في غيبتك يالغالي قلبي تعب ولا طاب..والروح مشتاقه وانت بجيتك تشفيها
اشوف خيالك ولا جيته لقيته سراب..واشوفك في احلامي وودي مااخليها
واصحى من احلامي واعيش بعذاب..واعرف ان حياتي انت وحدك محليها
ولا سمعت اي صوت فتحت كل باب..اتخيل جيتك واعيش احلى ماضيهـا
واحلف يمين انك بعيني احلى الشباب..وانك الاول بدنيتي وبعد تاليهــــا
واني بدونك كني عايش والله بضباب..لا اشوف الدنيا ولاافرح بلياليهــا
ماذوق الفرح وكن بيني وبينه حجاب..هذي حياتي ومايحس بالنارالا واطيها
ومن قال اني نسيتك ترى هو كذاب..خيالك يلاحق عيوني دايم ومايخليهـا
وليتك تشوف العين ودمعها صباب..بس بجــيتك يالغالــي والله تكفيــها
ومن يعرفك يعيش عمره وهوماشاب..لانك رمز للاخلاق والعيوب مانلاقيها
كلن يتمناك ويقول ليته من الاصحاب..لان صحبتك فخر وكلن يفتخرفيها
ياليتني القاك ونعيش احلى احباب..نشعـل شـموع الحـب وابدمانطفيـها
ونطير عن عيون الناس فوق السحاب..واقولك دنيا بدونك ابد انا ماابيها
واعترف لك اني احبك وكلي اعجاب..وان روحي لو غبت عنها محدن يسليها
ولو عطيتك كل مايملك بنك ساب..اكيد مكانتـك كبيره ومايساويها
ولو كتبت عن غلاك مايكفيني كتاب..قدرك كبير واكيد كل الاوراق بينهيها
*****
هذه مجرد محاوله واتمنى ان تعطوني رأيكم فيها
وانا اتقبل النقد بصدر رحب
ولكم مني جزيل الشكر
تعليق