وانا اقول الخوي : رجلٍ الى من ضاق ماجاني
لانه خابرٍ عسر القوافي يجبر الابيات
لذلك يحسب حساب المعاني يوم ينخاني
خويٍ مادرى .. يسكت ويفهمها .. على ماجات
وخويٍ لو درى .. يمكن بيلعن جد شيطاني
وخويٍ شايف ويدري .. ولاهو مدورالزلات
وخويٍ مايبي يدري .. ولاادري ليه عاداني
ويقولون الزمان اللي تغير .. ماهي العادات
وانا اقول : الزمن هذا .. خذا ربعي وخلاني
مع اللذات بالدنيا .. تطبع حبهم للذات
تغير كل مفهوم الحياة ... لجيب ملياني
زمن يرفع ثمن حتى الكفن من كثرة الاموات
قريباً ... نسمع بموضة ( كفن للموت افغاني)
عشان ادم غلط يعني ؟؟ نتساهل باكثر الغلطات
بدى يخطي البني آدم بحجة آدم الجاني
محد يذكر أحد بالخير ... غصب الآدمي .. لامات
تشوف الخلق يطرونه ... مع انه مات وحداني
بعض هالناس .. ماتسمع طلال .. وماتجي حفلات
وبعد مامات .. كلٍ قال : ياخي كان فناني
اجل لو مات ( ابو لفه) ( عويد) راعي الكسرات
تصير الناس تتسمع : ( علام الواد جافاني )
زمان المهزله .. قلي : وش مخبي لنا عاهات
دخيلك بس لا يطلع .. بعد شارون : ( فدعاني)
يشّر ، على خط الزمن .. عل الليالي ، تنقله
يطيح صبري ( واشقله ).. وايطيح وارجع واشقله
استثقل اني انهزم .. وآخذ من الهــم ... اثقله
واللي يعرقل بسمتي .. أضحك .. عشان اعرقله
مثلي مثل أية بشر .. بالصيف .. يرفع .. منقله
ولا حب اسوي بالشعر .. حشوة حكي .. ( مستعقله )
واني حكيم .. بفطرتي .. واكتب من الشعر .. اعقله
اللي تحت قاع البحر .. والموج .. فوقه .. يرقله
أحب .. خط المسطره .. واكره .. مسار المنقله
تعليق