اعلان

Collapse
لا يوجد إعلان حتى الآن.

جــمس 454

Collapse
X
 
  • تصنيف
  • الوقت
  • عرض
Clear All
إضافات جديدة

  • جــمس 454




    يا راكب إلي للطويـلات : خصص
    المركب إلي من ( زيون المظاهير )
    دايم تشوف صويحبه به .. يحـرص
    كنه / حدا ندر الفـحـول المغاتير
    مجلوب تهريب ٍوما هـو مـرخص
    جبنآه أنحن في .. خفي التدابير ..
    كل الغلاآآ يرخص ، لعينه ، و يرخص
    اعطيه مـن دمي لو أنه مهآآديــر
    هاذاك (( وارد بهبهاني )) مفــحص
    جمس ٍ مشيك به بليا تقاصيــر
    إليا نطحته جاك ( وجه المشخص )
    وإليا قفيته قلت : ( ردف الغنادير )
    في تسعه و سبعين توه مخلص
    تحفه عييناته وساع ، و مداوير
    لونه ( نحاسي ) و النحاسي مخصص
    لونه كما : لـمع الدلآل المبآهـيـر
    لا إنطلق اتقول رميـه مقنـص
    فزته ما فيها قياس و مـعايـيـر
    اربع ميه وخمسين مآ هي بـتـنقص
    و مخروطة ٍ عشرين يا جعلهاآآ خيييـر
    صانعه ، فنان بالإبـــداع مخلص
    حازلـه مـن GM شهاده و تقدير
    جمس ٍ ترا شد البلد ما تهروص
    من (تيـمنٍ) و من (الكرنـك) و إلى السير
    حرآرته مآ عمرهاآ طقــت النص
    تحت الربع دايم بظهراوعصير
    ما هو شاص ٍ يكسر الظهر و العص
    جـمس ٍ مريح ٍ في جميع المشاوير
    مركبه واسع..فخم..ما هوب مرتص
    يفرق بميزات ٍ كثيره عن الغير
    ما همه البر ، و نفوده ، مع القص
    معروف في بران نجد المخاضير
    صوته ليا من سمعه الخبل يرقـص
    طربه قزوزاته تزيح التكآدير
    الكربليتر مـص بـتـرولنا مص
    حتى ( الخيرين ) اشتكوا لاهل الخير
    راح المحاكــم و اتجه ثم تخربص
    جوله محامين الرفـآرف .. طوابـير
    جمس ٍ ترا ما صنعه كود ، مختص ،
    صنعتـه نــدره في جمـيع المواتير
    تايره بالــون ٍ جديد و مرصــص
    و جنط الوكـاله و الطيس شكلها غير
    ما ساقه إلي دايـم ٍ حب ٍ و فص
    يسوقه إلي طنخته ( حــد الآخير )


    و سلاااااامتكم


    تحـــــــيتي

  • #2
    الرد: جــمس 454

    يعطيك العافيه
    قصيده رائعه واكيد عاد إنتي بتتحيزين للجمس لكن انا باتحيز للفكس آر ههههههههههههه
    تحياتي

    تعليق


    • #3
      الرد: جــمس 454

      صح لسان الشاعر

      وياويلي من الناقل

      خخخخخخخخخخخخخخخخخخخخخخ

      يعطيك العافية وانتظري ردي قريب





      تعليق


      • #4
        الرد: جــمس 454

        اضيف في الأساس بواسطة صقرالنوايف عرض الإضافة
        يعطيك العافيه
        قصيده رائعه واكيد عاد إنتي بتتحيزين للجمس لكن انا باتحيز للفكس آر ههههههههههههه
        تحياتي
        هذا الشي مافيه شك أكيد حبي للجمس لا ولن ينتهي أبدآ
        ويالله أنت شد حيل وعطنا قصيده في الفكس أر
        يعطيك الف عافيه
        والف شكرلك
        تحــيتي

        تعليق


        • #5
          الرد: جــمس 454

          اضيف في الأساس بواسطة الذبابي عرض الإضافة
          صح لسان الشاعر


          وياويلي من الناقل

          خخخخخخخخخخخخخخخخخخخخخخ

          يعطيك العافية وانتظري ردي قريب
          هلابك أيها الناقد المتفلسف خخخخخخ حلوه المتفلسف
          شكرآلك من تحت الضرس ههههههههه
          تحـــــيتي

          تعليق

          تشغيل...
          X