ويشهد علي ما قلت دمع بكيتـه
. . . . .
ليت الليالي مـاتجـيني بطاريك
ودي بنسـيانك ولــو ما قويته
. . . . .
وليت الحنين اللي بعيني يراعيك
يموت وأنسى اللي لنفسي جنيتـه
. . . . .
كلمتـني وتـقول قلـبي يناديك
يشفق على شوفك وحبك رجيـته
. . . . .
قلت الله اقوى قلبي اليوم ساليك
والله مايرجع فؤادٍ ... رميتــه
. . . . .
يوم قلبي يا عشـيري مـصافيك
لاياحسايـف بالخيانـه جزيتــه
. . . . .
واليوم يوم أنه قنع فـي تجافيـك
تقول حبـك يا حبيبي شريتــه
. . . . .
نسيت كل اللي جرى من تغليـك
كانك نسيت اللي جرى ما نسيتـه
. . . . .
نسيت يوم تقول ما انيب مغليك
أبعد ترى اليوم بعدك رضيــته
. . . . .
مابيننا رجوى ولاني براجـيـك
هدمت قـصر في غـرامك بنيته
. . . . .
قلبي عقب موت الوفا جاي يعزيك
يغسل بدمع العين حب نسيته
. . . . .
ويكفنه بالورد وعهود ماضيك
ويدفن معه ذكرى حبيب كويتـه
تعليق