ثارت مشاعر حزننا يوم الأثنين
والعين هلت دمعها من فقدناه
راح الفهد رمز الكرم خادم الدين
راعي الوفا والجود والعز والجاه
اللي تنعم جود غيره كثيرين
واللي بفعله ماله انداد واشباه
اللي بقى بقلوبنا حي للحين
فهد الجزيره يا عرب كيف ننساه
اللي عزومه اثبتتها الميادين
ماهو كلامن يكتبه ثم يقراه
وأكبر دليل بالعام واحد وتسعين
يوم الكويتي بالغزو كان ينخاه
للمرجله ثارت بقلبه براكين
حطم نوايا كل منهو تحداه
هو للضعيف الحق والعطف واللين
هو للعدو سيفن سليلن ومقواه
مرحوم يامن شاهدن له ملايين
مرحوم يامن ساقت الخير يمناه
[هذه القصيده للشاعر : محمد العتيبي]
*اتمنى ان تعطوني وآرائكم في تصميمي لأني مبتدئه في عالم الفوتوشوب والتصاميم ..
آرائكم جداً تهمني ..*
أطيب التحايا
The Crown
26\6\1429 هـ
تعليق