Tweet
مواطن سعودي.....يحاور...أحد (( الجن))......يوجد صورة للجني ؟؟صورة
هذا الفانوس إللي يقولون خلني أحكه شوي أشوف وش سالفته.أشوف هالنصاب سندباد يلعب علينا ونحنا صغاااار..
بسم الله ..أللهم سكنهم مساكنهم...بسم الله أثره صدق.....
المارد
اسمع أنت وخشتك...ترى إن حكيت الفانوس...مرة ثانية...حكيت...جبهتك....في ..جدار جرانيت...
المواطن :
خلاص قسم بالله ما عاد أحكه مرة ثانية..ياأستاذ مارد...
المارد:
صدقت يامواطن أمزح عليك.....أنا المارد شبيك لبيك...آمر تدلل..
المواطن :
والله مانيب مصدق أثرك...صدق....وصحيح إن أي طلب تجيبه وتلبيه لي....
المارد:
إيه صحيح يامواطن....ماتشوفني أقول لك...شبيك لبيك....أطلب...وتمنى...
المواطن :
ياسلالالالالام...شكل حلمي...سوف يتحقق...اسمع يامارد :
أنا أبغى فله...بيت....مساحته 700مائة متر يضفني أنا وعيالي..
المارد:
أبشر... بس..هذا طلبك...أبشر...انتظرني شوي.......بس....
المواطن :
بس...اسمع إذا كان في الشمال...تكفى...أفضل....وعلى شارعين..وفيه قبو...ومسبح...وجنوبي شرقي...
المارد :
...عسى ما تأخرت عليك..يامواطن..
المواطن:
لا...أبد ما تأخرت ..الله يسلمك...ها بشر..وش سويت..
المارد :
والله ...صراحة...ماقدرت...ياخوي....وش ذا الغلا...الفاحش....دورت...العقار...طاير.حسبي الله عليهم..فله..دبلكس..كنها صندوق بردقان..بمليون..ماش..قصرت...والله..عجزت..حاولت أتسلف..أدبر منا..منَا..أقول كان عندك بيت..عض عليه..بالنواجذ.والأنياب...والقواطع.....
المواطن:
وشلون يعني...مافيه __بيت...؟؟!!
المارد:
والله..معليش....حاولت ما قدرت...!!
المواطن:
أقول...والله من يوم شفت...هالفانوس المحلي...المصدي...إللي أنت ساكن فيه.وجفونك..إللي كنها..لستك...قلابي....قلت...منتب كفو..تسنع لي بيت...لا ...وفرحان...أبغى أسكن في الشمال..
طيب وش الحل ...يامارد؟؟؟
- المارد :
شف ممكن استعين بمارد....صديق...شوي..بكلمه وأرجع لك...
- المواطن :
هاه...كلمت صديقك...؟؟
- المارد :
والله كلمته...وقال : ماعندي ..إلا ..
بيت مسلح...في (( الحبونية))...وبيت شعبي...في حلة ابن نصار..هذا إللي قدرنا...ندبره لك...
- المواطن :
أقول...الله ..يأخذك أنت وصديقك المارد.... من يوم شفت..له...قرون..كنه..تيس....وساكن في خرابة...دريت..إن ما وراكم....خبر...طيب ..عندي طلب ثااااااااني...
- المارد :
أطلب...ابشر....
- المواطن :
أنا مقدم على البنك العقاري...وباقي على اسمي ....عشر سنيين.....تقدر تقدمه لي...تقدم لي الرقم..
- المارد :
يلعن أبليسك...أهب...أهب عليك...باقي عليك...بس عشر سنيين....يعنبو..دارك...أنا باقي ويطلع رقمي 20 سنة..لو أقدر...كان قدمت رقمي...
- المواطن :
وشلون...يعني...أنت مقدم...بعد...مثلي...طيب قل ما شاء الله...لا تنفضني..بعينك.....
طيب وش الحل....طيب اسمع فيه طلب ثالث.....اسمع علي قرض...في بنك...تجاري....وش رأيك تقدم باسمك..
- المارد :
كم عليك....؟؟
- المواطن : 150000 ألف...ريال...على 7 سنيين...!!
- المارد :
والله...أنا...خذت...قرض...مثلك.... على خمس سنيين...وقيمة القرض....مائتين ألف...؟؟ والقرض راح كله..
- المواطن :
...ياخوي...أنت ...وش سالفتك...ألحين..من هو المارد...أنا ....وإلا ...أنت....كل ماقلت...لك شيء...حصلتك...رايح فيها...أكثر مني...أنت وخشتك...
- المارد :
يارجال...لا تشكي ..لي...أبكي...لك...
- المواطن :
أقول..شكلك...مارد ..طرار..إلا...قل...لي وش..صار على قرضك...وين ..راح؟؟؟!!
- المارد :
ياخوي...قدر الله علي...ودخلت...سوق الأسهم...خذت...قرض من بنك..عندنا اسمه ((بنك الدبان الأزرق)...وأنا إللي....أطب في الأسهم محيفرة...أول أسبوع...كسب..نسبتين..فوق.....وبعدها...عينك ما تشوف إلا النور...........نسب تحت....نسب تحت....لين.....وصلت...القاع........حق الأرض....ماردنا..إلا قشرة الأرض...تمسكنا فيها.ماباقي...جني..ماتورط في سوق الأسهم..عندنا....وألحين شوف عيونك...أخوك...ورطان ومتعلق......حتى هالفانوس...إللي تشوف....مستأجرة...
؟؟!! كنت ساكن في فانوس...على مستوى...جديد..ومبسوط...والله..إن...القولون..عندي...احترق..من حر ما فيني...
حتى...سوقكم...دخلت..فيه...وعلقوني...تعليق...الله لا يوريك..والله ياعندكم...مجرمين في هالسوق حقكم...ياحليل...إللي عندنا..
- المواطن :
..الله..الله...حتى أنت...قدروا عليك..وأنت المارد....والله شكلك...منت مارد...شكلك...دجاجة صقعاء...
- المارد :
صاحي...أنت...والله..ياذولي..يأكلونك أكل..مايمديك...تصد عنهم شوي...إلا ..قاشعين...فروة رأسك..
- المواطن :
والله حالتك...صعبة...يأبو مرد...
- المارد :
لا....وقبلها.....كان عندي...شوي قريشات..ومن رداءة الحظ...دخلت...في مساهمة.أراضي....ولين يومك...ما شفنا...شي....
وخذت..أفلوس...أميمتي.وحريمتي....ودخلتها..مع بطاقات عندنا اسمها ( خوا))......وعطونا أول شهر....وألحين لنا...كم سنة...ما شفنا .لا أرباح ..ولا رأس مال...
- المواطن :
..الله يقطع أبليسك..أبد..كنك تقص..قصتي...طيب....أقدر أساعدك...في شيء..؟
- المارد :
حولك...سلف...تكفى..؟؟
المواطن :
أفا..هذي..آخرتها..يا بو مرد..ومشخص...ومسوي...زحمة....شبيك لبيك....آمر تدلل..وآخرتها تبي....سلف...طيب كم تبي؟؟؟
المواطن :
شف يابو جنن شكلك جني ولد حمايل....وحالتك صعبة علي.....عشان كذا ودي أساعدك...بس تعالي بعد يومين..
المارد :
الله يجزاك خير...يامواطن..خلاص بروح وأرجع بعد يومين...
- المواطن :
بس...اسمع قبل ما تروح سوي ...لي (( براد شاهي))...
المارد :
والله زمااان....عقب ماكنت مااااارد....خلوني...هوامير الأسهم....قهوجي..
على العموم........بسوي لك...بس ترى ممكن يجي معي صديقي...- المواطن :
خلاص...مهب مشكلة....بس مهب بكره...تجيب...قروب...جن...
المواطن :
بس...لا تنسى.....تجيب شهاداتك..ومؤهلاتك....وأهم شيء...الملف العلاقي الأخضر...
المواطن :
أبو جنن....لحظة قبل ما تروح...نسيت...اسألك ليش...حاط علامة اليهود في عيونك...؟؟؟
- المارد :
ياخوي...يوم شفت إني بروح فيها في الأسهم...قلت...خلني....أحط نجمة اليهود...خلني أخوفهم...ويقولون هذا يهودي..ابن كلب....ويخافون مني....
لكن...ما نفع معهم...لا يهودي....ولا صربي..ولا طااااااعووووون....وشف...هذي...آخرتها...عقب..ذاك الجسم..وذيك العيون...إللي تروع...شف صورتي عقب ...هوامير الأسهم
حتى عين من عيوني...سرقوها...ليتها جت على الأسهم...
- المواطن :
كويس خلوا لك...عين...المهم أرجع لي بعد يومين..ويصير خير...؟ وخذ...هذي...ثلاث مائة...اشترى مقاضي للبيت....؟؟
- المارد :
ياخوي...تنكت..أنت....ثلاث مائة ريااال...اشتري فيها مقااااضي....يخوي...ذي...ياله...تجيب.....كرتون تفاح وبردقان...وطبقين بيض...وخمس دجاجات...
- المواطن:
على العموم...ريح وإذا شريت..نتفاهم..بعدين..وعلمني وش صااااار..
واذا رجع المارد بعلمكم ويش صار ؟؟؟؟
ههههههههههههههههههههههههههههههههههههههه
من ما قرأت لي ولكم ,,
أختكم
صبر السنين
تعليق