اعلان

Collapse
No announcement yet.

رباعيات ..

Collapse
X
 
  • تصنيف
  • الوقت
  • عرض
Clear All
new posts

  • رباعيات ..

    هذه رباعيات كتبتها منذ عام ونصف تقريبا .. كتبتها على فترات مختلفة .. والحمد لله نالت استحسان الكثير .. وفازت بجوائز رفعت من شأن موهبتى اكثر واكثر .. وددت ان ارفع من موهبتى اكثر ايضا واسمع نقدكم .. فعرضتها عليكم ..


    *
    فى الدنيا ايه اكـــون انـــــــــا
    غير ريشة طايرة فى الهــــوا
    لا عارفه ترسى على الارض
    او حتى توصـــل للسمــــــــــا

    *
    برج حمام كل ما اشوفه احلم
    ابقى حمامة والقيد عليه يحرم
    أبعد عن البرج فجأة واجرى
    لما الحمام جوه القفص يتألم

    *
    قطار لعبة بتلعب بيه الاولاد
    بيحلموا يلفوا بيه كل البلاد
    احلم زيهم واقول لنفسى
    نفسى يا دنيا اكون فى يوم سندباد

    *
    ياللى هوايتك فى الدنيا الغدر
    هيجيلك يوم وتتحط فى قبـــر
    وايه راح تعملك الدنيــــــــــا
    وانت نهايتك متر فى متـــــــر

    *
    كل ما امشى فى الطريق يطلعلى شبح
    اخاف . اجرى منه. اقع. انجرح
    تعايرنى الناس وتقوللــــــــــى
    مفيش عفاريت دا عقلك هوا اللى اتمسح

    *
    اوعاك تخلى سكات الليل يهزمك
    هييجى يوم ومن صحوة النهار يحرمك
    وايه يفيدك غير حلم جواك انهدم
    او جرح فى قلبك كل لحظة يألمك

    مين زيك ياعصفور طاير فى السما
    ترفرف بجناحك تضرب بيه الهوا
    وف وقت الخطر او ساعة البرد
    تجرى على قفصك تلاقى فيه الدفا


    ياسلام يا دنيا فيكى دايما بتألم
    يقولولى اصبر دا الصبر بيعلم
    صبرت.ولامتى هفضل كده صابر
    دا الصبر لو حجر كان اتكلم


    بحلم اكون ورقة شجر
    كل شوية يغسلها المطر
    بس خايف اقع من على فرعى
    يدوس عليه واحد م البشر


    ياللى على وشك زعابيب امشير
    ايه راح يفيدك من التكشير
    دا انت لو مرة تبتسم
    جرحك هياخد حزنك ويطير


    طول عمرى عايش حزين
    عايش ما بين دمع وانين
    ما طول ما الدنيا مليانه جراح
    الفرح راح يجينى منين؟


    بحلم بيوم فيه الحزن يتلون
    الهم يمشى والقلب يطمن
    ساعتها البسمة على وشى تترسم
    والدمع لو جانى اقوله يحنن


    منك يا دنيا صابنى الجنون
    عاملة زى سيف مسنون
    محطوط على رقبة برىء
    ويقولوله ده جزاء اللى يخون


    مركب ورق على وش الميه
    تقف تزقها الريح شوية
    قسيت عليها الريح.غرقت
    وجه الدور على مركب تانية


    انسى اللى راح وابدا من جديد
    لو النهاردة حزن بكره هيبقى عيد
    وليه تخلى قلبك الجراح تهزمه
    مع ان ممكن بايدك تخليه سعيد


    يا ام ياللى مات وليدك على ايدك
    لا تحزنى بكره حقك هيجيلك
    وابنك اللى مات برصاص الغدارين
    بكره يعودلك وياخد تارك


    __________________
    تانى هكتب تانى هغنى
    وأقطع ورقة موال حزنى
    يحلالى حلمى ينسانى همى
    تيجى حبيبتى تكمل لحنى ..
تشغيل...
X