لاصار ودك منهو اللي يردك
هذي يميني في رجا مد يمناك
لا لا تقول اليوم حدي وحدك
تركي على نفسه من سنين بداك
مركب غرامي بين جزرك ومدك
متى على الله تحتويني بمرساك
ياكثر ما جيتك وياكثر صدك
ارفق على قلب العنى لا عدمناك
احترت انا ما بين لعبك وجدك
العب على كيفك ترى القلب يفداك
اذا كان كف الشوق بالحيل شدك
ابشر ترى وجه السعد في محياك
ياحلو تعذيبك لقلب يودك
ما تدري ان القلب يفرح بطرياك
الله عطاك الزين ما فيه قدك
كل العسل ياخذ حلاه من شفاياك
تعليق