اعلان

Collapse
No announcement yet.

اعيش كابوس بحياتي اتمنى مساعدتكم

Collapse
X
  • تصنيف
  • الوقت
  • عرض
Clear All
new posts

  • اعيش كابوس بحياتي اتمنى مساعدتكم

    السلام عليكم

    انا اعيش هالتره حصار شديد

    وخوف وقلق وهذا كله بسبب بنت معي بالجامعه سببت لي انا وصديقاتي كل هالشيء

    هذي البنت كانت تدرس معنا ايام الثانويه

    ولما دخلنا الجامعه هي ماكانت معنا ولا نعرفها زييين البنت ..

    لما صرنا سنه ثاني جامعه هي سجلت واستغربنا لان نسبتها كانت نااازله بالسبعينات

    وسئلناها وشلون دخلتي قالت..سجلت بالترم الصيفي وقبلوني على طول

    انا ماقتنعت بكلامها ابداً

    هالبنت شخصيتهاا غاااااااااااامضه وماعرف ايش تفكر فيه
    اول ماسجلت بالجامعه صارت تتلصق فينا وتبي تجلس معنا بأي طريقه

    وهي صديقه لوحده بالجامعه تكره شلتنا (وهذا خلانا نشك انها جاسوس)

    وجودها كان عادي اول اسبوع بدايه الاسبوع الثاني البنت صارت وقحه او اقدر اقول

    انها طلعت على حقيقتها ..!

    صارت تفتش شناطنا وتسررق مصروفنا وتفتح ابواكنا وتاخذ كل شي فيها
    وهذا غير العطورات تسرقها طبعا كل مره حنا نفقد شي بس نقول انه ماتسرق شي يسوى يستدعي اننا

    نبلغ عنها يعني تسرق خمس ريال او ريالات او عطر تتعطر منه بدون استثناء وتفتش دفاترنا اخر شي وش نكتب وش مانكتب يعني لما اسولف مع صديقتي بالقاعه واكتب لها تروح تفتح دفتري وتقرا فيه وتجي تقول وش الي انتي كاتبه

    يعني بكل صراحه فيها وقااااااااااحه ترفع الضغط

    وصار لي موقف معها
    كنا قاعدين ومعي شنطتي جنبي وكنت جايبه معي كتآب قصص ومشاكل وحلها وكتاب كبير نوعا ما

    وقلت لصديقتي افراح افتحي الشنطه تلقين كتاب توني اقراه شكله بيعجبك
    افاراح فتحت الشنطه وخلت شنطتي قدامها وتصفحت الكتاب

    جت البنت (اسمها ايمان)..مسكت شنطتي وبدت تفتشها قدااااااامي

    جلست مصدومه من وقاحتها ومسكت الشنطه منها وحطيتها جنبي وقلت لها بكل جديه وقهر

    "انتي وقححححححححه"

    قالت ايه ادري
    وهذا خلاني انقهر منهاااا انها عارفه
    بعدها راحت لافراح صديقتي <بحكم انها اقرب وحده لها

    وقالت لها بسرق الكتاب الي جايبته انا عشان تتادب
    طبعا وقفتها عند حدها افراح وقالت لها اسرقي الي تبين بس خلي صديقاتي بحالهم
    طبعا من بهعد هالموقف صرت لاكلمتني اطنشها ولا كأن فيه احد يتكلم لان مستحيل اجاريها بالوقاحه
    واستمرت انها تتلزق فينا وتفتش جوالاتنا وتاخذ ارقامناا

    لين هنا كل شي اقدر اتحمله بس المصيبه الكبرا الي صارت

    بعدين

    انا وصديقتي جواهر ..<هي حاقده علي لان دايم اطنشها ولاتكلمت باسلوب وقح اوقفها عند حدها
    وجواهر تكرها لان صديقه ايمان الي حاقده علينا كلنا ..تكره جواهر بالذات
    راحت ايمان اخذت رقم جواهر من جوال افراح بدون ماتدري


    وارسلت لها كاتبه (انا عارفه انك خافين من الارقام الغريبه وماتنامين الليل من الخوف عشان كذا بقولك انا ايمان )
    انقهرنا من تصرفها كيف تاخذ رقم جواهر بدون علمها ...وفوق كذا من ارسلت لها صارت تدق ارقااااااام كثيره وغريبه على جوال جواهر بالساعه 50 مكالمه
    وكلهم عارفين اسم جواهر بالكامل ويستهبلون ومافي غير ايمان اكيد هي الي موزعه الرقم
    ماحط بذمتي شيء لاكن هذا واضح والي خلاني اتأكد

    اني ماعطيتها رقم جوآلي ابد وهي عندها كل ارقام البنات الا انا

    دق رقم غريب على وحده من صديقاتي وهي قريبه مني بالحيل وكانت تبغى تحول من تخصص الى اخر بس معدلها مايساعد
    عشان كذا قررت تترك الجامعه وتسجل بجامعه ثانيه

    وصديقتي هذي عندها رقم ايمان ...قبل يومين دق عليها رقم غريب وردت

    قالت نعم..قال انا واحد اسمي عبد المحسن وابوي يشتغل في الجامعه واقدر احولك التخصص الي انتي تبين
    هي استغربت وقالت وش مقابل هالخدمه..

    قال تعرفيني على صديقتك (الي هي انا ).. سكرت بوجهه وقالها لازم تعرفيني ولا منتي محول للتخصص الي تبين قالت احسن مابي كل هالجامعه

    وانا لي يومين مهمومه منها ومقهوررررررره ومره متنكده ومتأكده مليون بالميه انها هي

    ولو هو يبيني كان طلع رقمي لان رقمي عام وبأسم ..والي خلاني اتأكد

    انها داخله الجامعه عن طريق واحد تعرفه هو الي دخلها الجامعه واكيد ان الولد الي دخلها هو نفسه الي يبي يكلمني
    ومادري وش اسوووي
    انا علمت كل اهلي بالسالفه ومتفهمين موقفي
    واليوم افكر اني اخلي بابا يدق على الهيئه ويعطيهم رقمها ان هالبنت توزع ارقام شباب

    وافكر اعلم امن الجامعه عليها يفتشونها كل يوم لان مو بعيده تصورني او تنتقم مني وتجيب شي يضرني
    وبطاقتي الجامعيه احطها عند امن الجامعه كل صباح واخذها اخر الدوام
    ومدري وش اتصرف اكثر من كذا .. وهي ماجلست معنا الا انها تبي تاخذ شيء


    اتمنى تساااااااعدووووووووووووني

  • #2
    الرد: اعيش كابوس بحياتي اتمنى مساعدتكم

    السلام عليكم

    اختي لا داري لماذا تسمين ذلك كابوس ... ؟؟ انتي لم تخطئي في شئ .. وعلى قول المثل ابعد عن الشر وغني له ..
    انصحك بأخبار كل هذه القصة لوالدتك أو اختك الكبرى أو حتى اخوك الاكبر .. او الوالد ، المهم اي أحد كبير وقادر اذا لا سمح الله اذا جرى شئ مؤذي لك ان تكوني بالجانب الصحيح ولا تتركي مكان للشك فيك..

    موفقه ..



    تعليق


    • #3
      الرد: اعيش كابوس بحياتي اتمنى مساعدتكم

      انا ماخطيت لاكن هي من نوع انتقامها قوي

      يعني هي لها محاولات بتجيب جوال كاميرا داخل الجامعه ومو بعيد على هالاشكال تصورني

      عموما انا اقرا اذكاري كل صباح هذا شي ضروري ومتوكله على ربي

      لاكن موب عارفين كيف ندر نبعدها عننا

      فكرو صديقاتي انهم يمسكونها يوم السبت ونقولها ابعدي عننا

      تعليق


      • #4
        الرد: اعيش كابوس بحياتي اتمنى مساعدتكم

        السلام عليكم

        تستطيعون انتم الابتعاد دون التحدث بالموضوع.. ابتعدوا فقط عنها وكوني حذرة .. وانصحك بتغيير رقم موبايلك



        تعليق


        • #5
          الرد: اعيش كابوس بحياتي اتمنى مساعدتكم

          يااختي حنا نبعد عنها بس المشكله اننا نجتمع على طاوله يوميا
          وهي تجي تقعد معنا يعني ماتفك عننا ابد
          ونروح ندخل جوا المبنى تلحقنا
          ووجها مغسول بمرق
          يعني نفشلها وعادي عندها

          وجد من كثر مافشلتها انا خايفه تنتقم انتقام قوي
          ايش اسوي اقرا اذكاري واقرا سوره الفتح كل يوم

          تعليق


          • #6
            الرد: اعيش كابوس بحياتي اتمنى مساعدتكم

            المسالة بسيطة يا اختي
            صارحوها أنكم ماتبغونها
            وإذا حاولت تفتح شنطة لواحدة منكم أو جوال أو تفتش بشيء يخصكم أمنعوها بكل حزم ووضوح
            يعني لاتمنعوها بخجل أو تتعذروا لها بعذر بايخ علشان تمنعوها
            لازم تكونوا حازمين

            في نفس الوقت بلغي أمك أو أبوك بالموضوع علشان يصير عندهم خبر وخلفية عن الموضوع
            والأهم من هذا تبلغي المشرفة عندكم بالموضوع من بدايته وهي راح تشوف حل لموضوعها ...على الأقل راح تتابعها أو تنقلها بعيد عنكم أو تغير مواعيد محاضراتها ..............

            بالنسبة لتصوير الجوال
            المعروف أن جوال الكاميراء ممنوع بالمدارس والجامعات وفي كل الدوائر الحكومية
            وإذا عرفتوا أن معها جوال كاميراء بلغي المشرفة أو العميدة أو الوكيلة فورا

            الشيء الثاني والأهم / هو أن تصوير الشخص في عمله أو مدرسته وهو غير منتبه وغير موافق يختلف عن تصويره بكيفه وهو مستعد للكاميرا
            والتصوير داخل المدرسة ماراح يجي فيه شيء يشوه السمعة أو يقضي على مستقبل الشخص الذي تم تصويره
            يعني راح تقدر تصور لقطة من بعيد أو لقطة غير واضحة أو حاجة زي كذا لإنها ماراح تجي عند وجهك وتصورك
            وحتى لو صورتك أيش المشكلة ؟؟؟
            أنتي راح تطلعين بالصور بشكل طبيعي والكل راح يعرف انك تصورتي بدون ماتعرفي

            خلك ثقتك بربك وبنفسك وبأهلك وبمشرفتك قوية
            ولا راح يصير إلا الخير بإذن الله
            بس خليك أشجع من كذا شوي
            لولا المشقة ، ساد الناس كلهم
            الجود يفقر.........والإقدام قتّال

            تعليق


            • #7
              الرد: اعيش كابوس بحياتي اتمنى مساعدتكم

              يالنسبه لاهلي كلهم عارفين بالموضوع
              وراح اخبر امن الجامعه انه ينتبهون وكيذا
              وثقتي بربي كبيره والدليل اني معتمده كثير على اذكاري والقرآن الي اقراه

              لو صار مستجدات راح اقولكم..ويوم السبت فعلا حنا ناوين نكلمها

              الله يعين

              تعليق


              • #8
                الرد: اعيش كابوس بحياتي اتمنى مساعدتكم

                من توكل على الله كفاه
                سترنا الله وإياكم فوق الأرض وتحت الأرض ويوم العرض

                وفق الله الجميع لما يحب ويرضى
                لولا المشقة ، ساد الناس كلهم
                الجود يفقر.........والإقدام قتّال

                تعليق

                تشغيل...
                X