تاصــل الطايف وترجع بالخبر
روح للوالد وللربع الحـــشام
وأدخل الحله عقب وقت العصر
إشــرب الدله مع الربع الكرام
عـنـد شـبة نـار بالبيت الشعر
وخـذ معك جيران أخوال وعمام
مايضــام اللي صحبهم في السفر
وأركـب الجمس الجديد اللي تمام
نظـرته تجلي عن النفس الكــدر
ســم بالـرحمن ثم شـد الحزام
وأنقـره بالسلف لحـظه وإنتـظر
إعـزم المشـوارللـديره قــوام
للجنوب وخــل مشيك في قـطر
تاصـل الـوادي وطيرالسعد حـام
بين جـم الماء وأغـصان الشـجر
والبساط أخضـروتغريد الحــمام
ومنـظرالغـيـمه وهـتان المـطر
والضـباب يغطي الـوادي دمــام
والندى قـطـاربـأوراق الـزهـر
ركّـــزالعمدان وأطـناب الخـيام
وخـلــي النيران تتطـايرشــرر
كـلـهاسـاعه ويـــدرك الظلام
راحـت الغـيـمه وبــان لنا القمر
دايـرالأفـكـارفـي شـرق وشـام
وخـلّي الحـضارفي حكـي وسـمر
فـي هــدوءالليل والـعـالم نيــام
ركـعتينك صـلها وإبـدا الســـهر
وأطـلب اللـي مــنزله فـوق الغمام
عــالم الأســرار خـلاق البشــر
يعمرالــديره عـلـى مـر الـعـوام
خــاليـه مـابـاقـي فـيـها نـفـر
ومـقـاري النحـل والحــاره هـدام
بعد ماراحــوا كـريـمـين الســير
لورفعت الصــوت مافـاد الكـــلام
عجـلت فــيهم تـصـاريف الـقـدر
ربــع ســمعتهم مثل ريــح البشـام
تبنــي الأشــواروتـفـت الصــخر
من نـــواهـم شــــر مانال المرام
يصــبرالكــيّــات وإلاماصــــبر
يكــسبون الـزود فـي يــوم الـزحام
طـعنها فـي الوجــه ماهــوفي الظهر
مـرهـفـين ســيوف رامين الســهام
صـايبه فـي الخـصم ماتخــطي النحر
وألــف صــلوا فـي البدايه والخـتام
عـد مافــي الأرض من رمــل وحجر
تبلـغ المـخــتارمـن بـيـن الأنـــام
عـد ماهـلـت مــطرها وإســـــتمر
ؤسلامتكم
صقرالنوايف
تعليق