اعلان

Collapse
لا يوجد إعلان حتى الآن.

خلف بن مشعان العنزي ( قصائد و شيلات )

Collapse
X
 
  • تصنيف
  • الوقت
  • عرض
Clear All
إضافات جديدة

  • خلف بن مشعان العنزي ( قصائد و شيلات )

    السلام عليكم و رحمة الله و بركاته


    خلف بن مشعان العنزي : شاعر سعودي معروف له عدة قصائد و شيلات معروفة

    و مشارك بشاعر المليون 2 رغم اعتقاده بفشل البرنامج بنسخته الأولى !!





    زمان المهزلة

    يقولون الخوي : رجلٍ تجيه بساعة الشدات
    وانا اقول الخوي : رجلٍ الى من ضاق ماجاني
    لانه خابرٍ عسر القوافي يجبر الابيات
    لذلك يحسب حساب المعاني يوم ينخاني
    خويٍ مادرى .. يسكت ويفهمها .. على ماجات
    وخويٍ لو درى .. يمكن بيلعن جد شيطاني
    وخويٍ شايف ويدري .. ولاهو مدورالزلات
    وخويٍ مايبي يدري .. ولاادري ليه عاداني
    ويقولون الزمان اللي تغير .. ماهي العادات
    وانا اقول : الزمن هذا .. خذا ربعي وخلاني
    مع اللذات بالدنيا .. تطبع حبهم للذات
    تغير كل مفهوم الحياة ... لجيب ملياني
    زمن يرفع ثمن حتى الكفن من كثرة الاموات
    قريباً ... نسمع بموضة ( كفن للموت افغاني)
    عشان ادم غلط يعني ؟؟ نتساهل باكثر الغلطات
    بدى يخطي البني آدم بحجة آدم الجاني
    محد يذكر أحد بالخير ... غصب الآدمي .. لامات
    تشوف الخلق يطرونه ... مع انه مات وحداني
    بعض هالناس .. ماتسمع طلال .. وماتجي حفلات
    وبعد مامات .. كلٍ قال : ياخي كان فناني
    اجل لو مات ( ابو لفه) ( عويد) راعي الكسرات
    تصير الناس تتسمع : ( علام الواد جافاني )
    زمان المهزله .. قلي : وش مخبي لنا عاهات
    دخيلك بس لا يطلع .. بعد شارون : ( فدعاني)





    عرعر غير

    من قالـك جـده غيـر..جـده مهـي غيــر ............... قولو لمنهو قالها.. ماحزرها

    ماهيب ..حزورة ولاهيـب ..فوازير ............... الغيـر واللـه بالشمـال نخبـرهـا

    عرعر ..ويلمح بالسما بارق الخيـر ............... لايابعد جده وساحـل .. بحرهــا

    ان كان .. جده زينتهـا النوافيــر ............... عرعر تزينها سحــايب مطــرهـا

    وان كان جده تفتـخر ..بالهواميـر ............... عرعر هل الطولات مصــدر فـخـرهـا

    ياعنـك مايسـكن بهـا الا المنــاعيـر ............... اللـي بذكـر..الطيب كـل ٍ ذكرهـا

    ربعـي بنـي وايـل .. بوقت المعـاسير ............... لو قصـرت يمنـى حـديـهم بتـرها

    الى هـنا واقــف على حــد تعـبير ............... من شجرة الساحــه .. كفــاني ثمــرهـا

    لو مالـي الا عيـال وايـل جماهيــر ............... قصـيدتي ..ياكوود ..يطـلع خبرهـا




    حظي

    من جيت للدنيا وانا ( حظي ) .. مثل عابر طريق
    يشّر ، على خط الزمن .. عل الليالي ، تنقله


    صابر على مر التعب .. كرمال عينك .. يالرحيق
    يطيح صبري ( واشقله ).. وايطيح وارجع واشقله



    يضيق صدري ( بالعَجَل ) واقول صدري مايضيق
    استثقل اني انهزم .. وآخذ من الهــم ... اثقله


    ومع كل هذا .. بسمتي .. مافارقت عين الصديق
    واللي يعرقل بسمتي .. أضحك .. عشان اعرقله


    ماعرف اكون الا كذا .. صادق ولا احب البريق
    مثلي مثل أية بشر .. بالصيف .. يرفع .. منقله


    مااحب امثّل مثلهم .. ( شفيئ ) ياراجل ( شفيق )
    ولا حب اسوي بالشعر .. حشوة حكي .. ( مستعقله )


    اللي اعرف اني اجي .. واشعلل الساحه .. حريق
    واني حكيم .. بفطرتي .. واكتب من الشعر .. اعقله


    ( سطحي ) الى حد السما .. واضح ولا لي بالعميق
    اللي تحت قاع البحر .. والموج .. فوقه .. يرقله


    ماهمني كثر الفرق .. حولي .. وانا وحدي .. فريق
    أحب .. خط المسطره .. واكره .. مسار المنقله







    حدّ السحاااااب و فوق روس الجباااالي و أنا جلالة الملكة %

  • #2
    الرد: خلف بن مشعان العنزي ( قصائد و شيلات )

    رائع هذا الشاعر جدا" قصائده قويه وله اسلوب مميز وجميل وخاصه في الإلقاء
    أشكرك اختي الغالية الرائعه ملكه على جمال حظورك ونقلك
    ألف شكر وتقدير

    تعليق


    • #3
      السلام عليكم و رحمة الله و بركاته

      العفو عاشق عنود و خلف بن مشعان شعره حلو لكن أحس فيه نوع من الغرور

      حدّ السحاااااب و فوق روس الجباااالي و أنا جلالة الملكة %

      تعليق


      • #4
        الرد: السلام عليكم و رحمة الله و بركاته

        شكرا اختي جلالة الملكه
        خلف المشعان شاعر كبير ولاأدري سر إشتراكه فهو أحسن من لجنة التحكيم نفسها شعرا وخبره
        يعطيك العافيه
        تحياتي

        تعليق


        • #5
          الرد: السلام عليكم و رحمة الله و بركاته

          ملكتنا الغالية بين سطورنا الاغلى

          اشتقتك ياذوووووووووووووووووووووووق

          يسلمو كتير

          تعليق


          • #6
            السلام عليكم و رحمة الله و بركاته

            صقر النوايف ، دعاء :

            نورتوا بحضوركم الرائع
            آخر اضافة بواسطة جلالة الملكة; 07-01-2008, 04:31 PM.

            حدّ السحاااااب و فوق روس الجباااالي و أنا جلالة الملكة %

            تعليق

            تشغيل...
            X