أنا سنيـــه بـس حبيـــت بحرانــي ومثـله ترا في الكـون لا تدورون

شهم وأصيــــل وعيونه سحرانــي رقيق المشــاعــر طيب حنـــــون

خاطفه على الماتــم يوم لاقــانـــي الحيدر على راسه وكله اطعــون

ابتسمت وترك العزا على شانـــي وصــار ابمشيتي أسيــر ومفتـون

قال ويـــه؟ والرقـــــــم راوانـــي ممكـــن نكلمــــش على التلفــون

قلت لمسامحه بــس الحيا نسانــي بس يا خوي انته مــــن اتكـــــون؟

اسمي عبدالشهيد وبنطيش عنواني واسألي عنـــي في ذيـــج السجــون

ومن التربـــه على الراس نيشاني اسمـــي وشكلـي واضح فالعيــون

بس أنا امحرقيـه ونته كرزكانـــي ومالي أبد خبره افنظرات لعيــون

قال ويـــه؟ يعني الحب جافانـــي؟ لحضه لا تزرعين افقلبي اشجـــون



ســــاره:



قلت يا عبدو اسمع القصه ونسانـي قلبي بليه مشـــاعـــر ورقه بــــدون

حبيت فيصل ثـــم طـــلع خوانـــي علقني وهــو مـن ورا ظهري يخون

من سنتين وقلبي افحبـــه يعانــــي ونا أكبر ضحيه لفيصــــل الملعـون

افأول لقـا مطعـم الأبراج ودانـــي لجـل يرضيني طلب لي سبعة اصحون

امشكــل ومقلي وعيـــش بريانــي وأحلى سمـــــج خـــالــي من الدهـــون

ونا امفهيه فيه والقلـــب طربــاني أحلم بكوشة عرس والمعازيم يزفــون

وهو بالخمس يظرب اتقول طوفاني نسى ســـاره عشان سبعة اصحـــون

يقول انتي أحلى شي بأعيـــــانــي ولجل حبـــج راح أحــــارب الكــون

يا امحرقيه يا ذوق يحلى معــاني ولـد الرفاع يحبج ولا عمره ايـــخون

قلت في القلب عندك حــب ثاني؟ قال أبــد ومن غيرج افقلبي تـــكون؟!

قلت خلاص أحبك ياكل فرساني وســـــاره اذا حبت يصيـــبها اجنــون

يداوم في القوة ويحرس الميداني مسكيــــن اكسرت ظهره كثر لديــون

يقول أحبـج ونتي صبري عشاني بــــس بسويــــلج رنـــه على التلفون

قلت ياروحي لا يهمك ولا تعاني انته من سمـــــسم تبغي كم كرتون؟؟

واتضح لي يوم الخبر يــــــانـــي يكلم عجميـــــه من وراي ويخــــون!!



عبدالشهيد:



كل هادا يا فقيرا هم وحزانــــــي قلبش تكســــر والسنـــــه يعدبــــون!

هادا فيصل حقير وسني أنانــــي لو بالدير افتحت كرشه ولبطـــــــون

ونتين قولي,راسي بلفكار وداني بجيب ليه وحوش الصخر يكســـرون

أنفد طلبش ولا أخاف افزمــاني أني مجــــــرم وكل الديـره يعرفـــون

بحــرق سيارته وبقول أني الجاني ون ركبونـــي الجيب أقوليهم يسرعون

وبتحدى الضابط وثور فيه بركاني بقول ليه اضرب وسو اللي تسوون

أنا مثلش عدبتـــــني بنت جيـراني مكيه بنت الحجي مكي بو مرهــــون

أحفض ليها أشعار نزار قبـــاني وأدرس كهــربـــا وهي كلية افنــون

قلت لبويي ودني اليهم وودانـــي وخبرونا قالوا قبل التحاريــم لا جـــون

وراح الشهر وقلت الفرج جــاني قال أبوها: بنتي صغيـره لازم تدفعــون

أريد المهــر واجد وآني ابمكـــاني تجيبون لي عرضه مثل السنه وتزيدون

جيبوا لي سيـــــاره من بهبهاني وحطوا لي فلاف أرقـــام لــو تقدرون

قلت لحضه ويش فيك يالبحراني أنا في الجــــامعه وبويي اشكد مديــون

المهر مائتين بس والعرس مجاني وفي بيت أهلي أحط هادي المصــون

قال اطلع بره وقفـــــــــاه راواني هادي شروطــــي لو البنت تنبــــون

شفتي يا ساره مضلوم في زماني وحضـــي منحــوس وين ما أكـــون



ســــــاره:



يا عبدو قطعت قلبي وزادت أحزاني مسكين حــالك بس الدنيا تهون

كفاك اللي جرا مثــل ما كفانـــــــي ننسى التعب وننسى كل هالكون

ما عــــاد يهمنــي سني أو بحراني الحب ميـــعرف ملــه ولا لـــــون

الدين واحد وكلنا نعبد الرحمانـــي وما يهلك الا أمثــــال فرعــــون!

احنا افمجتمع واحد أهل واخواني نمد لكم يدنـــا ونتوا تمــــدون

السني أخو الشيعي محتاج برهاني والله ياخذ اللي امبيننا يفرقـــــــون





هذي نهاية قصتي وفيض وجداني حبــــوا بعضكم يا ناس لا تميزون

قلت أبكتب قصيد أنسى به أحزاني ونتوا يالبحارنه والسنه لا تزعلون

الحب متهزه طوايــف ولا أدياني دام الحبايب بحلى المشاعر يعيشون

وختم بالصلاة عالنبــي العدنانــي وقـول حطوا اديكم بس لا تشيلون

منقول