الجمـــــــس

**المصدر الاول** · 07-02-2008, 12:33 AM

الرد: الجمـــــــس

قصيده جميله جدا

يعطيك العافيه

**صقرالنوايف** · 07-02-2008, 06:49 AM

الرد: الجمـــــــس

شكرا اخي قهر السنين
قصيده جميله يستاهل الجمس لكن الموديلات المتقدمه شوي اما هالحين ؟؟؟؟؟
تحياتي

**طفولتي** · 07-02-2008, 10:30 AM

الرد: الجمـــــــس

بري حالي يالجمس فديت الجمس
ايه كذا نفداك نبي قصائد عن الجمس
مهوب باعني وشراني وهجرني يالله لك الحمد الجمس يالبى الجمس

ياعرب انتم تلموني فيه بري حالي يازين رزته في وسط الخط
حسبي الله على بليسك ياقهر السنين هيضتني وانا عنه ساجه مانيب ساجه مير أتسيجه أييييييييييه بري حالي برياه

حييّت يا جمس(ن) جـداد(ن) مشاريــه** عبارتين (ن) بمية ألف(ن) شرينـــاه
أربـع ميا وخمسين من عند أهاليــــــه **آخر موديل بعالم الشرق عــــزاه
حالف حرام إني لاسوقه واعدّيـــه **يوم إن ولْد أمه قصر ما تهقــــواه
جمس(ن) اليا شفته اعزا لك تقهويــه** يا ِطيْب طِيْب القهوجي كان قهـواه
تقول معزوم(ن) لحفلة سواريــه **جاك امتـشـيـّك وامتعطر ومحــلاه
سوّاه لطوال الشوارب مسوّيــه **ما يركبه يا كــود حامي حمايـاه
حر(ن) كفخ من فوق عالي مباديــــه **قرم(ن) تلطّـّم وأشقر الكنت طـفـاه
يا ليت راعي الجمس يومه يسمّيــــه **على اسم عـنـتر والا بو زيـــد سمّـاه
حيثه شنب يستاهل المدح زاهيــه **ملعـون أبو من لا قمـز له وحيّـــاه
من عزته ما ركبو أهل الدلع فيــــــه **ولا ســوّوقـــووه أولاد دادا وداداه
الجمس أحبه حب غــال(ن) لغاليــــه **حب(ن) عظيم(ن) حب نمر(ن) لوضحـاه
ومن حشمته لا جيت اسافر اماليـــه **ولا خـلـّص المشــوار جيت آترضـّـاه
يا شيب عيني يوم آجي له واراضيه **مثل الذي وسط الخلا شـاف لامــاه
خـطر(ن) ليا ناديته يقول لبيــه **ومن دون سايـق يشتغــل من ورايــاه
هو ميت(ن) فيّ وانا ميت(ن) فيـــــه **ولو هو جديد أحب شوفـه وطريـاه
حالف يمين اني لاابيعه ولا أهْـفـيـه** لوربّـحـوني بألف ألف(ن)مـدلاّه
يوم الردي يـبـيع صاحبْه بجْـنـيــــــه **والله ما ابيعه دامــها أم الطلـي شـاه
حتى وأنا في المسجد الفرض اصلّيْــه** أدعي لجمسي يا عسى الخلــد مثـواه
وان كان عنّي راح ماني بناسيــه** كــود البدو حب المقاطــين تــنــسـاه
وتحرم علي نوره حرام(ن) مقـفـّــــيه ** وتحرم علي البيض من كل منـــحـاه
يا ويـن أبلقـى لي حريص (ن) أوصّيه ** لا غبت عن جمسـي يـزوره ويرعـاه
في ذمتــي بغالي الروح لاافديـه** وما مـــــلك عمر المعـنّــا ومخـبــاه
ومن جلدي البالي لاوقــّـي سماريـه** ومن هو سعى للجمس ما خاب مسعـاه
يا لايمي في الجمس غــادي وسفـّـيه** بلاك ما شفـتـه ولا شـفـت حـلــيـاه
لي جمس مابه جمس مثله يباهـيه** ولا في جموس الشرق تلقى سجايــاه
من شاف فوقـيّه وطالع بحـدريه **والله ان يمـوووت ساعــتـه داه بـرداه
رمز الفخامه والاناقه مع التـيـــه** الحسـن والابــداع والعـقــل والجـاه
ذي اس از انترناشيونال عند قــانـيـه** ما يكســــح اللي للـمـهـمــات يـقـنـاه
مخروط والمخروط صعب(ن) تحديـه** ويصعـــب على متن البسيطــه مجـاراه
ومكينته على أربعــين وحواليـه** وعــموده على العشرين حنا خرطناه
لاقام بنزينه تـشـخـر سِـواقـيـه** الكـلـبـلـيـتر أسـمـــع أمـره وودّاه
وعلى المـكـينه والبـسـاتــم يـوديه** وحـمر التـوانــك جـمّــها ماذخــرنـاه
يا دوب تـحـتر البـساتـم وتـوذيه** طــش الرديـتـر غــترته وألـحـقـه مـاه
كن لــون بنزينه بصـفـّـاية(ن) فيـــــه **أحمر شفايـف عـضّـها الـزين بشفـاه
وكن لون زيته يوم تكشف معـاريـه** ذهب جـواهرجـي على الكـف راعــاه
وقـزوز بالـشـكمان رجـلـيـه وايـديـــه** بـمـكـيـنة(ن) بالـخـام الاسود مغطاه
ونوع الكرونــه رقم 7 بـطـاريْه** ورقـم 3 احتيــــاط(ن) حـفـظـنــاه
وتروسهــا حجم 4 يا مــقــــدّيْـه** مثل الـقـلاده فـــوق صــدر الخــونداه
مثل المسدس يـبرمه من يـعـبـيـه** أبو محاله لا وطـــا الترس مـاطـــاه
يـفـتر سـير المروحه من تــواليه** وسير(ن) براس الديـنـمو قام يشــعـاه
المروحـه هـفـّـت وضفـّت سوافيـه** ذعذاع غــربي(ن) تـقـافــت عـشـأيـاه
وسـرنـدل(ن) حـمـر البـساتـم تـلالـيـه** وعـمـود تـيـمن غـرهــدن في حـجأياه
صـمّـام بـوجـيّـه بنار(ن) يـغـذيـه** وتولـدت شــرارتـه وأكـمـل اغذاه
ومفتـول دفـرنـسـه عن القاع حاميــه** عن صكــة الـقـيعـان يـدفـع مـنايـاه
الجمس كـنّـه مـتـهـم جاء مـحـامـيــه** دفـرنس والقاضـي غــراز(ن) بـصحراه
وكـبر المـطـبّـه ما يـغـيّر هــقاويه** ومساعـــداته عن يـمـيـنــه ويـسـراه
والاذرعـه عن ميلة(ن) به تــــواسيه** كنها عـضـود ملاكـم(ن) شـرب غرشـــاه
وان شال حمل(ن) ما يـكـثـّر شكاويـه** ما شي يـهـمّـه والـسـسـت كلها افـــــداه
كن رفرفين حول حوضه مداويــه** شـيهـانـتـين(ن)حـوّمـن بالـخـضــيراه
وكن لـون كـبّوته ولـمـعـة عراويـه** اخــدود أصاله بأحمر اللـون تـطـلـيـه
وكنّه كلوديا شيفر(ن) في تـمْــدريه** تـعـرض لنا آخر موديـــلات الازيــاه
وكن زول بـدْيــه يوم يغـريك صافيــه** مـرلين مــرّو وسط فلم(ن) لـفـتـناه
وكن الكـفـر لا جيت بالوصـف ابـدّيــه** حـب خال(ن) بـسـنـدي كرفرد شـفـنـــاه
وكن نقـشة جنوط الكفر في محانـيـــه** سـجاد شـيرازيـة(ن) في مـصــلاّه
وصـقـلة قـزازه يوم أردّ النـظـر فيـه** من وجـنة كلودا الشمالي حـلايـاه
ولـون الـمـرايــه من يراعـيه يلـهـيـه** من خـلـقـتـه كن أطـرق الـعـود يجلاه
ولو هـي بها للـعـين فـتـنه وتـمـويـه** بها تـشـوف العين اخـريم الابـره ومنشاه
أصفى من اللولو بمحّـار شـاطـيــه** مـعْ واحـد(ن) في مـبرم السـلك دلاّه
وبـغـمـزة سميره بنت توفيق أحلـّيـه** لا أعـطـى الاشـاره والمـواتـر تـقـفـّاه
مطـربل(ن) مثل الصوامــع عـواليـه** والا غـبـيـط(ن) قــرّح الـخـيل تـتـلاه
والا ولـيـفـي واشقر القرن كاسـيه** من فـوق كـرس(ن) تربـّع وواســـــاه
والله فلا يلـحـق موديلـه سـفـافـيه** الـبـهـبـهـاني من حـفـيـزه خـطـفـناه
مفضله عن نـوع لكـــزس وكـوبـيــه** ومـحـشـّمه عن ما في حـفـيزه وجدناه
له تـنـدة(ن) بيضاء تعـلـّـت متاكـيـه** كـنهـا كـنـيـسة راهـب(ن) يـطـلب الله
وكـن الجميحيات من فــوق أعــاليــه** شـمع(ن) بـبـيت القدس ولـّع من أعـــلاه
والا كما رجــم(ن) زما في صحاريــه** على تــليعة مــرقبه شــبوا ارطـاه
كن أيمن اصـطـبّه والايسر موازيـه** عـساكر(ن) كل(ن) بـيـمـناه مـشـكـاه
وعيون من قـدام تـوْضـي مساريــــه** كواكـب(ن) يـشـبح لها واحد(ن) تاه
لا شـعـشـعـن والليل مِـرخ(ن) علابـيـه** مثـل الزمــرّد شــرّعـنّه صـبـاياه
والا مرايـة حـاكم(ن) عند عــذْريـه** قـدّامها مـصـباح تعكس شـظايـاه
جمس(ن) شهر بين الامم اسم راعـيه** تـباشـروا في البـيـت الابيض خُـبـَاراه
يوم اكـتـمل نموذجه عـند والـيـه** وتكامل الهيكل بكامل مزاياه
وكل(ن) هــتـف للـثـانـي اوكيه ** ثم صـمـمـوا سبعين مليون شــرواه
هذا خـلاصة علم من فـكّـروا فـيـه** وتسعـين عام(ن) لين زجّــوا مـطـأيــاه
صنعة مريكاني ماهوب نهيه ناهيـــه** بيموت أبو فـسـيّــه ما ســّوا سوايــــاه
جمـس(ن) يقـرّب مبعـدات المناويــه** دام الفتـى ما حـرّفـوا ســــر دنـيـاه
سحبة غريــق(ن) مد للقارب ايديه** سحبــة سـويّـتـشـه راس مفتاح نـزّاه
واليا أشـتـغـل كنّه يذكّرك يا هيـه** مسحوب مشعـان الهتيمي ومَـغـْـنـاه
وكن ريحـته لا دسْـت بنصه تحمْيــه** عـطـر(ن) فرنسي من براضان مجناه
وكن حـس ماطـوره ورنّة بواجـيـه** يِـسْـمِـعْـك دلـعـونه ولالا وملالالالاه
وصـوته لمـنّـه مشـى يا مـمشّيـه** عزف(ن) كلاسيكي بكازا سـمـعـنــاه
ونـغـمـة صلانـصـيره ليا قمت توحيه** تـقـسـيـم عـود(ن) والمروّس تـقـفـاه
وكنّــه لمنّه قحـص أجراس تـنـبـيـه** عن قـصـف جـوي سور بغـداد مرماه
واليا احـترك وانته على الـقـار مـْوطيه** يـدْخـلك في الـجـو الرومانـسي بممشـاه
×
عجزو في وصفه الشعار بالقصايد
طرجيبي لامن سمعت حنينه على الخط كني سامعه موسيقة
بتهوفن ولا موري مور

قهر السنين الله يسعدك فديتك هيضتني قمت أكتب بلا شعور
والله والله لو أكتب فيه واعبر عن حبي للجمس من مشرقها الى مغربها ماوفيت بالحكي عن ربع حبي له
بري حاااااااااااااااااااااااااااالي
يعطيك العافيه فديتك
والف شكر لك
تحــــــــ طفولتي ـــــــــياتي

**قهر السنين** · 08-02-2008, 06:07 PM

الرد: الجمـــــــس

شكرا أخي المصدر الأول على مرورك الجميل

ولا ننسى أخي صقر النوايف

كما أخصص جزيل الشكر للمشرفه الغالية (طف طف)

وعلى قولك لو نوصف قد مانوصف لا نوفي بحق الــ (GMC)

لكم حبـــــــــــــي

**صبر السنين** · 10-02-2008, 06:56 PM

الرد: الجمـــــــس

عاد الجمس يستاهل ,,

هههههههههههههههههههههههههههههههههه

ولا يهون المرسيدس ,,

الله يعطيك الف عافية اخوي قهر السنين ,,

قصيدة جميلة ,,

**الرعد الصامت** · 11-02-2008, 03:09 PM

الرد: الجمـــــــس

لاروّح الليل بردٍ والهوى قاسي فاركب على الجمس خلّه يلعب افنونه

عزالله انك صدقت يال الشاعر

**عاشق عنود** · 13-02-2008, 06:12 PM

الرد: الجمـــــــس

ههههههههههههههههههههه قصيدة رائعه قهر السنين
والأكيد ان طفولتي فرحانه بهالقصيده454 راعية مقانيص
تسلم الآيادي
والله لايحرمنا من تواجدكم الرائع

**طفولتي** · 19-02-2008, 07:01 AM

الرد: الجمـــــــس

اضيف في الأساس بواسطة عاشق عنود

ههههههههههههههههههههه قصيدة رائعه قهر السنين

والأكيد ان طفولتي فرحانه بهالقصيده454 راعية مقانيص
تسلم الآيادي

والله لايحرمنا من تواجدكم الرائع

ههههههههههههههههههههههههههه
اناشهد ياعاشق لويدورون ويلفون مايلقون فيه
قطيعة عذروب والله لا مرسيدس ولا همر ولا جميع انواع
السيارات يملون عيني غير حميرين فديته
هههههههههههههههههههههه
تحيتي للجميع

**خيالهن** · 23-02-2008, 09:42 PM

الرد: الجمـــــــس

راكب اللي مخ رجليه خنزير وهوا
أشهب في مقدمه ميم وعكس تاج
متر في مترين مستبرمن كله سوا
حايفه حباب ماسمكره راعي الكراج
إن نعشته بالثلاثه مع اللفه عوا
عوي ذيب(ن) محتدينه مربية النعاج
بندر بن سرور
يسلم ذوقك
ارق التحايالك ياقهر

**مشاغب** · 24-02-2008, 06:20 PM

الرد: الجمـــــــس

تحياتي لك على طرحك تلك القصيده التي تتعلق بالجمس كونه سياره فخمه جداااا وفيه موواصفات تستحق لااعجاب جداااااااااااااا يستاااهل الجمس كل هذااا تحياتي لك مشاغب احد التلاميذاا

الجمـــــــس

الجمـــــــس

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

مواضيع مرتبطة