تقول : بعد الحب 00 لا تنتظرني
مرّت على جرح الليالي تصحّيه
نسى شقاها كل درب 000 وذكرني
مرّت على ظلما طريقي تضوّيه
ليلة هناها مع عناها .. غمرني
مرّت تثير الوجد فيني وتطفيّه
مرّت حنين لوعدها اللي غدرني
من خوفها لا انسى غلاها وطاريه
مرّت تذكرني بوصلٍ 000 هجرني
مرّت مرور الليل بعيون ساريه
حتى الوصل بعيونها ما نظرني
حلمٍ تلاشت ضحكته 00 ليه تحييه ؟؟
ليه الوفا في ليلها 000 ما سهرني ؟؟
ماضي فرحها كيف ترجع وتبكيه ؟؟
عادت تفاصيل الحزن تختصرني
الشوق ماتت في رجاها خطاويه
عرفتها عمر وزمانه 000 نكرني
حبيبتي وعدٍ نستني 000 أمانيه
وتوديعها 00 على الموادع جبرني
من حب ما ينسى ولو حب ناسيه
هذا اللي ليلة جفاها 000 قهرني
تعليق