اعلان

Collapse
No announcement yet.

Unconfigured Ad Widget

Collapse

رسالة من أحمد فؤاد نجم إلى حسني مبارك

Collapse
X
 
  • تصنيف
  • الوقت
  • عرض
Clear All
new posts

  • رسالة من أحمد فؤاد نجم إلى حسني مبارك

    سيدي الرئيس
    في عيد ميلادك الكام وسبعين
    كل سنة وأنت طيب
    واحنا مش طيبين
    كل سنة وأنت حاكم
    واحنا محكومين
    واحنا مظلومين
    واحنا متهانين
    ويا ترى يا حبيب الملايين
    فاكرنا ولا احنا خلاص منسيين
    فاكر المعتقلين
    فاكر الجعانين
    فاكر المشردين
    فاكر اللي ماتو محروقين
    فاكر الغرقانين
    الله يكون في عونك - هاتفتكر مين وللا مين
    في عيد ميلادك الكام وسبعين
    بقول لك كلمتين
    الأوله
    شيلتنا طين
    وهل تعلم أن النيل بقى رشاح
    والجو أصبح بيئة والعيشة ولعة
    والشرفا قلوبهم عالبلد والعة
    وانت عاملهم مذبحة ولا بتاعة القلعة
    والاقتصاد سداح
    والسرقة بقت كفاح
    ومصر متاحة بس للسياح
    وعرض البلد بقى مستباح
    والتانية
    ورتنا الويل
    دا الخطوة في عهدك بقت ميل
    والضحك بقى نواح وعويل
    والكوسة
    عارف الكوسة
    ممكن أقولك فيها موواويل
    والجامعة بقت يا إما كباريه أو دار مسنين
    والشباب معظمهم من غير خمرة سكرانين
    والعلم عز على المتعلمين
    والأساتذة بقم دجالين
    والقادة بقم طبالين
    واديني في الهايف يا حبيب الملايين
    والتالتة
    عارف اليابانيين
    زمان في سنة اتنين وخمسين
    كان عندنا تروماي وكان عندنا علم ومتعلمين
    وثقافة ومثقفين
    وأدبا وعلما وفنانين
    وكانو اليابانيين
    بالنووي لسة مضروبين
    وللصدقة مستحقين
    دلوقتي إحنا فين وهما فين
    هما فوق واحنا في أسفل سافلين
    والرابعة
    أمن البلد بقى تنين
    والمحاكم اتملت مظالم
    والعدالة بقت كمالة
    وكلمة الحق في الزبالة
    وأصحابها في الزنازين
    والخامسة
    القطاع العام…. عام
    والفساد…. ساد
    وفي جتة بلدنا بيرعى
    أفتكر لجنابك إيه وللا إيه
    وكل ذكرى ليك بدمعة
    آآآآآآآآه آآآآآآآآه
    أنا كنت حالف ميت يمين
    أكملهم لك تمنية وسبعين
    بس هاكفيهم ورق منين
    وكل سنة وأنت
    واحنا طيبين

    شكراً أختي الغالية طفولتي على التوقيع الرائع

  • #2
    الرد: رسالة من أحمد فؤاد نجم إلى حسني مبارك

    شكرااالك أخي الحبيب

    مشاركة جميلة مثلك

    والصراحة أنا لااعلم من هو الظالم ومن هو المظلوم .. لان السفينة فيها أكثر من قبطان

    تحياتي
    آخر اضافة بواسطة حمادة الشاعري; 02-09-2007, 01:51 PM.

    تعليق


    • #3
      الرد: رسالة من أحمد فؤاد نجم إلى حسني مبارك

      شكرا اخي إنت قمرهم كلهم
      يظل مايكتبه كل شاعر او كاتب يمثل وجهة نظره فقط ونحن نحترم وجهة نظره ونعجي بالكلمه دون المعنى
      تحياتي

      تعليق


      • #4
        الرد: رسالة من أحمد فؤاد نجم إلى حسني مبارك

        كلمات رائعة وصادقة تعبر بصدق عن واقع مأساوى مؤلم يعيشة الشعب العربى

        شكرا لك على هذا الاختيار

        دمت بكل خير ووحب

        مع اطيب المنى
        ...:::أصـــــــدق حـزن........ابتســـامه فـــــــــــى عيــن دامعــــة:::.....

        تعليق


        • #5
          الرد: رسالة من أحمد فؤاد نجم إلى حسني مبارك

          شكرا على أختيارك للشاعرأحمد فؤاد نجم
          فهو يمثل نبض الشارع المصري بحق .

          تعليق


          • #6
            الرد: رسالة من أحمد فؤاد نجم إلى حسني مبارك

            اشكرك اخي علي اختيارك للشاعر الجميل
            احمد فؤاد نجم والذي اعتبره من اعظم شعراء جيله في التعبير عن مكنون نفسه الحره
            دون خوف او تردد وهذا علي مدار حقبه واسعه من الزمن تعددت فيها مشاركاته الانسانيه
            والسياسيه والتي لمست اغلبها قلوب العامه وعبرت عنهم
            تحياتي

            وقد يجمع الله الشتيتين بعدما يظنان كل الظن الا يلتقيا.........وعجبي

            تعليق


            • #7
              الرد: رسالة من أحمد فؤاد نجم إلى حسني مبارك

              اضيف في الأساس بواسطة حمادة الشاعري عرض الإضافة
              شكرااالك أخي الحبيب

              مشاركة جميلة مثلك

              والصراحة أنا لااعلم من هو الظالم ومن هو المظلوم .. لان السفينة فيها أكثر من قبطان

              تحياتي
              الله المستعان ..
              شكراً لمرورك أخي حمادة
              دمتم

              شكراً أختي الغالية طفولتي على التوقيع الرائع

              تعليق


              • #8
                الرد: رسالة من أحمد فؤاد نجم إلى حسني مبارك

                مشكور اخي الغالي جهاد
                يعطيك الف عافية
                مع تحياتي

                عصام زايد

                ( ثلاثة هي فرحة الدنيا وبهجتها )

                ( شمس الضحى وشيماء والقمر )

                للاطلاع على كل ما هو جديد
                زوروا مكتبة ساندروز الثقافية

                تعليق

                تشغيل...
                X