اعلان

Collapse
لا يوجد إعلان حتى الآن.

الله يقطع الرسايل وسنينها

Collapse
X
 
  • تصنيف
  • الوقت
  • عرض
Clear All
إضافات جديدة

  • الله يقطع الرسايل وسنينها

    السلام عليكم
    ( ودي في البدايه أعتذر عن هذا العنوان )
    لكن إحتمال لما تسمعوا هذا الاسترسال تعذروني وإمكن فيكم
    اللي يأيدني ( بدون فافسه خلنا ندخل في الموضوع )
    طيب حاضر ( بسم الله الرحمن الرحيم ..وبه نستعين )

    زمان أيام جدي وجدك وستي وستك كان الناس تقريبا واحد وخاصة
    الجيران *أقصد إنه تلقى الجيران دائما في ترابط وكل واحد
    يسأل عن جاره وإمكن فيكم من لحق أيام منها لما كان توصل
    معه إنه ينام في بيت الجيران وكأنه بيته...صح ولا مو صح ؟*
    وتلقى أهله ولا سأله عنه ولا حاجه لانهم مطمنين عليه .
    أما بالنسبه للكبار في ذيك الايام كانوا على طول في تواصل
    فما بالك في المناسبات سواء كانت سعيده أو مناسبات تعيسه
    الله يجيرنا عنها (قولوا آآمين ) المهم تلقاهم في جميع
    المناسبات مجتمعين يعايدوا بعض (هذي حط تحتها خط ) وكمان
    يوقفوا مع بعض في المحن وغيره وغيره ....أما الجيل اللي
    أعتقد بدأ بعدهم(أقصد بعد جيل جدي وجدك) وتقريبا إنتهى
    بينا (والله يستر من الجيل اللي بعدنا ) فحدث ولا حرج
    أصبحت الجيره زي بعضها يعني *بيحصل في الكثير من المرات
    إنك ماتعرف أسماء جيرانك اللي حواليك (الكلام هذا منتشر
    في الاحياء اللي بنظام الفلل ) وزين لو حتى رميتو على
    بعض السلام لو تقابلته في الشارع أما في المناسبات لو جارك
    هذا ماعنده قرابه ( أقارب ) كان تلقاه لوحده لاحد يفزع
    ولا أحد يسأل ( الله المستعان ) والسبب في البعد بين الجيران
    ناس تقول ياخي مشاغل والتلفون موجود ويؤدي الغرض وبعدين
    إمكن جاري مشغول ( يعني مجرد إحتمالات ) ولاحظ إنه قلك
    التلفون موجود وناس تقول خليها على ربك وغيره وغيره...


    أما الايام هذي ومع تطور التكنولوجيا والتقدم الواضح ومع
    وجود هذي الانواع من سبل الاتصال (التلفون+الفاكس+الجوال)
    أصبحت حياتنا أسهل مما كانت عليه سابقا ** لدرجة إننا
    أكتفينا بإستخدام أرسال رساله عن سماع الصوت (يعني الحكايه
    في النازل )أول زيارات فعليه وبعدها إستخدمنا التلفون
    والآن نكتفي بإرسال رسايل ( أيش المتوقع بعد كدا ؟) .
    يعني لو تجي تفكر فيها الآن وإحنا في مناسبة عيد الاضحى المبارك
    ( أعاده الله على الجميع بالخير وتقبل الله منا ومنكم صالح
    الاعمال >قولوا آآمين< ) كم مره الواحد فينا إتصل أو زار
    أصدقائه للتهنئه بهذه المناسبه ؟؟؟ وكم منا من إكتفى بإرسال
    الرسائل حتى يهنئ الاصدقاء ؟؟الاجابه متروكه للجميع !!!
    مع العلم أن الجواب واضح (أكبر دخل تحصل عليه شركة الاتصالات
    دائما يكون في فترة الاعياد).

    على العموم هذا الموضوع كان في قلبي وأتعبني كتير من كثرة
    ما أفكر فيه قلت أطرحه لكم لعل وعسى أرتاح ( وبدل ما أفضفض
    لصديق واحد أكون فضفضت لمجموعه من الاصدقاء اللي بصراحه
    الواحد يفخر بمعرفتهم والانضمام معهم في منتدى واحد .

    سامحوني طولتها وهي قصيره لكن العشم في تحملكم ثقالة دمي
    هي اللي شجعتني إني أطرح هذا الموضوع .
    شكرا للجميع ( وكل عام وأنتم بألف خير )

    السمــــــــــــوحــــــــــــــــه

    أخـــــــــــوكم العمــــــــــــــده
تشغيل...
X