اعلان

Collapse
لا يوجد إعلان حتى الآن.

الشعب العربي ... شعب المصطبة !

Collapse
X
 
  • تصنيف
  • الوقت
  • عرض
Clear All
إضافات جديدة

  • الشعب العربي ... شعب المصطبة !

    شعب المصطبة ! ... ملقيتش تعليق تاني ممكن أقوله علي الشعب العربي غير التعليق ده .. أتخيلت واحد قاعد علي المصطبة عمال يفتي و يقول اشاعات , و احنا نصدق و نمشي ورا كلامه من غير ما نعرف ان كان ده صح و للا غلط !!

    اللي خلاني أكتب الموضوع ده هي اني فعلا صدعت من كتر الموضوعات اللي بقرأها علي النت و اللي بسمع عنها من الناس العادية عن حاجات ملهاش لازمة زي مثلا (لازم نقاطع البيبسي علشان معنا الكلمة "ادفع كل بنس لتقام دولة أسرائيل") , أو (حرام تقولوا كلمة باي لأنها تعني "في رعاية البابا") , أو (أوقف تعاملك مع شركة ياهوو لأن أصل الأسم هو معناه "إلاهنا باللغة العبرية و هو الإله الذي ينتظره اليهود..إلخ) , و غيرها من الهبل و الذي أحب أن أسميها , و لو أي واحد أجنبي غير عربي سمع الهبل ده مش هيبطل يضحك علينا ...

    و علشان مبقاش بقول كلام بس , خلونا نمسك حاجه حاجه و أثبتلكم بالدلائل أن كل ده ليس له أي صحة ...

    أولا ناخد موضوع البيبسي :

    من كام سنة الناس عملت هيصة بخصوص البيبسي PEPSI , قالوا أن الكلمة ترمز ل(Pay Every Pense to Set up Israel) , و بدأت حملة مقاطعة واسعة , و نشرت اعلانات في المساجد و الشوارع , و الشعوب التانية بتضحك علينا , بتضحك علينا لأننا عندنا قضية لكن السبب هو سبب خاطئ و هايف , ياريت كانت المقاطعة لأنه منتج أمريكي زي ما حصل بعد كده لكن كان السبب هو الهبل ده , و لغاية دلوقتي الناس مفكرة كده , بس حد فينا دخل علي النت و دور علي أصل الأسم ؟

    خلينا نبدأ من موقع www.answers.com, الموقع ده عبارة عن موسوعة بتجيب منها أي معلومة عايزها , خلونا نكتب بيبسي و نشوف هيدينا ايه ...

    "U.S. conglomerate. The soft drink Pepsi-Cola was created by a pharmacist, Caleb D. Bradham, who gave his tonic its name (from Greek pepsis, "digestion") in 1898 and incorporated the Pepsi-Cola Co. in 1902."
    و ترجمة ده ان مشروب بيبسي عمله واحد صيدلي اسمه كاليب د. برادهام , و اللي اختار الأسم ده مشتق من كلمة بيبسيس و التي تعني الهضم , و اخترعه في 1898 , و عمل الشركة في 1902 يعني قبل اسرائيل ما تتعمل بحوالي نصف قرن , و لو قريتوا تاريخ الشركة من جوا هتلاقوا ليس له علاقة باسرائيل .... فزي ما قلتلكم , أكيد واحد كان قاعد علي المصطبة بيقكر "اه , بيبسي ... ب يعني باي , ي يعني أيفري , ب يعني بينس , س بعني سيت أب , س يعني أسرائيل " و طبعا نشر الأستنتاج العبقري الفذ ده بين أصحابه و اتنشرت الحكاية بين الناس و الناس صدقت و مدورتش أن كان صح و للا غلط ....


    ثانيا بقي ناخد موضوع BYE :

    أكيد معظمنا من اللي بيدخلوا علي منتديات شفتوا المواضيع اللي بتحرم استخدام كلمة باي , بحجة ان معناها "حفظ البابا" ... تلاقوا واحد كاتب الموضوع , و ملايين بيردوا بعده و بيقولوا "ربنا يخليك يا بني للأسلام " و تانيين يقولوا "أنا خلاص معمتش هقولها ..إلخ" , اه كويس اننا نبطل نقولها و نقول تحية الأسلام , لكن ده مش معناه اننا نحرم الحاجات علي مزاجنا ...

    موقع ويكيبيديا يشير إلى أن الكلمة Bye مشتقة من الكلمة الأصلية GoodBye التي ذكر بأنها :
    is a traditional farewell phrase used in the English language. It comes from “God be with ya .
    الترجمة : تحية تقليدية للوداع تستعمل في اللغة الإنجليزية ، وهي أصلا تعني :
    ” فليكن الرب معك ” ..
    أما قاموس جامعة كامبردج - Cambridge University - فقد ذكر بأن Bye ماهي إلا :
    exclamation INFORMAL goodbye ، أي هتاف غير رسمي لـ كلمة GoodBye ..
    وقاموس أوكسفورد - Oxford - قد ذكر أيضــا نفس الكلام السابق بالإضافة إلى :
    exclamation used to express good wishes when parting or ending a conversation. AND ORIGIN contraction of God be with you!
    أي هتاف يستعمل لـ تمني حظا طيبا عند الإفتراق أو إنهاء المحادثة .. وأنها أصلا مشتقة من عبارة ” فليكن الرب معك “..
    وحتى قاموس إنكارتا - Encarta - لم يختلف مع القواميس السابقة في تعريفه للكلمة ..
    حتى موقع الفاتيكان الرسمي خلال بحثي فيه عن معنى للكلمة ، لم اجده يشير أبدا إلى المعنى - المزعوم - ، بل كانت تأتي دوما بنفس معنى God be with you!! ..
    إذا ... فين البابا اللي بيقولوا عليه ده ... واحد شكله زهق من كتر المواضيع عن الموضوع , قام داخل علي موقع اسلام اليوم و سأل أهل الفتوي ... و ها هي الفتوي لقرأوها بنفسكم و التي تؤكد الكلام الذي ذكرته http://www.islamtoday.net/questions/...m.cfm?id=69189

    فبرضه تلاقي صاحبنا كان قاعد علي المصطبة , فكر في كلمة باي و حب يخطلها تفسير من دماغ سيادته الفذ , و طلعلنا بالعبقرية دي كلها ... و احنا مشينا من غير ما نتأكد ...


    ندخل علي بعد كده علي موضوع Yahoo!:

    أنا هقتبسلكم كلام من موضوع منتشر في المنتديات

    "هل تعرف ماذا تعني كلمه Yahoo ?

    هي كلمه يهودية و تعني إلهُـنا (الإله) باللغة العبرية
    وهو الإله الذي ينتظره اليهود في تورآتهم المحرفة
    لأنهم يؤمنون بأنه سيأتي ويتبعوه
    ويقتل كل من لا يؤمن به ويرفع من شأن اليهود..
    ويؤمنون أيضا ...انه لن يأتي حتى يُبنى هيكل سليمان فوق أنقاض المسجد الأقصى وأن لظهوره علامات لا أتذكر منها إلا ظهور البقرة الحمراء "

    و طبعا الناس ردت و قعدت تدعيله و اللي يقول أنا خلاص تبت و معمتش هستخدم إلي الهوتميل -قال يعني الهوتميل مصرح به من دار الأفتاء- , و اللي قال استغفر الله , ربنا يسامحني علي الأيميلات اللي بعتها من هناك "... ايه العبط ده , للدرجة دي وصلنا للتخلف ده , خليني أوريكم أصل الكلمة الأول

    ده لينك الموسوعة عن ياهوو http://www.answers.com/yahoo , ممكن تشوفوا كل المعلومات عن الشركة , بس هقتبسلكم الجزء ده "As for the transformation of the database's name from "Jerry's Guide to the World Wide Web" to "Yahoo!," the two men became bored with the original tag and set about to change it late one night while bumming around in their trailer on the Stanford campus. Looking to mimic the phrase/acronym "Yet Another Compiler Compiler" (YACC), a favorite among Unix aficionados, Yang and Filo came up with "Yet Another Hierarchical Officious Oracle" (YAHOO). Browsing through the online edition of Webster's dictionary around midnight, they decided that the general definition of a yahoo--rude and uncouth--was fitting. Yang was known for his foul language, and Filo was described as being blunt. The two considered themselves to be a couple of major yahoos, and thus the name which would soon become a household brand was born."

    يعني الكلمة ملهاش علاقة خالص باله اليهود المنتظر , بالأَضافة لده , لو حد بيعرف يتكلم عبري , هيعرف أن الأله بتاع اليهود ده اسمه " يهوا" وليس "ياهو" , فربنا يخليه صاحبنا بتاع المصطبة اللي قعد يفتيلنا و احنا بنمشي وراه ...



    دي حاجه , ده غير البوكيمونات !! - ومعانيها - المزعومة أيضا - باللغة العربية ..
    بيكاتشو = أحب أن أكون يهوديا ، تشارمندر = قاتل الهيئة !!

    القائمة طويلة , أنا بس مش عايز أطول عليكم , كل اللي بتمناه أننا منصدقش أي حاجه نسمعها , لازم ندور بنفسنا و نتأكد أن الحاجه اللي احنا مشيين وراها صح و للا غلط ... فأحسن لنا مليون مرة أننا ندافق عن قضيتنا و احنا فاهمين , بدل ما احنا مغمضين عيوننا و منساقين و يقف الغرب و يضحك علينا و يتهمونا بالجهل و الغباء ...

    و تقبلوا مني كل التحية و التقدير ,,,

    أخوكم محمد
    Mohamed Amin

  • #2
    الرد: الشعب العربي ... شعب المصطبة !

    أهلاً وسهلاً بالأخ العزيز محمد أمين
    شكرا لك على هذا الطرح الرائع , وعلى المعلومات الجديده
    يعطيك ألف عافيه أخي محمد
    بارك الله فيك
    تحياتي,,,

    تعليق


    • #3
      الرد: الشعب العربي ... شعب المصطبة !

      شكرا أخي الحبيب أبو عبدالعزيز علي تنويرك للموضوع , و لك مني كل التحية
      Mohamed Amin

      تعليق


      • #4
        الرد: الشعب العربي ... شعب المصطبة !

        مرحبا محمد امين،

        موضوعك اكثر من رائع، الذي يعكس بالفعل واقعنا،، وما نحن فيه من تخلف والأمم الآخرى تتقدم، وازيدك انني سمعت احدهم يقول ان لحم الماكدونالد مصنوع من الدود او ان الدود أحد مكوناته الرئيسية،، ههههههها،، بالفعل امر غريب وامور لايمكن ان يصدقها العقل..
        وفي النهاية فإن سبب هذه الدعايات المغرضة سبب معروف للجميع وهو كرهم لأمريكا.


        هاتف:
        0055-203 (715) 001
        0800-888 (715) 001

        تعليق


        • #5
          الرد: الشعب العربي ... شعب المصطبة !

          اضيف في الأساس بواسطة ساندروز عرض الإضافة
          مرحبا محمد امين،

          موضوعك اكثر من رائع، الذي يعكس بالفعل واقعنا،، وما نحن فيه من تخلف والأمم الآخرى تتقدم، وازيدك انني سمعت احدهم يقول ان لحم الماكدونالد مصنوع من الدود او ان الدود أحد مكوناته الرئيسية،، ههههههها،، بالفعل امر غريب وامور لايمكن ان يصدقها العقل..
          وفي النهاية فإن سبب هذه الدعايات المغرضة سبب معروف للجميع وهو كرهم لأمريكا.
          شكرا أخي العزيز ساندروز علي تنويرك للموضوع , و بالفعل لو فتحنا موضوع المطاعم الأمريكية في الدول العربي و عن كمية الأشاعات التي حامت حولها لما انتهينا ... فعلي سبيل المثال محلات كنتاكي في مصر طلع عليها أشاعة انها بتستخدم الدجاجات الميتة أو المريضة في الطبخ ..و و و ... أنا بموضوعي هذا لا أدافع عن أمريكا أو عن مصالحها ... فحلمي كحلم أي شخص عربي أن منتجاتنا تصل للعالمية كهذه المنتجات ... لكن لن نصل لذلك عن طريق أطلاق أشاعات و فتاوي و نصدقها و ننساق ورائها , يجب أن ندافع عن قضيتنا بأفعالنا ليس بأقوالنا ... و علي الأقل أن نتأكد من أي أشاعة قبل أن ننساق وراءها ...

          و لك مني كل التحية
          Mohamed Amin

          تعليق


          • #6
            الرد: الشعب العربي ... شعب المصطبة !



            اخوي محمد ,,

            طرح رائع ,,ومهم جداً ,,

            كلامك سليم مئة بالمئة ,,

            ولكن معروف عنا نحن العرب ,,شعب كثيرالحديث قليل الفعل

            فما يفعلونه أمر طبيعي بالنسبة لهم ,,

            أختك

            صبر السنين

            رحلة عمر مبداه لحظة سعاده ,,, ومنهاه يعلم خالق الكون فيها
            صبر السنين

            تعليق


            • #7
              الرد: الشعب العربي ... شعب المصطبة !

              عندك حق أختي صبر السنين ...
              يعطيكي ألف عافية علي مرورك , و لكي مني كل التحية

              محمد امين
              Mohamed Amin

              تعليق

              تشغيل...
              X