السلام عليكم ورحمه الله وبركاته

يا جماعة الخير شكلي والله توهقت في ذا الجوال اشتريت كي جام جديد بقراطيسة والله ما اعرف وين راسي فيه , ياما قلت به يمين ياما قلت به يسار وما من فايدة اخوكم مربط راسة و متحسف على الثلاثه الاف لا ومن شين الوجة مشترى ذاكرة اضافيه بعد

اللي بيفيدني الله يجزاه خير واللي ماهو بفايدني الله يجزاة خير و الجوال هذا احتاجه مره مره لاني كثير الاسفار واحتاج النت بأستمرار فزعتكم يالربع .

تقولون وش مشكلتك انت أقولكم ايش المشكله

اولا : الناس يتكلمون عن الترقيات وانا يا اخوكم ما سمعت فيها الا عند العساكر والموظفين طيب اذا انتوا ترقون اجهزتكم رقوا جهازي معكم

ثانيا : الاسماء اللي في قائمه الاسماء تأتي على شكل حروف عربيه بالمقلوب ولا اعرف اكتب فيه بالعربي

ثالثا : انا مشترك مع موبايلي و ابي اشغل النت على الجوال و على ذاكرتة ام 125 ريال ان امكن و فهموني وش اسوي في ذي الذاكرة و اذا ما منها فايده عطوني خبر اهديها للي يفهمني شي

و الله الأسئله كثير وانا استحيت منكم

اجل لو فهمت اللي فوق يكفي و الباقي نتركه بعدين حتى نطيح الميانه معكم و يحلها حلال


اخوكم الاخضر 11