..........مكاوي
...... أنا و واحد زمان ماشفته في مناسبة زواجهو : والله لو معاك قرشين و تستثمره في الأسهم , كلها ستة شهور و الا سنة بالكتير إلا و إنت متزوج ومطلع سيارة جديدة
, يعني عروستين في سنة واحدة 
أنا : " وانا اللي جالس ألملم في سنتين عشان عروسة وحدة
" ...... قديش يعني .........5000ريال
هو : 5000 ......... هذه تشتريبها سبح .... و تسرحبها عند الحرم
أنا : بالله ما ينفع
هو: إلا ينفع ..... بس خلال سنة بدل ماتشتري سيارة حتشتري " فسبه " ماركة دبابات "
قيدو ينفع في المواسم
هو : عارف لو الواحد يا خذله 500 سهم ب100 ريال = 500*100=50000 ريال بعد كده يرتفع السهم 10 ريال و تبيع يعني 500*10=5000 ريال , وتسوي هذه العملية مرتين في الشهر على الأقل إنت و شطارتك هيا أحسب في السنة كم تجيب , والله فيها ورق
أنا : أقلك وجه الله ما عليه غطا ................
هو : ........................
أنا : معاي حول ... 50000 ........ 60000 ريال لميتهم عشان أبغ أشتريلي سيارة جديدة
........... ما أقدر أشتغل بيهم ؟هو : والله
.......... ينفع .........أنا: يالله إيدي على كتفك و إللي يرزقنا بيه ربنا .... النص بالنص
هو : لا يا بويه ...... أنا أديتك الفكرة و وريتك بداية الطريق و الباقي عليك
أنا : طيب ايش تنصحني بيه
هو : والله فيه خبر و الناس تهرج عن شركة صدق إنها حترفع راس المال حقها يعني لو الكلام هذا صح خد فيها و أستنى إلين يجي السعر إللي تبغاه و بيع على طوووول مو على عرض
في نفس الليلة في البيت : سهر طبعا مع الورقة و القلم و الآلة الحاسبة ....... إلين الصبح و بعدين على البنك سيييييييييده .... و عاد ما أقلكم عن أول يوم في صالة التداول و خاصة إذا ما كنت تعرف أحد , و أجلس يا أبو الشباب و راقب و حاول تعرف على الأقل كيف تشتري " العملية المكتبية للبيع و الشراء " .....
( أول مرة يعمل عملية شراء أسهم )
أنا : السلام عليكم .... لو سمحت أبغ آخد في صدق
الموظف : كم الرقم ؟
أنا : رقم ايش ؟
الموظف : رقم ال ........ أعطيني بطاقة الأحوال
يالله تصدقوا تعبت من الكتابة , زي ما طفشتوا من القراية لكن عموما حأختصر الباقي
أشتريت في صدق 400 سهم ب168.25
أرتفعت في خلال يومين و الباقي ألين دحين كلها دحدرة ... حجرله... أسحبله بريك ... مافي فايدة لكن في النهاية جاتني فكرة 
في تقليص الخساير وهي بشكل مبسطمعاك 100 ريال و أشتريت سهم بال100 ريال
سهم = 100 ريال
وتبغ تبيع السهم بمكسب بس تجري الرياح بما لا تشتهي السفن و تبيع ب80 ريال يعني خسران 20 ريال
و معاك80و بعد شوي أشتريت نفس السهم لكن ب70 ريال يعني معاك سهم +10ريال....." لاحظ إنك ما أستخدمت أي مبلغ تاني " و بالتالي لوطرحت ال10 ريال من قيمة السهم الأساسي وهو 100 ريال حيطلع السهم ب90 ريال , و طبعا وقت إرتداد السعر حيكون سعر ال90 أقرب من ال100 ريال ولو سويت كم عملية من هذولي حتحصل نفسك قريب من سعر السوق و تستفيد من المرتدات
بسهولة و أنا عن نفسي ماشي مع صدق وحاط الصدام في الصدام و الله مايشرد لو فين يروح راح الكثي و ما بقي إلا القليل و الله يستر, بس ملاحظة أصحك تشتري بأكثر من سعر البيع 
معليش يا جماعة على الإطالة و أتمنى من الشباب و الأساتذة الكرام إنهم يبسطوا الفكرة
هذه عشان تعم الفائدةالله يفك المتعلقين كلهم ................قولوا آآآآآآميييييييييين
تعليق