وإن جيت أقشر قالوا الله يشيـله
ولاحدّتك دنـياك للـفـقر والدين
قالوا فقـير وحمّلوك الفشيـلة
ولا ضحكت أيامك وحصلت قرشين
قالوا ترى نصّاب يا ويل ويـله
ولا جبت غلطة حطوا العيب والشين
وزادوا على غلطتك قاز وفتيـلة
ولا جاتك الزلّة وتاهت عناوين
قالوا ترى مجنون خلوا سبيـله
ولا رحت مقفي مع رجالٍ مقفين
قالوا ترى المقفي ندور بديـله
ولا جيتهم بالجود وفعل الكريمين
قالوا يهايط كـل صبح وليـلة
وان طحت خلوك العرب والمحبين
واللي يطيح فـ هـالزمن عزتي له
قال الجمل لا طاح جته السكاكين
وكلٍّ على ذبحته بيشد حيـله
هـذي حقيقة قلتها وسط بيتـين
من شاعرٍ ساق البيوت الجزيـلة
جرّبت في الدنيا وشفت الكثيرين
وأشوف هذا الوقت ما فيه حيـلة
الناس ما ترضى ولـو تسكن العين
وصعبة تحقـق حاجةٍ مستحيلة
تعليق