اعلان

Collapse
No announcement yet.

Unconfigured Ad Widget

Collapse

الصاحب اللي

Collapse
X
 
  • تصنيف
  • الوقت
  • عرض
Clear All
new posts

  • الصاحب اللي

    الصاحب اللي شد واقفت مطاياه

    مايدري انه حط جوفي حرايق

    اكبر دليل ان الجفا منه مقواه

    اموت واحيا في غيابه دقايق

    واللي تحبه حيل ياشين فرقاه

    جربتها وعندي عليها وثايق

    ينساني الله كان بالبعد ابنساه

    ماغيره بعيني من الناس لايق

    ماقد خبرنا الطير يزهد بمرباه

    الا إذا ماهو له الجو رايق

    الشاهد الله صاحبي همي رضاه

    ماقد جرحته وش بلاه متضايق

    ياخوفتي وياحسرتي وين دنياه

    خوفي عليه مغيرين الحقايق

    الامر لله قدر البعد واقصاه

    ويالله عساها ماتزود العوايق




    شعر : سعد الخريجي


  • #2
    الرد: الصاحب اللي

    الله الله
    الصحاب اللي شد وقفة مطاياه
    مايدري أنه حط جوفي حرايق
    صح السان كاتبها
    وسلمت يمين ناقلها
    أختيار قمة الروعه

    تعليق


    • #3
      الرد: الصاحب اللي

      صح لسان الشاعر

      وسلمت انامل الناقل

      ذوق والله ياصقر في قولك ومنقولك

      تحياتي يالغلا

      تعليق

      تشغيل...
      X