على ذكر الجــروح وليلها الظامي .. دفا وقلوب

على ذكـــر الوصال الدافي اللي ما تهيالي

على ذكـر الحروف اللي تشحّ بوجهها المعطوب

على ذكـر المحابر واحتدام الياس في بالي

لمحتك في يدك غـصـن اليباس ووردتـين نضوب

ودريت اني مــلاذٍ للهــمــوم وموطــنٍ غالي

هلا بك والظـلام اللي كساني ما افـتـديه بثوب

مــدامه بيـرق الوجـه الحقــود ونبض عذالي

فديتك من متى كان النهار اشهى هدف لغروب

فـديتك من متى كانت خُطاي تحارب ظلالي

ترفّق دامـها نوبــة غضـب وبكلمتــيـن تـــــذوب

تذكّر لهفـتي لا .ـ. لا تذكّرـ رجـــفة اوصالي

تذكّر ما بقى في مهـجتك عــرقٍ يفيـض ذنـوب

وتأكد انك الحـبـر القــراح .. ومــرّي الحالي

لك الله مـا هــمـا وبـــل المـدى الا شقا ودروب

ولا ناب الـورق غــير الدمــوع بعيد غـربالي

اذا كان الغياب اغـرق خُطاك بحلمها المسـكوب

انا من يومها صرت الهشيــم الذابل البالي

سليمان السناني