Tweet
فيروس قلب راسي يا أخوان ,,, ممكن أحد يفيدني ؟
السلام عليكم ورحمة الله ,,,
ما تتصورون يا أخوان الفايدة العظيمة اللي قاعد أحصلها من منتداكم الجميل 
دعائي للجميع بالتوفيق والشكر كل الشكر للمشرف العزيز وباقي الاخوة الكرام 
الحقيقة اني احب النت بشكل رهيب بس الصراحة اني غشيم فوق اللزوم 
لاقيت مشاكل كثيرة لكن مع الوقت تعلمت تجنب بعضها وانا واثق اني راح القى في هالمنتدى انشاالله كل اللي بيفيدني بهالخصوص 
وبدايةً ودي القى تفسير للي صادفني لأني أحترت كثير وأعذروني إذا كان طرحي للاستفسار مكرر وسبق أن طرح من أحد قبلي , والحقيقة دورت لكني ما لقيت اللي يشفي تساؤلي لذا ارجو من المشرف العزيز أو أي من الأخوان وفضلا لا امرا التكرم بإفادتي في هذا الموضوع اللي ما أدري أن كان وصفي له سيكون سليم أو لا ,,,
السالفة يا اخوان أنه لما فتحت الإيميل لقيت رسالة جديدة من الأخوان اللي أعرفهم ومضافين معاي بالماسنجر ومعها ملف مرفق عبارة عن صورة أو فيديو عنوانه Vclip2.zip وحجمه 0.08 ميغا بايت , المهم أني لما حاولت الاطلاع عليه طلعت لي عبارات تحذيرية حسب ما فهمت عن وجود فيروس وحسب ما فهمت أن أسمه
W32/MyWife.b@MM Virus Found
وكلام ثاني مدري وش معناه بس أعتقد والله أعلم أني قلت أهم شي فيه وأظن أن باقي المعلومات هي عبارة عن روابط لمعلومات عن اصابة الاجهزة بالفيروسات أو شي من هالقبيل , اللي أستغربته فعلا أني لما أتصلت بزميلي اللي وصلني هالشي عن طريق إيميله حسب ما اتضح لي , تعجب وأفادني أنه ما أرسل أي شي , وأنا طبعا أصدق كلامه بحكم العلاقة اللي بيننا ويمكن يظن البعض أنها مزحة لكني أأكد لكم أني تأكدت فعلا أنه ما أرسلها , وإضافة الى ذلك نبهني على وجود مثل هالأمور لكن معلوماته ضعيفة جدا عنها مع تأكيده على أمكانية حصولها .
أنا متأكد أني راح ألقى الجواب الشافي عندكم وأعذروني يا أخوان على الإطالة 
مع كل الشكر
تعليق