اعلان

Collapse
No announcement yet.

Unconfigured Ad Widget

Collapse

الى خادم الحرمين الشريفين ملك القلوب

Collapse
X
 
  • تصنيف
  • الوقت
  • عرض
Clear All
new posts

  • الى خادم الحرمين الشريفين ملك القلوب

    السلام عليكم ورحمه الله وبركاته

    في الحقيقه هذي ابيات شعر نقلتها من احدى المنتديات الصديقه ومن المفترض ان هذا القسم ليس

    بقسم للشعر ولاكن لاهميتها حبيت اطرح هالموضوع هنا بقسم الاسهم

    وهي عباره عن ابيات شعر موجهها الشاعر الى رساله لخادم الحرمين

    ولا اعرف حتى اسم الشاعر بس الابيات عليها القيمه وتعبر عن معاناه الناس اللي خسرانه بالاسهم

    واشياء كثيره اترككم مع الابيات .

    قولوا لبو متعب ترى الشعب مقهـور ** ياخـادم البيتيـن امسـك عصـاهـا

    ضاعت فلوس الناس مع كـل هامـور ** ومثلك يعرف البير ويعـرف غطاهـا

    من سي لاسوأ وبين عاثـر ومعثـور ** وسهمك 0وهو سهمك رموه بخلاهـا!

    كيف اشكي العله علـى كـل دكتـور ** والطب عندك وانـت تعـرف دواهـا

    ماخافـو الله خالـق النـار والـنـور ** حتـى الأرامـل شاركوهـا بعشـاهـا

    ياقلبـي اللـي فيـه نيـران وحـرور ** ضاقت علي دنيـاي وسكـر فضاهـا

    سوقك بلون الـدم باسبـاب مغـرور ** يضغط علـى سابـك وكسـر يداهـا

    في عشر اواخر نرجي الذنب مغفـور ** قامـوا علينـا قومـة ٍ مـا وراهــا

    واعمار صارت دمهـا اليـوم منثـور ** وخاب الرجاء باعمار واللـي رجاهـا

    ياما بنينـا فوقهـا ابـراج وقصـور ** وراحت سدى والسوق دحـدر معاهـا

    كم شاب قال ابغى اتزوج مـن الحـور ** وافلس وبيره جف مـا شـاف ماهـا

    وكم راعي أسره أصبح الصبح مفقور ** العيـد بكـره واسرتـه مـا كساهـا

    وقمت اتفكر وادرس الـراي والشـور ** قلت ازبن لصقر العروبـه .. ذراهـا

    بكلمه تجي من عنده اليـوم مسـرور ** والسوق يرجع عشب يـروي ظماهـا

    يادرعنا لا صـار بالكـون عاصـور ** كم صرخـة ٍ للنـاس تسمـع صداهـا

    يالحر 00 يابن الحر 00 والحر مخبور ** قاد الحـرار الشامخـه فـي سماهـا

    ما يلحقك يا سيـدي شـك وقصـور ** لكـن رسالـه ياصـلـك محتـواهـا

    انـك ابونـا والرجـا فيـك موفـور ** عدلـك شمـل كـل الديـار وغشاهـا

    جوني يعزوني على السـوق ماجـور ** قلـت البقـا بالشيـخ يطفـي لظاهـا

    ويرد لون السوق عشبـي ويخضـور ** مثـل علـم دار السعـود وصفـاهـا

    خيرك عميم وشاكر النـاس مشكـور ** ومـزن الحيـا عـم البـلاد وسقاهـا

    انت الرجا بعد الولـي تدفـع الجـور ** واسلم عساك تـدوم وتحمـي حماهـا

  • #2
    الرد: الى خادم الحرمين الشريفين ملك القلوب

    الله يعطيك العافية ...

    وفعلا شي لا يرضي القريب ولا البعيد ....

    تعليق


    • #3
      الرد: الى خادم الحرمين الشريفين ملك القلوب

      السلام عليكم ورحمه الله ’’

      بارك الله فيكم ,
      ونسأل الله ان يهيئة له البطانة الصالحه ,,


      دمتم بود

      تعليق

      تشغيل...
      X