اعلان

**أميرالشباب** · 23-08-2009, 01:12 PM

الرد: يوميات صحبة صح ... متجدد يوميا

الحلقه الأولى

جووووووووووول

يا مختار يلا عشان صلاه الظهر

مختار : حاضر جاى يلا يا شباب الظهر بيأذن

- رامى : هنعمل ايه بعد الصلاه انا زهقان

- مختار : ليه ؟

- رامى : متخانق مع احمد

- مختار : ليه بس يا ابنى

- رامى : زعل منى عشان بقوله بتضيع وقتك على الفاضى موراهوش غير الجهاز

- مختار : لو انتو اصحاب بجد كان المفروض يتقبل كلامك

- رامى : اللى حصل بقى

- مختار : خلاص انا هكلمه بكره يجى معانا النادى ابقى كلمه وقتها وفهمه انك عاوز مصلحته انتو اصحاب المفروض تساعدو بعض على الصح

- رامى : ان شاء الله يلا عشان الشباب زمانهم وصلوا المسجد واحنا اتاخرنا عنهم اوى

( خواطر حياتيه من أحد أعضاء الفريق )

قبل مااعرف الصحبه الصالحه مكنتش عايشه بجد كان كل همى الهزار والضحك والتريقه على الناس والخروج والفسح يومى كان بيبدا اصحى متاخره انزل اروح الجامعه وايام كتيره اطنش الجامعه

كانت الجامعه بالنسبالى مكان للفسحه واللعب والهزار مش للتعليم اروح اهزر مع اصحابى ومفيش طبعا محاضرات الاذان ياذن مش اروح اصلى وطبعا اصحابى كانوا معايا نقول لما نروح طبعا علشان الميكب بتاعنا مايتمسحش ونروح ناكل ونصلى طبعا جميع الفروض مره واحده ونقضيها تليفزيون واغانى

ورغى فى التليفون مع بعض بالساعاتوطبعا النت والشات بيقتل الوقت واليوم يخلص وطبعا كل يوم على نفس الحال فى يوم وانا على النت بالصدفه لقيت موقع اسمه فريق حياتى اسمه شدنى جدا دخلت اشوف الحياه شكلها ايه فيه والناس دى عاوزه ايه بالظبط سجلت كده هزار على انى مش هدخل تانى

وانا بتفرج عليه حسيت احساس غريب اوى عمرى ماحسيته حسيت انى لاقيت السعاده والصحبه الصالحه حسيت انى مش عاوزه اخرج من عنده بقيت بدخل كل يوم اسمعهم واقرب منهم اتعرفت على بنات ماشاء الله عليهم اقربت منهم عارفونى ازاى اعيش حياه مفيده من غير معصيه انا بجد اتغيرت بسببهم ولحد النهارده وانا معاهم وبتعلم منهم وكل يوم بتغير للاحسن

**أميرالشباب** · 23-08-2009, 05:08 PM

الرد: يوميات صحبة صح ... متجدد يوميا

الحلقه الثانيه

اهلا وسهلا بكم اعزائنا المستمعين مره اخرى

وبرنامجكم ( شباب على الهوا ) ويسعدنا ان تكون

أولى فقراتنا النهارده اسكتش بعنوان أيهما تختار ؟

- الو

- ايوة يا ابنى ازيك

- الحمد لله انت بتعمل ايه

- ولا حاجه قاعد من الصبح بتفرج ع التلفزيون

- ده النهارده يوم اليتيم

- ماانا عارف ما انا صدعت من اعلاناته

فى التلفزيون

- طب ما تيجى ننزل كده ساعه ولا حاجه دار ايتام ولا جمعيه خيريه

- جمعيه ايه يا عم فكك العيال رايحين سينما كمان شويه تيجى معانا

- ايوة بس ..... طيب خلاص جاى لك سلام

- السلام عليكم

- وعليكم السلام ورحمه الله وبركاته ازيك

- الحمد لله تمام ... بقولك

- نعم

- انا عاوز انزل اعمل اى حاجه زهقان

- مش النهارده يوم اليتيم

- اه بيقولو

- طب خلاص تعالى نشوف اى جمعيه خيريه او دار ايتام ونشارك معاهم

- ينفع ؟؟

- اه طبعا

- خلاص تمام أنا جايلك وننزل سوا سلام

- سلام

والان اعزائى المستمعين انتهى الاسكتش وده بيتكرر كتير فى مواقف كلنا عايشينها بس المهم انك تعرف تختار

**صقرالنوايف** · 23-08-2009, 08:00 PM

الرد: يوميات صحبة صح ... متجدد يوميا

حياك الله اخي الفاضل
وكل عام وانت بخير
الصحبه هي الأساس مثلما ذكرت فالصاحب السوء يجرك لطريق الشر وعلى العكس الصاحب الطيب
لكن اخي إذا كان بالإمكان الكتابه باللغه العربيه بدلا من اللهجه اعتقد افضل
تحياتي

**أميرالشباب** · 23-08-2009, 08:05 PM

الرد: يوميات صحبة صح ... متجدد يوميا

اضيف في الأساس بواسطة صقرالنوايف عرض الإضافة

حياك الله اخي الفاضل
وكل عام وانت بخير
الصحبه هي الأساس مثلما ذكرت فالصاحب السوء يجرك لطريق الشر وعلى العكس الصاحب الطيب
لكن اخي إذا كان بالإمكان الكتابه باللغه العربيه بدلا من اللهجه اعتقد افضل
تحياتي

مشكور ع المرور يا اخي
واحاول تغير اللهجة

**أميرالشباب** · 25-08-2009, 05:26 PM

الرد: يوميات صحبة صح ... متجدد يوميا

الحلقة الثالثة

- اه مين الرخم ده مين ..... مين

- مين ايه افتح انا مختار

- انت منزلتش ليه

- منزلتش فين

- يا ابنى خطوبه اخت رامى النهارده

- يا عم ما هو كلمنى و انا زوغت منه

- ليه كده

- يا ابنى هنعمل ايه يعنى نقعد نشيل ونحط ونهيص

- ايوة نشيل ونحط ونروح ونيجى ونساعده مش اصحاب انت نسيت يوم ما انت وقعت مننا فى الشارع مين اللى جرى وجاب دكتور وفضل سهران طول الليل جنبك لحد ما فوقت

- رامى

- ايوة هو عشان خاطر هو بيحب صاحبه وبيخاف عليه خلى عندك دم بقى وقوم البس وانزل معايا

- حاضر هقوم اهو

- ربنا يهدى ايه الرضا ده

**أميرالشباب** · 25-08-2009, 05:28 PM

الرد: يوميات صحبة صح ... متجدد يوميا

الحلقة الرابعة

مختار : نجحنا يا عيال نجحنا انا هكلم رامى اقوله

- انت مش متضايق ؟

- مختار: انا .... ليه ؟

- رامى جاب اعلى منك وانتو بتدرسو سوا

- مختار : يا سلام وانا ازعل عشان صاحبى جاب اعلى منى لا طبعا

- ايوة بس يعنى انتو بتدرسوا سوا

- مختار : يا ابنى دى قدرات والنجاح اصلا رزق من ربنا المفروض معترضش بعدين رامى ده زى اخويا لو مفرحتش بنجاحه يبقى مستاهلش اننا نبقى اصحاب

- ايه يا ابنى محاضره مكانتش كلمه

- مختار : لا انا بقولك بس

- ماشى يا عم كلمه بقى قوله انه نجح وسلم عليه

مختار : حاضر يا سيدى

**بنت اسكندرية** · 25-08-2009, 08:57 PM

الرد: يوميات صحبة صح ... متجدد يوميا

موضوع جميل ومرتب.. ويفتح النفس للقراءة.
. وأسلوب طرح جذاب..جزاك الله خيرا على هذا المقال..
وكتب اجرك على ما تعبت لإعداده...
أسأل الله أن ينفع بك..

**أميرالشباب** · 25-08-2009, 09:02 PM

الرد: يوميات صحبة صح ... متجدد يوميا

اضيف في الأساس بواسطة بنت اسكندرية عرض الإضافة

موضوع جميل ومرتب.. ويفتح النفس للقراءة.
. وأسلوب طرح جذاب..جزاك الله خيرا على هذا المقال..
وكتب اجرك على ما تعبت لإعداده...
أسأل الله أن ينفع بك..

أ شكرك اختاه ع المرور الذي انار الصفحة

بوركت

**أميرالشباب** · 27-08-2009, 12:34 AM

الرد: يوميات صحبة صح ... متجدد يوميا

الحلقة الخامسة

اهلا بكم مره اخرى فى برنامجكم المحبوب ( شباب ع الهوا ) وكلامنا النهارده هيكون عن الاصحاب واول رساله وصلت لنا بتقول : أنا ليا صديق من مده بحبه جدا ولكن علاقتنا اتغيرت بسبب تصرفات كتير ضايقتنى منه وانا كنت محرج اقوله وده خلانى بعدت كتير اوى عنه ردنا على الرساله دى اكيد كلنا عارفينه بنقول لصاحبها ان الاصحاب اللى على حق ممكن يعاتبو بعض ويتقبلو عتاب بعض على اى موقف لو هما فعلا عاوزين يحافظوا على الصداقه دى

وننتقل بسرعه لفقره الاهداءات

واول اهداء من ( مختار ) بيقول فيه : بقول لاعز اصدقائى الف مبروك النجاح يا رامىوكل سنه واحنا اصحاب

والاهداء التانى من ( جنه الايمان ) بفريق حياتى وبتقول : اشكركم جدا يا احلى فريق أنا فعلا عشت احلى حياه واحلى صحبه ونفسنا كلنا نبقى فى فريق حياتى وفعلا هتحسوا بفرق وياريت تتقبلو اهدائى (أنشوده يلا يا شباب ) مع ارق امنياتى بالصحه والسعاده

**صبر السنين** · 27-08-2009, 03:41 AM

الرد: يوميات صحبة صح ... متجدد يوميا

حياك الله اخي الكريم امير الشباب

وحضور مميز ومشاركة جميلة ومتجددة

بارك الله فيك وكتب لك اجرها

ولكن كنا نتمنى ان تكون باللغة العربية حتى يتسنى للجميع الاستفادة منها

على العموم القادم احلى واحلى بحول الله

اسعدتنا بتواجدك بيننا

رعاك الباري

**أميرالشباب** · 28-08-2009, 12:23 PM

الرد: يوميات صحبة صح ... متجدد يوميا

الحلقه السادسه

الاخصائيه النفسيه : خلاص وصلنا لاخر مشكله اهى البنات دول موراهمش غير صندوق التربيه النفسيه ولا ايه دى مشاكل تافهه خالص اسمعى يا ستى

( انا عندى واحده صحبتى بحبها جدا بس هى من أول ما دخلنا جامعه وهى بدات تتغير صاحبت ولد وبتقولى ان كل البنات فى سننا بيبقى ده العادى بتاعهم بس هى بتقعد تكلمه كتير ومبقتش بتشجعنى زى زمان على اى حاجه حتى الدراسة بقت تقولى كبرى دماغك أنا بحبها اوى ومش عارفه اعمل ايه .. س.م )

شوفو أنا اقولكم هكتب لها ايه فى الرد

( اختى الحبيبه : كتير من البنات بتتحط فى المواقف دى من بدايه اعدادى لان فيه بنات بتتغير كتير وبتنسى حاجات كتير وزى ما قلتى ممكن توصل انها تصاحب واحد لمجرد التسليه وتقليد البنات مش اكتر ودورك انك تفهميها وتنصحيها قولى لها لو حد شافك معاه وحاولى تجذبيها للطاعه والقرب من ربنا وده هيساعدها كتير ولو معرفتيش تصلحيها يبقى تبعدى عنها احسن بدل ما تشدك هى وادعى لها من قلبك لو هى غاليه عندك بجد ... الاخصائيه )

**أميرالشباب** · 29-08-2009, 11:49 AM

الرد: يوميات صحبة صح ... متجدد يوميا

الحلقه السابعه

- آنسه سلمى ..... يا آنسه سلمى
- نعم يا افندم
- أنا خالد زميلك فى نفس السنه
- سلمى : افتكر حضرتك عرفتنى بنفسك قبل كده اكتر من مره يا افندم اى خدمه ؟؟
- لا ابدا أنا ........ كنت عاوز بس اسالك على حاجه
- سلمى : احم حاجه .... اه ... حاجه ..... ايه اتفضل ؟
- خالد : هى الموسيقى حرام
- سلمى : والله العلماء اختلفوا فى الموضوع ده وممكن تدور وهتلاقى مواضيع خاصه بيه خدمه تانيه ؟
- خالد : طب ممكن تقولى لى شويه اداب اسلاميه
- سلمى : اه ممكن حضرتك دقيقه أنا عندى حد هيفيدك اوى ....... يا استاذ مختار لو سمحت من فضلك استاذ خالد عاوز شويه كتب فى مبادىء الاسلام ياريت تساعده
- مختار : اه طبعا دى بسيطه خالص
- سلمى : جزاك الله خيرا ... عن ازنكم
- مختار : تعالى بقى يا سى خالد وقولى عاوز ايه

خالد ينظر للخلف اثناء سيره ( على سلمى طبعا )

سلمى : ازيكو يا بنات اتاخرت عليكو
إيمان : ايه يا بنتى اللى بتعمليه ده
سلمى : بعمل ايه ؟؟
إيمان : يا بنتى خالد بقالو شهرين من اول الدراسه بيحاول يكلمك وانتى بتصديه
سلمى : امال عاوزانى اقعد اهزر واضحك معاه ولا ايه
إيمان : لا يعنى بس شكله واقع كده و يمكن يعجبك ده الرومانسى بتاع الجامعه
سلمى : وانا مالى بقى ان شاء الله
إيمان : يا هبله بيشاغلك كل شويه يكلمك عشان عاوز يتعرف عليكو وجايز تظبطتو سوا ولا حاجه زى كل البنات فى الجامعه
سلمى : نظبطوا اه .... بقولك ايه يا عسل معاكى فلوس مواصلات تروحى
صديقه 1 : اه تقريبا ليه ؟؟؟
سلمى : بفكر اوفر عليكى كل ده واوديكى مجانا ..... فى الاسعاف
صديقه 1 : براحه يا ستى أنا كنت بغلس بس
صديقه 2 : لا خدى بالك من غلاستك يا سوسه عشان متنفعش معانا ولا نسيتى الحجاب اللى انتى لابساه يا ام حسن انتى
ولا انت يا معلم عشان اتخطبت محدش هيعرف يكلمك
إيمان : صباحو قر يا جدعان احنا جايين نتعلم ولا يتقر علينا
سلمى : ههههههه بس يا هبله انتى وهى يلا قبل ما المحاضره تبدأ والدكتور يبقى رومانسى معانا اوى ونطرد

**شعاع الشمس** · 29-08-2009, 08:40 PM

الرد: يوميات صحبة صح ... متجدد يوميا

الله الله وش هذا الابداع

وربي ان كل حلقه اجمل من الثانيه وتسلم ياخوك

وانا من اليوم ورايح راح احط قناتك الرائعه

داايما في شاشتي

مرررررررررررره متحمس للحلقه الا بعدها بسرعه

**أميرالشباب** · 30-08-2009, 01:00 AM

الرد: يوميات صحبة صح ... متجدد يوميا

الحلقه الثامنه

- نور : صباح الخيرات

- مايا : ايه ده كل ده تاخير وايه النيولوك ده

- نور : نيولوك ! ده حجاب شرعى يا بنتى

- مايا : حلو اوى عليكى بس كبير خالص

- نور : هتعملى زى ماما ولا ايه دى قعدت تقولى ايه ده يا بنتى وقعدت اسبوع اقنعها ده الحجاب اللى المفروض كل البنات تلبسه

- مايا : ولا مختار اخوكى ضربك على دماغك ولبسه ليكى بالعافيه

- نور : لا طبعا مختار صحيح ملتزم بس لذيذ جدا وبيهزر وبيلعب وبيضحك وكل حاجه حتى موضوع الحجاب لما قولتله كان اول واحد يشجعنى عليه يا بنتى أنا واخويا اصحاب مش اخوات بيتلككوا لبعض

- مايا : طب يا ستى الحمد لله يارب دايما

- نور : طب يلا بينا بقى نروح الدرس عشان نرجع نصلى المغرب ونفطر انتى نسيتى اننا صايمن ولا ايه

الحصه اللى وراها

نور : مايا مش ممكن ايه الحلاوة دى

مايا : ايه رايك أنا قولت اجرب الحجاب الشرعى بتاعك ده النهارده وافهم وجهه نظرك فى لبسه يعنى وعجبنى اوى

نور : اشمعنى بقى ؟؟

مايا : لا اصله مريحنى اوى وعارفه اتحرك براحتى عارفه حاسه كده ان كل الناس حسدانى عليه

نور : اها يا عينى يا عينى بس بجد هياكل منك حته بقيتى احلى

مايا : لا وكمان ده حجاب واحد وبالكتير بيبقى اتنين الموضه كانت 10 و11 حجاب يا بنتى

نور : هههههه يا جامد يا فيلسوف انت

مايا : هههههههههههه

بعد شهر

وهما راجعين من الدرس

مايا : أنا مش مصدقه اللى حصل ده ؟

نور : ولا أنا بقى فى شهر واحد كل البنات اللى معانا فى الدرس تطول حجابها حتى لو مبقاش شرعى بس الحجاب اتغير اللى بسته على واسع واللى بقت بتلبس الحجاب الطويل شويه ده

مايا : غريبه اوى .... اممممممممم

نور : لا مش غريبه هما شافو انه حلو وشيك قالو يجربوه ربنا يثبتهم

مايا : يااااااااه ..... يعنى.... أنا وانتى... يعنى ممكن نكون خدنا ثواب كل دول ..... الله

نور : يااااه ..... ياريت .... قولى يارب

**أميرالشباب** · 30-08-2009, 05:57 PM

الرد: يوميات صحبة صح ... متجدد يوميا

الحلقه التاسعه

فى النادى

إيمان : السلام عليكم ... صباح الورد
سلمى : وعليكم السلام .... صباح النور يا عسل
صديقه 2 : ايوة يا عم ايوة عروسه وكتب كتابها بكره
إيمان : هعلق خرزه زرقه ع الفستان يا سوسه
صديقه 2 : ههههههه ده أنا ههريكى قرص فى ركبتك
إيمان : هههههههه هركب فيها حديد واقى للرصاص
أنا جايه اخدكم عشان نختار بدله سوا أنا جبت كتالوجات كتيييير لكذا محل نختار منها
سلمى : تمام طبعا موافقين ..... فرجينا
بعد مرور ساعه
صديقه 2 : اه يا عينى يانى كل ده ومخترناش
سلمى : يا سوسه دى مش فساتين خالص دى حاجات تانيه
إيمان : ههههههههههه طب اعمل ايه أنا كتب كتابى فى قاعه ولازم اروح للكوافير بدرى بالبدله
صديقه 2 : ايه ده انتى هتعملى شعرك
إيمان : اه طبعا مش زى فرحى يا بنتى
سلمى : ايوة يا مونى مقولناش حاجه بس فرح فى قاعه يعنى ستات ورجاله
إيمان : بس ده فرح يعنى يا جماعه و .......
صديقه 2 : يعنى الناس فى الفرح غير الناس فى الشارع مثلا
سلمى : او يعنى استغفر الله العظيم ربنا بتاع الفرح غير ربنا بتاع الشارع عيب عليكى ده احنا كلنا كنا بناخدك قدوة هتيجى على الفرح وتتهبلى
إيمان : ايه يا عيال براحه طب نتفرج على الفساتبن ونقرر وبعدين نظبط مشكله الحجاب دى
وبعد ساعه كمان
***** اثناء التفكير معقول من بين كل الفساتين دى ميعجبنيش غير اللى بالحجاب
إيمان : لقيت الفستان يا عيال
سلمى : يخربيت زوقك ده فى منتهى الشياكه حلو اوى
صديقه 2 : ده بقى مش هيحتاج تظبيط ده متظبط جاهز بالطرحه وبكل حاجه
إيمان : طب جرى ع البوتيك بقى عشان نشوفه ونجيبه

وبعد كتب الكتاب
وبرده فى النادى

إيمان : يا دبله الخطوبه عقبالنا كلنا السلام عليكم يا اجدع اصحاب فى الدنيا
صديقه 2 : هييييييييه العروسه جات
سلمى : كتالوجات تااااااااانى ليه بقى المره دى انتى نويتى تغيرى العريس ولا ايه ؟؟
إيمان : بس يا بت اغير مين ..... لا اصل بصراحه فيه اكتر من خمس بنات عجبهم اوى الفستان اللى على الحجاب لما قولت لهم انه زوقكم كل واحده اختارت فستان بس من غير طرحه وعاوزينا نظبطه بقى عشان خطوبتهم قربت
صديقه 2 : الصراحه عندهم حق الفستان كان تحفه عليكى
إيمان : طب يلا يا سوسه منك ليها هنشتغل مصممين ازياء بقى خلو النيه حلوة عشان الثواب بقى
سلمى : تمام يا افندم

**صبر السنين** · 31-08-2009, 02:11 AM

الرد: يوميات صحبة صح ... متجدد يوميا

وقفات تستحق التثبيت

يعطيك الف عافية اخي الكريم امير الشباب

لا زلنا متابعين

**الهوا شرقي** · 31-08-2009, 04:04 AM

الرد: يوميات صحبة صح ... متجدد يوميا

يعطيك العافيه

برنامج حلو وممتع

ننتظرجديدك

**أميرالشباب** · 31-08-2009, 05:49 PM

الرد: يوميات صحبة صح ... متجدد يوميا

اشكركم ع المرور الرائع
جزيتم خيرا

**أميرالشباب** · 31-08-2009, 05:54 PM

الرد: يوميات صحبة صح ... متجدد يوميا

أشكركم ع المرور الرائع

جزيتم خيرا

اعلان

يوميات صحبة صح ... متجدد يوميا

يوميات صحبة صح ... متجدد يوميا

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق