اعلان

Collapse
No announcement yet.

شـديـد الـرمـل ..

Collapse
X
 
  • تصنيف
  • الوقت
  • عرض
Clear All
new posts

  • شـديـد الـرمـل ..

    ليلة شديد الرمل .. جتنا ركايب
    من الشمال .. وبركت بين الأيام
    طوي التراب وشل فوق النجايب
    والجو ثارت به معاصير وعسام
    علمي بوجهك فـ اسود العج غايب
    والريح تدفعني وانا ما لي اقدام
    لولا الشجر .. شدت غصونه نهايب
    جلدي وثوبك قلت انا وانت الاوهام
    لا خيمة .. لا طنب لا صوت شايب
    لا صرخة ..لا طفل لا كحل وزمام
    طاح الرواق وطاح حلم الحبايب
    لا ناي في روحي غدت روحي حطام
    ما غيرها ضـلوعي في صدري حطايب
    وشم الجروح اللي بكبدي من العام
    إن كان ذا قبري فـ ابي له نصايب
    قبر الورق خلوا شواهده الاقلام
    يامعمر الدنيا عمارك خرايب
    ما حدٍ ورث جدرانها غير الأيام
    العمر شدة والليالي ركايب
    والرمل يمحي الرمل والموت قدام
    بدر بن عبد المحسن

تشغيل...
X