اعلان

Collapse
No announcement yet.

Unconfigured Ad Widget

Collapse

وين الوجيه المشرقه ؟

Collapse
X
 
  • تصنيف
  • الوقت
  • عرض
Clear All
new posts

  • وين الوجيه المشرقه ؟

    وين الوجيه المشرقه عند الاقبال=لوشافت الطرقي تثني التحيه
    وين الذي ماشح عن ربعه المال=ولياعطاهم مايمن العطيه
    اللي يفز في موجبة كل رجال=مايعتذر ويقول صعبه عليه
    يجلسك في يمناه ويقدم الفال=من القدوع ودلة الشاذليه
    فنجالها يسوى ثلاثين فنجال=عند الرجال اللي لهم فيه نيه
    ولياقضى واجبك تنفك الاقفال=وتسير عسرات المواطي وطيه
    مرحوم ياعودا تدانتك الآجال=اللي فجعني فيك سهم المنيه
    بعدك بقلبي جرح والجرح لازال=مظلم سوات الليله السرمديه
    كم ليلةً دمعي على وجنتي سال=ليتك معي تشبك يدينك بديه
    ذا حكم ربي والقدر قال ماقال=واناتقبلته بنفسا رضيه
    عزالله اني فيك علقت الآمال=في ساعةً علقت الآمل فيه
    كنانعرف انك لناريق وظلال=لوصكت اظروف الزمان العصيه
    مرحوم ياريف الضعافا والاطفال=لنكان حدتهم ظروفا قويه
    ظليت تنصحني عن الناس النذال=الواطيه وهل الطبوع الرديه
    وتقول لي ياجيد العم والخال=لاتنخدع في سابحة كل فيه
    ترى الخوي النذل والفي الى مال=لهم مع الطرقي نواياخفيه
    واعطيتني من تجربة وقتك امثال=وصيتني وانا حفظت الوصيه
    وصيةً تبفى لناعبر الاجيال=للي قضى واللي عظامه طريه
    وابقى على ذكراك ايام وليال=مادام راسي فيه عقل ورويه
    مريت دارك مابقى غير الاطلال=واشجار ماتت هم وشجار حيه
    حياه مافيها من الخير مثقال=طاح الورق ومكسرات النميه
    وناديت باعلى الصوت مافيه نزال=ولياصدى صوتي معود عليه


    من اجمل المراثي
    للشاعر الكبير عبيدالله المجيريشي يرثي بها والده رحمه الله

  • #2
    الله.. مرثية رائعة سلمت يمينك اخي صقر دائما رائع حتى في انتقائك

    تعليق


    • #3
      هلا بك اختي منال
      شرفتني بتواجدك وتعليقك
      مشكوره

      تعليق


      • #4
        حياك الله استاذي نواف
        تشرفت بتواجدك وتعليقك الذوق
        تحياتي

        تعليق

        تشغيل...
        X