أنا مدري وش احساسك ومدري وش تظنيني..
أنا الصادق في عينك كنت..صرت الكاذب الخوان...
أنا أخطيت ما أنكر..ولا في عذر يكفيني..
سو أني أحبك حيل إني دايماً إنسان!
أنا أدري بمدى جرحك وأدري الحظ جافيني..
يطول الوقت ما أخطي وإذا أخطيت كل شي بان!
أنا شفت الزهر مايل وظنيته يناديني..
قطفته يوم ضميته لقيته للأسف ذبلان!
عرفت أنك زهر عمري عرفت أنك بساتيني..
وغيرك قيظ ما يروي سراب يشفي العطشان...
أنا لو ما حصل ما كان وش يدريني..
بإنك ما سواك أنت سكن القلب والوجدان؟!
أنا اّسف على اعذاري عجزت ألقى عذر فيني!
يليق بغلطتي فحقك ويرجع كل شي كان...
أحبك كثر أخطائي وأدري أنك تحبيني..
وأدري لو تفارقنا فلا نقدر على النسيان...
إذا تقوى على فراقي وبعدي عنك خليني..
أنا مليت من دور الكرامه ولعبة الغفران!
قليل العمر ياللي أنت دموعك ما تساويني..
حرام أنه يضيع فراق..هي من قلها الأحزان؟!

## عبد الرحمن بن مساعد ##

------------------
من يشتري قلبٍ همومه ملايين...
ويبيعني قلبٍ من الهم خالي..