوا بنـي عمـي بخـل وسلـه
ترجف حوافرها ويرجف بها القـاع
ترجف حوافرها ويرجف بها القـاع
اليا اقبلت كنهـا القنـوف المظلـه
ولا زعزعوا مرزوق ياتنك اريـاع
ولا زعزعوا مرزوق ياتنك اريـاع
ترمى الجنايز مثل رمـي الأجلـه
يشبع بها ذيـب الدويـه الا جـاع
يشبع بها ذيـب الدويـه الا جـاع
اقفـا كبيـر القـوم كونـه يشلـه
امـا قـدم والا صويـب ومرتـاع
امـا قـدم والا صويـب ومرتـاع
من ضـرب ربـع للمقاتـل امدلـه
عجمان لامنه وقف عابـر الصـاع
عجمان لامنه وقف عابـر الصـاع
نواسـة الحربـي ليـا شـان دلـه
لينه يجي عقب الصعاطير مطـواع
لينه يجي عقب الصعاطير مطـواع
خصيمنا جمعـه غـدا فيـه خلـه
لاهـوب للجـه ولاهـوب للقـاع
لاهـوب للجـه ولاهـوب للقـاع
حرب مشينابـه علـى كـل ملـه
بفرنجي ضربه يجـي لـه تنيـزاع
بفرنجي ضربه يجـي لـه تنيـزاع
وان بكر الوسمـي بحسـب الهلـه
نرعى الخطر غصب على كل طماع
نرعى الخطر غصب على كل طماع
حريبنـا يقفـي وكـبـده مغـلـه
اليا ذكرنا في حـلا النـوم يرتـاع
اليا ذكرنا في حـلا النـوم يرتـاع
واليـا عقـد عقـد لـزوم نحـلـه
وليـا ذرع ذرع جزينـاه بالـبـاع
وليـا ذرع ذرع جزينـاه بالـبـاع
وان صاح صياح علـى راس تلـه
جينا على قب سريعـات الافـراع
جينا على قب سريعـات الافـراع
والطيـر الأبـرق ماينجيـه ذلــه
لا جاه حر لأبرق الريـش شـلاع
لا جاه حر لأبرق الريـش شـلاع
ونستاهـل الفنجـال لامـال ظلـه
في دلـة يعبالهـا خمسـة انـواع
في دلـة يعبالهـا خمسـة انـواع
في مجلس راعي الشـرف مايملـه
وسوالف يطرب لهـا كـل سمـاع
وسوالف يطرب لهـا كـل سمـاع
ونـار تواقـد مـا حطبهـا بجلـه
ونجر يصوت كنه الذيـب لاجـاع
ونجر يصوت كنه الذيـب لاجـاع
وهذي طراة الروح من قبـل حلـه
والأجل مالـه غيـر مـولاه دفـاع
والأجل مالـه غيـر مـولاه دفـاع
مع لابة تسقي العـدا كـاس علـه
لباسـة الجـوخ المشكـل والأدراع
لباسـة الجـوخ المشكـل والأدراع
اعزهـم وادمـح لهـم كـل زلـه
عزي وزرعي لاحصد كـل زراع
عزي وزرعي لاحصد كـل زراع
وكـل عـل فعلـه لسانـه يـدلـه
وقول بلا فعل مثل ضايـع ضـاع
وقول بلا فعل مثل ضايـع ضـاع
وصـلاة ربـي عـد وبـل يهلـه
علـى نبـي للمخالـيـق شـفـاع
علـى نبـي للمخالـيـق شـفـاع
الشاعر : فلاح بن راكان
تعليق