اعلان

Collapse
No announcement yet.

Unconfigured Ad Widget

Collapse

لاصار جدك ماترك لك ملاين ماهوب لازم تشتري له ضحيه

Collapse
X
 
  • تصنيف
  • الوقت
  • عرض
Clear All
new posts

  • لاصار جدك ماترك لك ملاين ماهوب لازم تشتري له ضحيه


    الشاعر سعود جمعان المطيري من الشعراء المبدعين


    وقد حصل له موقف مضحك قبل فترة قصيرة

    يقول سعود إنه وهو بالمسجد بعد ماسلم الإمام قام شحاذ يشتكي أموره على المصلين لعلهم يساعدونه
    وهو يتشكى كان مركز بعيونه على سعودجمعان

    قال له سعود هالأبيات:





    يا ابن الحلال اللـي تشكـى علينـا
    حنّا لنا بوضع على الله مشاكيه
    كانـك تحـرى للعـطـا مــن يديـنـا
    عزالله إنك عندنا ما أنت لاقيـه
    ماهو ردى بس أرثع الوقت فينـا
    ماعندنـا ماناكـلـه دون نعطـيـه




    ..................................................


    ومرة كان سعود جالس بمجلس
    وكان فيه شيخ يحدث ويقول من ضمن الحديث إننا بأعظم نعمة بتاريخ البشرية

    قال له سعود : ياشيخ أنا عندي مداخلة

    قال له الشيخ تفضل


    قال سعود هالأبيات:





    ياشيخ شخيت الضحـى فـوق ثوبـك
    وانته تروغ عن نحور الصواريخ
    النعمـة الـلـي بــس ياشـيـخ دوبــك
    ماتحسـب أكبـر نعمـة بالتـواريـخ
    وإن كـان هــذا بالتـحـدث أسلـوبـك
    فعز الله إنك لقطة غليـس ياشيـخ




    ..................................................

    وزماااااااااااان كان سعود طالع من المسجد ولقى وحدة رافعة يدها وتشحذ عند الباب
    قال لها سعود
    :





    يابنت ياللـي بالمساجـد تطوفيـن
    كفـي يدينـك قبـل نأخـذ ريالـك
    حـنــا تـرانــا كـلـنـا مستحـقـيـن
    ماهو أنتي اللي مستحقة لحالك
    لو لا الحيا شفتي وزانك ثلاثيـن
    أحد يميـن منـك وأحـدٍ شمالـك
    مرفـعـيـن إيديـنـنـا ومتـقـاعـيـن
    الموجب إن أحوالنا مثل حالـك




    ..................................................


    ومرة بعد جا سعود وفتح له حساب وراح بعد كم يوم يبي يشوف كم في رصيده لأنه مرررررررة مطفر وش طلع له على شاشة الصراف ؟ مع إنه متأكد من رقمه السري






    أنـــا لـقـيـت الـبـنـك مــثــل اخـويـايــه
    مايقضـي الحاجـة إلــى جــاه محـتـاج
    أمــس الضـحـى مـريـت كـــل زمـلايــه
    وكــلٍ عـطـى لــه بالمعـاذيـر منـهـاج
    وضنـيـت بـاقـي فــي رصـيـدي بـقـايـه
    وحركـت نـاصٍ حـارس البنـك هجـاج
    ودقـيـت رقـمـي صـــح مـابــه روايـــه
    طلع على الشاشة : لا داعي للإزعاج





    ..................................................


    وسعود ما عمره دخل البنك لأنه يقول






    يـا أهـل الوظايـف قـولـوا الحـمـدلله
    على معوشتكم ولـو رزقهـا ضنـك
    أنـا وجنـسـي رزقـنـا لــو وصفـنـاه
    حوذ الحنك مافيه زودٍ عن الحنـك
    ماطـاح قــرشٍ فــي يديـنـا قرشـنـاه
    ودايم طفارى الله يجيـرك ويامنـك
    الـبـنـك لـــولا لـوحـتـه مـاعـرفـنـاه
    من قل ماندخل على موظف البنـك
    مـاغـيـر نـقــرا لـوحـتـه ونـتـعــداه
    وإن قيل هذا البنك قلنا اتركه عنك
    لاوا هـنــيــك يـالـغـنــاوي هـنــيــاه
    تـرقـد وحـنــا بـالـدراهـم نـمـونـك
    نفـرح إلـى مـن المـعـاش استلمـنـاه
    ويـهــج مـنــا قـرشـنـا ويتـزبـنـك
    والله يالوتـصـرف ربــع ماصرفـنـاه
    ليصيبك السكر مع الضغط والتنـك
    ولـولا جهدنـا وجهدنـا اللـي بذلـنـاه
    ماتنفـخ ذروبـك وتـمـلأ مخـازنـك
    مـيـر المـقـدر مالـنـا غـيـر نـرضـاه
    مرزقك منـا وسقمـة أرقابنـا منـك




    ..................................................


    طبعا والشاعر سعود جمعان المطيري
    هو صاحب القصيدة اللي يرددون الناس بيتها الأول دايم

    والقصيدة هي






    لاصـار جـدك ماتـرك لــك ملايـيـن
    ماهوب لازم تشتـري لـه ضحيـه
    قل له ياجـدي جعلـك مـن المناجيـن
    والله ماتـسـوى قيـمـة البربـريـه
    عقبتنـي للـديـن ومـصـارع البـيـن
    ومن زين طبعك كاتبٍ لك وصيه؟
    لو أنت ما أخذ لك من الخد حوشين
    يوم الأراض بـلاش وسـط العليـه
    إن كـان تلقانـي مـن أهـل الدكاكيـن
    مطنـطـخٍ هالـحـيـن مـيــة بـمـيـه
    لـكــن يـاجــدي ضحـيـتـك بـعـديـن
    إن سهـل المـولـى ثمنـهـا علـيـه
    حنا بوقتٍ شين وأشين من الشيـن
    فيـه الخـوي ماعـاد ياثـق خـويـه


    ****************************************
    اتمنى انها تعجبكم

    منقووووول



  • #2
    الرد: لاصار جدك ماترك لك ملاين ماهوب لازم تشتري له ضحيه

    ماشاء الله عليه
    بالإضافه إلى انه شاعر اعطاه الله سرعة البديهه
    شكرا اختي طفولتي على نقل مثل هذه المواضيع التي تحصل بها الفائده بإذن الله
    لك سلامي

    تعليق


    • #3
      الرد: لاصار جدك ماترك لك ملاين ماهوب لازم تشتري له ضحيه

      ياشيخ شخيت الضحـى فـوق ثوبـك

      تأملت في إزهاق الشاعر لهذا الشطر

      كم هي جميلة هذه الصورة لو أنه ابتعد عن (شخيت) وأضاف إليها بعداً آخر

      أتمنى أن تكون هذه الكلمة خطأ مطبعي

      شكراً لطرحك هذا الموضوع

      تعليق


      • #4
        الرد: لاصار جدك ماترك لك ملاين ماهوب لازم تشتري له ضحيه

        اضيف في الأساس بواسطة صقرالنوايف عرض الإضافة
        ماشاء الله عليه
        بالإضافه إلى انه شاعر اعطاه الله سرعة البديهه
        شكرا اختي طفولتي على نقل مثل هذه المواضيع التي تحصل بها الفائده بإذن الله
        لك سلامي
        هلا وغلا فيك اخوي الغالي صقر النوايف
        والف شكر لك على الكلام الرأئع
        لك مني أجمل تحيه طيبه

        تعليق


        • #5
          الرد: لاصار جدك ماترك لك ملاين ماهوب لازم تشتري له ضحيه

          اضيف في الأساس بواسطة عيدان الكناني عرض الإضافة
          ياشيخ شخيت الضحـى فـوق ثوبـك

          تأملت في إزهاق الشاعر لهذا الشطر

          كم هي جميلة هذه الصورة لو أنه ابتعد عن (شخيت) وأضاف إليها بعداً آخر

          أتمنى أن تكون هذه الكلمة خطأ مطبعي

          شكراً لطرحك هذا الموضوع
          اهلآ بك اخوي الغالي عيدان الكناني
          نورة صفحتي بحضورك والف مبروك على الأشراف
          تستاهل والله
          تحيه لك طيبه مني

          تعليق

          تشغيل...
          X