اعلان

Collapse
لا يوجد إعلان حتى الآن.

فاكر يابحر

Collapse
X
 
  • تصنيف
  • الوقت
  • عرض
Clear All
إضافات جديدة

  • فاكر يابحر

    فاكر يابحر؟ اوعاك تقلى انك نسيت

    فاكر زمان؟ ايام زمان ....................

    كنت ليا ناس واهل كنت ليا مزار وبيت

    والموجه بنتك , تشوفنى تجرى تبوسنى وتسمى عليا

    ترسى سفينك , على شطى ببرائه صبيه

    فاكر يابحر؟


    كنت راسم بمتيك ع الرمل اسمى

    واما اشوف بسمتك , اضحك واجرى

    وافرد جناحى , لنستمك, واطير واغنى ....

    موال زمان اللى انت بتعشقه ..

    وعنيك تدمع لما كنت بتسمعه..

    اعزف موسيقى ع الكمانجا وع الربابا...

    وانت سارح , وانت سامع غنايا يابا...

    تظهر حبيبتك تحضنك اخجل واسيبكم

    واروح بعيد , فرحان سعيد بمعرفتكم

    وارجع والاقى ميتك دفيت خلاص .......

    الله , الله على حضن الاحبه , يابحر شمسك بتحضنك

    اجرى واصرخ واقول تعالو اتعلمو منهم ياناس .......

    فاكر يابحر ؟



    ياسلسبيل شربت منك واقتبست فكرتى ؛

    ويا الاصيل ع الشط قاعد , واخد فى حضنى وردتى

    واكتب حكاوى , واكتب غناوى , اسافر بعيد عن دنيتى

    ارجع سعيد , ارجع حزين ميهمنيش , ما دومت شايلك فى مهجتى ؛

    فاكر يابحر؟



    لما كنت معاك بكون من غير عزول ....

    تهمسلى ,, اطمن واقول

    احكى حكايه الزناتى , والهلالى ابو الفوارس

    والكون يغنى , والطيور , والنوارس

    واما كنا بنندمج تنزل, دموعى وتتخلط بمتيك..

    تدور تقول وانت طاير برقتك.....

    تتباها بيها ع الخلايق , وع البحور , وع الجبال

    شايل دموع الناس ,,,,, ياولاد الحلال,,,,,,,,,,,,

    فاكر يابحر؟؟

    اوعاك تقلى انك نسيت

  • #2
    الرد: فاكر يابحر

    الله عليك

    شكرا أخى على المشاركة الجميلة

    كلمات رائعه وعذبة مثلك

    دومت بعذوبة يالطيب

    تقبل ود وتقديرى

    تعليق


    • #3
      الرد: فاكر يابحر

      مشكور اخي نورالدين

      جميله مناجاة البحرلمايشتمل عليه من ذكريات لمن عشقوه

      تحياتي اخي

      تعليق


      • #4
        الرد: فاكر يابحر

        مشكور اخي مشاركة جميله لطيفة
        على شواطئ البحر الجميع يناجي يلهو يتأمل يحمل الاسرار والامنيات على امواجه يسافر بها ويعيديها اليهم ساعة الذكريات ..لكن في اعماقه الغدر كامن ياخذ الذاكر والذكريات ..
        تقبل تحياتي ...
        اللهم انصر اخواننا المسلمين في كل مكان
        (اصلح نفسك , تصلح اسرتك,يصلح مجتمعك )

        تعليق


        • #5
          الرد: فاكر يابحر

          اشكركم جميعا اخوانى على تعليقاتكم الجميله واشكر بالاخص الاخت برمويس على شده تفاعلها مع القصيده

          وشكرا لكل من مر وكل من كتب تعليق رقيق مثلكم

          تقبلو تحياتى ......... نور الدين مهران

          تعليق


          • #6
            الرد: فاكر يابحر

            تحياتي اخي نور الدين
            مشاركة جميلة تشكر عليها
            تقبل تحياتي وتقديري
            وننتظر جديدك
            مع تحياتي

            عصام زايد

            ( ثلاثة هي فرحة الدنيا وبهجتها )

            ( شمس الضحى وشيماء والقمر )

            للاطلاع على كل ما هو جديد
            زوروا مكتبة ساندروز الثقافية

            تعليق


            • #7
              الرد: فاكر يابحر

              اشكرك اخى عصام على اهتمامك الدائم

              تعليق

              تشغيل...
              X