Tweet
الحقيقة انا اشتركت فى المنتدى ده مخصوص عشان ارد على المشاركة بتاعت رأفت الهجان تحت المجهر فقط يعنى يمكن متلاقونيش داخل على المنتدى ده ابدا بعد كده
الحقيقة وانا بقرأ الكلام اللى كتبته الأخت القدس الحزينة والأخ شحاده لاحظت انهم مركزين اكتر على الكلام اللى قالوه الأسرائيليين اكتر من الكلام اللى قالوه المصريين اللى يشرفنى ان انا منهم
والحقيقة ده بيخللينى اسألهم سؤال واحد انتم متخيلين ان الأسرائيليين دول ملائكة ما بيكدبوش وللا فاكرين انهم هيقولو الحقيقة عشان يتفضح امرهم امام العالم كله
الحاجة التانية اللى مخليانى محتار اكتر ان كل اللى ردو على المشاركة بيقولو عايزين نتأكد من الكلام صحيح وللا لا
باى منطق او دين بتقولو كده يعنى تصدقو الاسرائيليين اللى بيدارو على خيبتهم التقيلة بالكدب على انسان مات وعاش وهو حاطط روحه على كفه عشان وطنه ودينه ومتصدقوش الناس اللى هم اهله واللى زرعوه وعمله الفيلم كله طيب ازاى وبأى منطق يا اصحاب العقول
وبعدين فى كل اللى اتقال لم يقال رد الفعل المصرى تجاه الأكاذيب الأسرائيلية وعلى العموم انا هقوله لكم
محمد نسيم ( نديم قلب الاسد ) ضابط المخابرات المصرى واللى قام بتدريب رفعت الجمال على اللاسلكى لما عرف اللى قالوه الاسرائيليين على رفعت الجمال غضب جدا وقال من امتى اسرائيل لما بتكشف جاسوس بتخبى ومتعلنش وليه قالو الكلام ده بعد اعلان مصر عن رفعت ليه مش قبل كده وازاى يكون عميل مذدوج بيمدهم بمعلومات عن مصر وفى نفس الوقت يقعد فى اسرائيل طيب منين هيجيب لهم معلومات ليه مقعدش فى مصر
وقال من ضمن كلامه اتحدى اى حد فى اسرائيل انه يجاوب على الأسئلة ديه
وانا نفسى بسالكم ازاى يبقى عميل مذدوج ويمد مصر برسومات ومعلومات تفصيلية عن خط بارليف الخط اللى كان موشى ديان بيتباها بيه وبيقول عليه اقوى خط دفاع اتعمل فى العالم ؟.
ده غير خبر 5 يونيو 67 ده غير العدوان الثلاثى ده غير كشفه للجاسوس السورى كوهين اللى كان قرب يمسك رئيس وزراء سورية وكان مسمى نفسه امين ثابت ؟
ياريت يكون عندكم ردود لأسئلتى
بدل ما تصدقو ناس مالهاش عهد ولا كلمة من ايام الرسول عليه الصلاة والسلام ناس خانو عهدهم مع الله ورسوله صدقو اهله اللى هو منهم واللى بيفخرو بيه واللى انا واحد منهم
رفعت الجمال عاش مسلم ومات مسلم وعاش راجل ومات راجل
اما لو فيكم حاقد او غيران فانا بقول له انت بتفترى على شخص ميت فداء وربنا بيحاسب
انا اسف انى اشتركت فى منتدى زى ده لأنه ميشرفنيش انى اتكام مع ناس زيكم
الحقيقة وانا بقرأ الكلام اللى كتبته الأخت القدس الحزينة والأخ شحاده لاحظت انهم مركزين اكتر على الكلام اللى قالوه الأسرائيليين اكتر من الكلام اللى قالوه المصريين اللى يشرفنى ان انا منهم
والحقيقة ده بيخللينى اسألهم سؤال واحد انتم متخيلين ان الأسرائيليين دول ملائكة ما بيكدبوش وللا فاكرين انهم هيقولو الحقيقة عشان يتفضح امرهم امام العالم كله
الحاجة التانية اللى مخليانى محتار اكتر ان كل اللى ردو على المشاركة بيقولو عايزين نتأكد من الكلام صحيح وللا لا
باى منطق او دين بتقولو كده يعنى تصدقو الاسرائيليين اللى بيدارو على خيبتهم التقيلة بالكدب على انسان مات وعاش وهو حاطط روحه على كفه عشان وطنه ودينه ومتصدقوش الناس اللى هم اهله واللى زرعوه وعمله الفيلم كله طيب ازاى وبأى منطق يا اصحاب العقول
وبعدين فى كل اللى اتقال لم يقال رد الفعل المصرى تجاه الأكاذيب الأسرائيلية وعلى العموم انا هقوله لكم
محمد نسيم ( نديم قلب الاسد ) ضابط المخابرات المصرى واللى قام بتدريب رفعت الجمال على اللاسلكى لما عرف اللى قالوه الاسرائيليين على رفعت الجمال غضب جدا وقال من امتى اسرائيل لما بتكشف جاسوس بتخبى ومتعلنش وليه قالو الكلام ده بعد اعلان مصر عن رفعت ليه مش قبل كده وازاى يكون عميل مذدوج بيمدهم بمعلومات عن مصر وفى نفس الوقت يقعد فى اسرائيل طيب منين هيجيب لهم معلومات ليه مقعدش فى مصر
وقال من ضمن كلامه اتحدى اى حد فى اسرائيل انه يجاوب على الأسئلة ديه
وانا نفسى بسالكم ازاى يبقى عميل مذدوج ويمد مصر برسومات ومعلومات تفصيلية عن خط بارليف الخط اللى كان موشى ديان بيتباها بيه وبيقول عليه اقوى خط دفاع اتعمل فى العالم ؟.
ده غير خبر 5 يونيو 67 ده غير العدوان الثلاثى ده غير كشفه للجاسوس السورى كوهين اللى كان قرب يمسك رئيس وزراء سورية وكان مسمى نفسه امين ثابت ؟
ياريت يكون عندكم ردود لأسئلتى
بدل ما تصدقو ناس مالهاش عهد ولا كلمة من ايام الرسول عليه الصلاة والسلام ناس خانو عهدهم مع الله ورسوله صدقو اهله اللى هو منهم واللى بيفخرو بيه واللى انا واحد منهم
رفعت الجمال عاش مسلم ومات مسلم وعاش راجل ومات راجل
اما لو فيكم حاقد او غيران فانا بقول له انت بتفترى على شخص ميت فداء وربنا بيحاسب
انا اسف انى اشتركت فى منتدى زى ده لأنه ميشرفنيش انى اتكام مع ناس زيكم