اعلان

Collapse
No announcement yet.

ليش كل هذا يا بنات وشباب ليش

Collapse
X
  • تصنيف
  • الوقت
  • عرض
Clear All
new posts

  • ليش كل هذا يا بنات وشباب ليش

    ((بسم الله الرحمن الرحيم))

    كان يا ما كان

    قبل ثلاثة ايام

    افتح ايميلي واشوف رساله من قروب مشهور... صور لبنات ويتفاخرون انهم مسلمات عربيات ..!

    الاسلام فخر بس للأسف ما يستاهلون يرفعون هذا المسمى على الصور الي كانوا طالعين فيها

    مثال ..

    صورتين

    لـ 6او 7 بنات..صافات..عالجدار وملقينا ظهورهم..ومرفعات يدينهم (كأنهم معاقبات)..

    ومنزلين البنطلون..ونص البتاع طالع..



    قله الحيا هذي مهيب مقبوله!!


    كيف وصلنا لهذي الدرجه من فراغ الاخلاق . ؟؟


    الصيف اللي راح.. للأسف غلطنا ورحنا دولة عربية ..

    مع الحرص الشديد الحمد لله للابتعاد عن اماكن الفساد .. لأنه يوجد فيها فساد اكثر من الدول الغير عربيه

    صراحه!!

    ويلومننا ليه نكره الدول العربيه!


    رحنا لمطعم سقيم..طلع فيه واحد عالستيج.. ومسك المايك وقال

    ((احلى تحيه للشعوب العربية))

    وتصفيييييييييق..!!


    ....


    ارجع الحين لصلب الموضوع..

    ليش صرنا نشوف صور كثيره.. وعناوين الصور

    ((عربيات..خليجيات..مسلمات))


    لو نتفرج عالصور..


    نلقى رجول..


    نلقى جزم!


    نلقى اساور



    والفيس بوك عاد..والهاي فايف.. انواع الصور اللي مدري وش اقول عنها


    شفايف..


    * * *...

    عيون..


    ونادر ما تلقى وحده حاطه وجهها..




    تمنيت اني اطيح على بروفايل احد..والقاه حاط اسم كتاب حلو نقراه..خاطره حلوه من كتابته.. موقف

    مضحك مر فيه..موقف مؤثر..



    او اذا كانت او كان.. يعشق التصوير.. ليه يصور هالاشياء السخيفه..؟؟ اللي ما تدل الا على سخافه
    تفكيره؟؟


    اذا يحب التصوير..ليه ما يحترف..ويصور صور فوتغرافيه احترافيه..وراح يبدع فيها!..


    ليه كل اللي اشوفه.. حكي.. واحيانا قله حيا!! لا صراحه.. موب احيانا.. غالبا..

    وش هالفضاوه في العقل لدرجه انكم تصورون يدينكم.... رجلينكم..
    ولا
    ((شنطكم الماركه))..


    يمكن الفضاوه.. اقدر اتقبلها.. او ابلعها..لأن احيانا نسويها حنا انفسنا.. من كثر الفراغ اللي حنا فيه.. او

    يمكن شكل الصوره حلو..


    بس ان الوحده تجي تصور مقفاها.. هي وخوياتها.. وكاشخه بالجي سترينق!!

    والمنتديات والقروبات العربية تتسابق لنشرها ..


    بعدين انتي ياللي مصوره انتي وخوياتك..


    يعني انتي همك الوحيد ما يشوفون وجهك عشان محد يعرفك..


    بس مقفاك.. شفايفك.. و* * * *...... عادي يشوفونه ؟


    لأن المهم عندك الناس.. موب الله ...!!


    طيب صورتك قدام نفسك.... ما تهتز انك سويتي شي حقير ووضيع مثل هالشي؟؟


    اصلاً اصلاً.. كيف صورتوا صوره زي كذا.. يعني ما استحيتوا من بعض يا بنات؟؟


    عيب يعني...... يعني عشانكم بنات مع بعض عادي تورون بعض يعني؟؟


    ولا اقولكم..انا نسيت انكم ناشرين الصور للشباب..... فما يهمكم البنات..!



    يعني صدق شي يضيق الصدر.. بنات مسلمات في مجتمع مثل مجتمعاتنا يسوون زي كذا..



    ودي اعرف امك..وابوك..وش بينظرون لك بعد ذي الصور؟؟

    حرام..اهلكم ربوكم احسن تربيه..

    بس انتم للأسف ما ربيتوا انفسكم..

    فيه شي اسمه تربيه النفس.. بس انتم تتبعون اهوائكم.. او خليني اقول مخكم الفاضي!!



    ولا قروب ثاني عربي برضه... ..والصور اللي ناشرينها..


    ذوليك عاد.. متبرقعات..وبعابياتهم..متكحلات..ومسوين حركات غبيه ومصورين..!


    طيب.... وبعدين؟؟ ابي افهم وش الهدف؟؟ مره وناسه؟؟ مره يضحك؟؟ مررررره كوووول انتم صراحه!!



    طبعا ترى الكلام موب موجه للبنات فقط.. .. لأن يوجد عندنا وبكثره رجال عقول فاضيه..


    اللي همهم نوم واكل.. ..وفلوس ياخذها من ابوه ولا امه!



    تطوروا شوي.. ارتقوا شوي..اطلعوا بصوره احلى من كذا..



    انتم عارفين ان النت اكبر وسيله انتشار..


    قبل فتره.. في ام بي سي فور.. برنامج من برامجها عارض بروفايلات لبنات خليجيات.. باسماءهم..

    طبعا موب اسماء حقيقه.. !

    بس شوفوا الصور انتم!!
    شفايف و اساور وشنط و* * * *
    ومدري وشو..
    علقوا على هالشي باننا متكمكمين بعبايتنا

    عشان كذا نروح عن انفسنا بهاذي الطريقه..


    ما تستحون؟؟ صوركم قدام انفسكم!؟ ما تهتز؟؟


    انشرو شي حلو,,...حاولو تطلعون بشخصياتكم الحقيقيه.. موب تصيرون مثل الفنان الفلاني.. ولا البنت الفلانيه..


    ليه بس تنشرون الشي الشين؟


    انواع المقاطع الشينه تنتشر.. انواع الصور الشينه تنتشر..


    ليه؟ وش استفدت؟؟ غير الذنب واالأثم.. انك خليت احد يشوفها.. وانك نشرت شي مو كويس عن

    المسلمين!




    كل دوله بالعالم فيها الصالح والطالح..

    البيت الواحد فيه الصالح والطالح..




    ===============
    ليه ما تصلحون ايميلات تعود لكم بالفايده؟

    وتحسن سمعتكم!

    وتظهر الجانب الحلو في كل مسلم ومسلمة ؟


    بقولكم مثال..لوحده اعرفها شخصيا.. قبل ما ينتهي رمضان.. ارسلت مسج لكل اللي تعرفهم..وقالت انهم بيجمعون فلوس هي وبنات خالاتها.. وبيروحون يشترون العاب..وحلويات..ويرسلونها لجمعيه الايتام..وفعلا جمعو.. ووصل المبلغ لين 22الف.. كله من بنات عشرينيات في العمر..كلهم تحمسو لهالشي.. كلهم اتشغلو وشرو العاب..وحلويات.. شرو ميك اب..وشرو اشياء ثانويه الجمعيات ما توفرها للمحتاجين والايتام.. يعني البنات فكرو بتفكير مررررره حلو ...فكرو بالاشياء اللي يحتاجونها الفقرا..ويفرحون فيها,, بس ما توفرها لهم الجمعيات لانها مهيب ضروريه مثل الاكل والبيت والملابس,, يعني هالمثال صراحه اوقف واصفق له بحراره.. هذولي هم العربيات المسلمات اللي نعرفهم!!

    ==================

    شله شباب..اعرفهم بعد.. طبعا هم من اهل نجد..طالعين لجده..في رحله بحريه..وصادو كميه لا بأس بها من السمك..

    تدرون لو باعوا السمك.. كم يبيجب لهم؟ تقريبا 4 الاف ريال ....

    بس هم كانت نواياهم اهم من الفلوس..

    اخذو السمك وودوه لمنطقه فيها ناس فقرا.. وتصدقوا به..

    ====================
    برضو حمله تبرعات الراجحي..

    ترى اكثر من تبرع فيها شباب..


    يعني فيه ناس تشتغل.. فيه ناس عندها اهداف.. تفكر صح

    موب بس بالنت.. حتى برا النت,,

    سواء بنات او شباب..

    نبغى جيلنا المسلم الجديد ينتشر عنه كل شي حلو..

    انا ما اقول انكم ما تنبسطون... بس برضه بحدود..


    موب عشانكم ورا الشاشات .... الأمر يعني عادي؟؟


    (هياط ورا الشاشه = مرض)


    الصور اللي من النوعيه اللي ذكرتها في البدايه.. بطلوا تنزلونها النت.. بطلوا تحطونها بالبروفايل حقكم.. ترا صدق يعني هالشي ما يبين الا فضاوه عقولكم....لأن هالبروفايل يبين شخصيتك..


    اي احد يشوف هالصور..والا يجيه ايميل من هالنوعيه.. يبطل ينشرها.. لأنها يساعد على انتشار

    هالظاهره..لأن التقليد عندنا اعمى!!

    ======================
    وابي اتطرق لموضوع دخل فجأه معاي ..
    بس لازم اعلق عليه(( فضيحه بنت .. الخ)) هالنوعيه من الصور

    والفيدوهات.. ترا عليكم اثم لو نشرتوها..

    حرام.. يعني ما تخافون من ربي؟؟

    اولاً نشرت شي حرام. ثاني شي ما سترت على بنت او ولد الناس..

    ما تخاف ربي يفضحك بشي بعد سنه او 2 او 100!!


    قال الرسول صلى الله عليه وسلم

    (من ستر على مؤمن بالدنيا,,ستر الله عليه بالاخره)


    اتمنى ان موضوعي هذا ينتشر بنفس الطريقه اللي انتشرت فيها هالصور..


    يهمني الموضوع ينتشر في المنتديات الخليجية.. اكثر من المنتديات العربيه..
    واتمنى انكم ترسلونه لااكثر من ايميل..

    لأننا نحاول نناقش قضيه خليجية عربية داخليه..ومافيه مجتمع ما يخلو من الاخطاء..


    ابغى اذا احد قال((احلى تحيه لشعب الخليج)) وعادها 6 او 10 مرات..

    اعرف ليه قالها.. واقول معي حق اني اصــفــــــق..

    تعليق :

    واعرف من فضل الله ان الغالبية العظمى من المجتمع الخليجي بعيدة عن هذه الأمور....
    انشرها راح تكون ساهمة بتعديل مجتمعناالخليجي...ولك الاجرانشاء الله..


    والله يحفظ بناتنا وعيالنا









    ((منقول بس مش معاناه إنكم ما تقرؤه))
    آخر اضافة بواسطة صبر السنين; 25-09-2009, 12:01 AM.

  • #2
    الرد: ليش كل هذا يا بنات وشباب ليش

    الســلام عليكم
    الله يعطيك العافيه أخوي الغالي
    والله أن هناك أشياء يخجل الواحد يشوفها أويتكلم عنها
    فعلآ شي مخجل هاللي يسونه الشباب والبنات
    ولكن مانقول ألا الله يهديهم ويشفيهم من الوهم اللي هم فيه
    ولا والله هناك عدت طرق الواحد يقدر يقضي وقته في من الأعمال الخيريه
    المفيده أخير مليون مره
    وانا ماني عارفه ليه هالبنات يعملون هالشي وين ضميرهم
    أذا كانوا فاكرين أن الناس ماتعرفهم فيه الله قادر يكشفهم أمام الناس كلهم أنه على كل شي قدير
    ذكرتني بقصة فتاة في دوله عربيه معروفه
    كانت هذي الفتاة تحب أن تصور بنات شبه عاريات وتكشفهم للكل وتجعل الكل ينظر اليهم دون علم البعض منهن وذات يوم من الأيام كانت الفتاة تستحم في الحمام وأعتقد ضرب الكهرب في الحمام أوشبه التماس حدث المهم الفتاة أنكتمت في الحمام وماتت
    وكانت ملقاة في البانيو دون ملابس والدتها حاولت فك الباب ولكنها لم تستطع وطلبت النجده من الجيران ومن كان يمشي في الشارع ودخلوا الرجال منجيرانهم يريدون أنقاذ الفتاة ومنهم من طلب الطوارء والأسعاف وللأسف كان كل من دخل المنزل ينظر اليها وهي عارية الجسد لم يستطيع أحد أن يتجرأ حتى يسترها والبعض كان يلتقط الصور لها بالخفيه وأنتم تعلمون عن بعض أخلاق الشباب
    وكأنه عقاب من الله لأنها كانت تكشف عورات الفتيات
    الله يحفظنا ويحفظ بناتنا وبنات المسلمين أجمعين
    شـــكرآ لك أخي الغالي على هذا الموضوع القيم
    وأعتذر عن الإطاله
    تحـــيتي


    تعليق


    • #3
      الرد: ليش كل هذا يا بنات وشباب ليش

      [quote=طفولتي;1199167]
      الســلام عليكم

      الله يعطيك العافيه أخوي الغالي
      والله أن هناك أشياء يخجل الواحد يشوفها أويتكلم عنها
      فعلآ شي مخجل هاللي يسونه الشباب والبنات
      ولكن مانقول ألا الله يهديهم ويشفيهم من الوهم اللي هم فيه
      ولا والله هناك عدت طرق الواحد يقدر يقضي وقته في من الأعمال الخيريه
      المفيده أخير مليون مره
      وانا ماني عارفه ليه هالبنات يعملون هالشي وين ضميرهم
      أذا كانوا فاكرين أن الناس ماتعرفهم فيه الله قادر يكشفهم أمام الناس كلهم أنه على كل شي قدير
      ذكرتني بقصة فتاة في دوله عربيه معروفه
      كانت هذي الفتاة تحب أن تصور بنات شبه عاريات وتكشفهم للكل وتجعل الكل ينظر اليهم دون علم البعض منهن وذات يوم من الأيام كانت الفتاة تستحم في الحمام وأعتقد ضرب الكهرب في الحمام أوشبه التماس حدث المهم الفتاة أنكتمت في الحمام وماتت
      وكانت ملقاة في البانيو دون ملابس والدتها حاولت فك الباب ولكنها لم تستطع وطلبت النجده من الجيران ومن كان يمشي في الشارع ودخلوا الرجال منجيرانهم يريدون أنقاذ الفتاة ومنهم من طلب الطوارء والأسعاف وللأسف كان كل من دخل المنزل ينظر اليها وهي عارية الجسد لم يستطيع أحد أن يتجرأ حتى يسترها والبعض كان يلتقط الصور لها بالخفيه وأنتم تعلمون عن بعض أخلاق الشباب
      وكأنه عقاب من الله لأنها كانت تكشف عورات الفتيات
      الله يحفظنا ويحفظ بناتنا وبنات المسلمين أجمعين
      شـــكرآ لك أخي الغالي على هذا الموضوع القيم
      وأعتذر عن الإطاله
      تحـــيتي


      بل الله يعطيكي إنتي العافية فمرورك وإبداء رأيك هو ما يجب أن يشكر عليه......
      فشكرا لك ولرأيك ولقصتك ولعقلك المتزن..........
      وأتمنى من كل أعضاء ساندروز قراءة الموضوع ومناقشته لإنه فعلا موضوع حساس..........

      تعليق


      • #4
        الرد: ليش كل هذا يا بنات وشباب ليش

        أود أن أشكر أحد الأعضاء على تحسين الموضوع بلمسته الخاصة وتعديل بعض الأمور غير المهذبة من الموضوع وأقول له جزاك الله خيرا وفتح لك أبواب الجنة
        وأنا أعتذر من أخواني الذين أسأت لهم أو لبلدهم وسمعتهم وأقول أنني لم
        أكن أقصد ذلك بل أني نقلت الموضوع من بريدي الإلكتروني للمنتدى مباشرة ولم أصحح بعض الأخطاء لخوفي من تغيير معنى الموضوع لولا نبهني هذا العضو البارع الذكي بخطأي وأيضا قام بتعديله وهذا العضو هو الأخت (صبر السنين)
        أرجو من الجميع الدعاء لها وشكرها لمساعدتها الجميلة في تحسين الموضوع وترتيبه وتنسيقه فشكرا لك (صبر السنين).

        تعليق


        • #5
          الرد: ليش كل هذا يا بنات وشباب ليش

          فاطمة بنت نصر العطار كانت من سادات النساء، وهي من سلالة أخت صاحب المخزن، كانت من العابدات المتورعات المخدرات، يقال إنها لم تخرج من منزلها سوى ثلاث مرات

          اقتبست تلك الحروف فقط لأبين ان تلك الامور انتهت في هذا الزمان .

          الا ما شاء الله .

          فعلاً هناك اشياء تخدش الحياء

          وثمة امور اصبحت لا تبالي بها الناس في هذا الزمان ان لم يكن كل الامور ,

          يا إلهي عفوك

          .

          دمت ناصحاً اخي الفاضل
          سبحان الله و بحمده
          سبحان الله العظيم

          تعليق


          • #6
            الرد: ليش كل هذا يا بنات وشباب ليش

            شكرا اخي الفاضل
            نسأل الله لهم الهدايه
            من يعلم ربما هؤلاء مراهقين لايفقهون شيئا ربما يوما من الأيام يهديهم الله ويصبحون اعضاء صالحين
            تحياتي

            تعليق


            • #7
              الرد: ليش كل هذا يا بنات وشباب ليش

              اضيف في الأساس بواسطة نديم الحياه عرض الإضافة
              فاطمة بنت نصر العطار كانت من سادات النساء، وهي من سلالة أخت صاحب المخزن، كانت من العابدات المتورعات المخدرات، يقال إنها لم تخرج من منزلها سوى ثلاث مرات

              اقتبست تلك الحروف فقط لأبين ان تلك الامور انتهت في هذا الزمان .

              الا ما شاء الله .

              فعلاً هناك اشياء تخدش الحياء

              وثمة امور اصبحت لا تبالي بها الناس في هذا الزمان ان لم يكن كل الامور ,

              يا إلهي عفوك

              .

              دمت ناصحاً اخي الفاضل
              أنا أشكرك لرأيك ومرورك الجميل وأود أن أخبرك كم أنا سعيد بمرورك وقراءة الموضوع....
              دمت بود....

              تعليق


              • #8
                الرد: ليش كل هذا يا بنات وشباب ليش

                اضيف في الأساس بواسطة صقرالنوايف عرض الإضافة
                شكرا اخي الفاضل
                نسأل الله لهم الهدايه
                من يعلم ربما هؤلاء مراهقين لايفقهون شيئا ربما يوما من الأيام يهديهم الله ويصبحون اعضاء صالحين
                تحياتي
                أهلا بك أخوي صقر وأنا شاكر جد لمرورك الجميل.........
                ومن يدري ممكن يكون كلامك صح ويطلعوا صالحين الله يسمع منك.............
                دمت بود.........

                تعليق


                • #9
                  الرد: ليش كل هذا يا بنات وشباب ليش

                  حسبي الله ونعم الوكيل
                  إنا لله وإنا إليه راجعون
                  اللهم إهد الجميع وأصلحهم لكل ما تحبة وترضاة
                  اللهم إكفنا شر ذي الفئة واحمنا واحمي أولادنا وذوينا
                  وعافنا مما ابتليتهم به واهدهم واصلح شأنهم.
                  تقبلوا مروري
                  تحياتي.


                  تعليق


                  • #10
                    الرد: ليش كل هذا يا بنات وشباب ليش

                    اضيف في الأساس بواسطة أم فهد عرض الإضافة
                    حسبي الله ونعم الوكيل

                    إنا لله وإنا إليه راجعون
                    اللهم إهد الجميع وأصلحهم لكل ما تحبة وترضاة
                    اللهم إكفنا شر ذي الفئة واحمنا واحمي أولادنا وذوينا
                    وعافنا مما ابتليتهم به واهدهم واصلح شأنهم.
                    تقبلوا مروري

                    تحياتي.
                    آمين الله يسمع منك............
                    وجزاكي الله خير على دعائك الجميل............
                    وأشكرك جدا على مرورك الكريم ياأختي................

                    تعليق

                    تشغيل...
                    X