اعلان

Collapse
لا يوجد إعلان حتى الآن.

يا صانع المكياج ....

Collapse
X
 
  • تصنيف
  • الوقت
  • عرض
Clear All
إضافات جديدة

  • يا صانع المكياج ....


    يـا صانـع المكيـاج الله يجـازيـك
    خليتني مخـدوع فـي شكـل خلـي
    الله يحـرق مصنعـك مـع مبانيـك
    والمعرض الموجـود في بيكاديلي
    ادعي عسى تعمى وتنشـل رجليـك
    هـذا دعائـي دوم لا جيـت اصلـي
    خليتني اركـض ورا البنت هاذيـك
    واشوفها اجمل غـرام ٍ حصـل لـي
    قلبي عشقها ياحبيبي توماتيك
    وان شافها قلبـي يرحـب يهلـي
    هي رحبت بـي وقالـت الله يحييـك
    وقالت هلا باللي عشق زيـن شكلـي
    وقالت انا اجمل بنت في اللي حواليك
    شف حسني الاخاذ وروجي العسلّـي
    طالعتها ثـم قلـت هالقلـب يبغيـك
    ومن شاف حسنك خلى غيرك يولـي
    ابغي اشوفـك دون مكيـاج يكسيـك
    وابغـي اشوفـك بالجمـال المحلـي
    قالت تبينـي افـرك الوجـه تفريـك
    واشيل هالبـودر وروجـي وكحلـي
    قلت أي نعم قومي عسى الروح تفديك
    ابغـي جمالـك هالطبيعـي يهـلّـي
    قالت دقايق راجعـه لـك واراويـك
    ذاك الجمـال اللـي لعينـك يسـلّـي
    ويوم رجعت لي شربكتني الشرابيـك
    وحسيت الارض تدور وانـا بمحلـي
    الخد كنه ياحياتي سيراميـك
    والوجه شارع مثـل شـارع حولـي
    الوجـه كنـه بيـت كلـه شبابيـك
    من هالحفر في وجهها اللـي يعلّـي
    كلـه سبـب مكياجـك الله يجازيـك
    خليتني مخـدوع فـي شكـل خلـي
    ونصيحتي لكل شاب من غير تشكيك
    لا لا اتسـرع ثـم تنغـش مثـلـي
    اللـي بـلا مكيـاج خلهـا حواليـك
    واللـي تحـط مكيـاج خلهـا تولـي

    منقوووووووووووووول



    تحياتي ..

  • #2
    الرد: يا صانع المكياج ....



    هلا وغلا اختي الطيبه كاتين
    قصيده جميله لكن الشرهه ماهي على بايع المكياج الشرهه على الشاعر ماعرف يختار ههههه
    لك خالص تقديري
    سلام

    تعليق


    • #3
      الرد: يا صانع المكياج ....

      اضيف في الأساس بواسطة صقرالنوايف عرض الإضافة

      هلا وغلا اختي الطيبه كاتين
      قصيده جميله لكن الشرهه ماهي على بايع المكياج الشرهه على الشاعر ماعرف يختار ههههه
      لك خالص تقديري

      سلام
      اهلا بالشاعر صقر النوايف ....
      تعليق جميل ... عنجد الشاعر ما عرف يختار ههههههههههههه.

      مشكور يالغالي على حضورك ..
      تحياتي لك ..

      تعليق


      • #4
        السلام عليكم و رحمة الله و بركاته

        يا حراااااااااااااااااااام

        بس يستاهل الشكل الحلو مو سبب كافي للحب

        الله يعطيكي العافية يا الغلا

        حدّ السحاااااب و فوق روس الجباااالي و أنا جلالة الملكة %

        تعليق


        • #5
          الرد: السلام عليكم و رحمة الله و بركاته

          اضيف في الأساس بواسطة جلالة الملكة عرض الإضافة
          يا حراااااااااااااااااااام


          بس يستاهل الشكل الحلو مو سبب كافي للحب


          الله يعطيكي العافية يا الغلا
          اهلا بجلالة الملكه ...
          ربي يعافيك ويسلم حياتك ..
          مشكوره ..
          تحياتي.

          تعليق


          • #6
            الرد: يا صانع المكياج ....

            وااااااااااااايد حلوه الله يعطيج العافيه اختي

            تعليق


            • #7
              الرد: يا صانع المكياج ....

              اضيف في الأساس بواسطة دانة بنت الكويت عرض الإضافة
              وااااااااااااايد حلوه الله يعطيج العافيه اختي
              اهلا دانه بنت الكويت

              ربي يعافيك .....

              تحياتي

              تعليق

              تشغيل...
              X