اعلان

Collapse
لا يوجد إعلان حتى الآن.

===> موضوع وااايد حلو وحبيت اضيفه وهو ابراج استاربكس <=====

Collapse
X
 
  • تصنيف
  • الوقت
  • عرض
Clear All
إضافات جديدة

  • ===> موضوع وااايد حلو وحبيت اضيفه وهو ابراج استاربكس <=====


    لوووووووول انت عاد نكتة من قلب يا الآيسد تي لوول .. يعني اللي اول مرة يشوفك ويقعد معاك يكتشف ان دمك عسل وراعي نكته ومرحك عفوي

    بس عيبك انك شوي انطوائي وهالشي يسبب لك مشاكل ساعات .. و عندك طموحات غريبة وعجيبة بنفس الوقت ساعات تكون مستحيله

    شخصيتك
    بشكل عام !

    مو من النوع اللي يطيح بالحب بسهولة .. ولا تعترف فيه بسرعة .. وهم ما تعترف بالحب من أول نظرة

    اممم .. وانت من النوع الحذر جدا جدا جدا بأي خطوة عاطفية تقدم عليها .. وتفضل دايما سواء ريال ولا مرة العزوبية او العنوسة حق البنيات

    بس اذا حبيت ... يا سلام عليك .. تصير ملك بالعاطفة والرومانسية

    الحب
    تعتبر صداقاتك من النوع الي تعمر " شبيهة بالديناصورات" وتتضمن وااايد من الايام الحلوة اللي لها طابع من المرح والوناسة كونك شخصية مرحة .. وتونس صاحبك بالمفاجأت الغريبة

    بس عيبك خجول مع ربعك شوي وماتاخذ راحتك مع ربعك اذا كان بينهم غريب

    الصداقة
    تفضل الوظيفة الي تضمن لك الامان المادي .. مثل الوزارات والشركات الخاصة ..

    وكونك حذر وعندك عقل يوزن بلد هم تقدر تبني حق نفسك امبرطورية أو مشاريع عظيمة وتقدر تخمن الصعوبات والمشاكل الي ممكن تواجهك ..

    عموما انت تفضل المجالات الهندسية والمعمارية اكثر من غيرها

    الشغل
    واقعي
    حذر
    دقيق
    مرح ونكتة
    منظم

    الإيجابيات
    أناني شوية
    عنيد
    ما تسامح بسرعة
    تقليدي زيادة عن اللزوم

    السلبيات


    شوف يالـ سينامون .. اللي يميزك عن غيرك من الشخصيات .. ان أي شغلة تسويها لازم تكون مميزة سواء بـ شغلك او علاقاتك الإجتماعية أو أو أو .. الصراحه عيني عليك باردة

    وعندك حس إنساني كبير .. يمكن من أكثر الشخصيات اللي فيها جانب انساني ... ومو من النوع التقليدي بحياتك كلش

    شخصيتك
    بشكل عام !

    اممم .. صعب ونادر انك تحب بجدية أو بعمق وعواطف وهالشغلات ... بس اذا حبيت دايما تحاول انك تنجح علاقتك مهما كانت فاشلة ومو راضية تمشي صح .. يعني ما تستسلم بسرعة اذا كانت العلاقة فاشلة مثل ما قلت لك

    وبما انك من محبي الابتكار والشغلات الطيبة .. دايما تفاجئ حبيب الألب بأبتكاراتك الزقرتية .. سواء شغلات مادية أو سوالف وشغلات حلوة

    الحب
    اكثر شخصية ناجح من ناحية الصداقة ... تدري ليش ؟ لأنك تقدر تعطي صاحبك كل اللي يبيه ويحتاجه سواء طلب منك هالشي أو لأ

    والـ سينامون معروفين بإخلاصهم حق ربعهم .. لـ درجة انك تذكر ربعك اللي معاك بالروضة !! >> قوية ادري لوووووول

    الصداقة
    تميل إلى مجالات الشغل الي فيهم مجال شوية ابتكار وتفنن .. ما يناسب الشغل الروتيني وايد يعني

    وبما انك ناجح إجتماعياً .. فتصلح لك المجالات والشغل الاجتماعي وايد .. مثلا سوالف العلاقات العامة يعني هالطقة

    الشغل
    مستقل
    منطقي
    مثابر
    إنساني
    إجتماعي

    الإيجابيات
    ردود أفعالك حدها تصدم الواحد وما يتوقعها أحد
    عنييييييييييييد
    غريب الاطوار الله يهداك
    ملوول وتطق جبدك بسرعة .. وتخلي الناس تمل منك بعد

    السلبيات

    إييه يالـ موفن شنقدر نقول عنكم .. ناس عندها طاقة عجيبة و تقدر تسوي اكثر من شغله بوقت واحد

    اللي يميزكم انكم عاطفيين واااااايد .. لدرجة ان لو شفتوا ياهل قاعد يبجي عادي تطقونها بجي وياه لول

    شخصيتك
    بشكل عام !

    بما انك عاطفي .. فا يابخت من يحبه قلبك .. لانك تغرق حبيبك بالحنان والعواطف

    والحلو بعد انك من النوع الي يعبر عن حبه بكل الاوقات حتى لو على الغدا .. وتحب انك تقول كلمات الاعجاب والمجاملات لحبيب القلب حتى لو كان الشي مايسوه .. يا سلام عليك والله

    بس مع كل هذا مقرود بعلاقاتك العاطفية .. يالله هذي الدنيا لوول

    الحب
    ربعك جزء لا يتجزء من حياتك واهم االاذون الي تشكي لها اذا صادفتك أي مشكلة بحياتك .. وانت سهل المعاشرة بين ربعك .. يعني حبيب

    لكن عيبك مع ربعك انك تخلف بمواعيدك معاهم وايد .. ولانك ماتعرف شي اسمع اعداء وكره يستغلون الناس هالشي ضدك ويجرحونك

    الصداقة
    بما ان مواعيدك مش ولا بد مثل ما قلنا .. فأنت تفضل الاعمال الحرة الي مافيها انضباط يعني لو كنت ضابط او مهندس بالبترول يطردونك من اول شهر .. كيكيكيكي

    وهم يالموفن انت من النوع اللي يكره الاعمال الي فيها ازعاج مثل المطار وهالسوالف يعني .. وتفضل الشغلات اللي تتصف بالطابع الهادي والروتيني شويه

    الشغل
    عاطفي
    حبوب وخوش ولد
    ما تعرف الحقد
    حدسي

    الإيجابيات
    متشائم
    كسول
    متردد
    مماطل
    تفكيرك مشوش شوية
    وساعات تافه لووووول

    السلبيات
    عاد انت معروف .. أكثر شخصية اندفاعية .. يعني وايد تحب تثبت نفسك وبالكويتي وايد شاد حيلك لوول

    بس فيك خوش طبع انك بسيط وما تحب تتصنع او تتكلف بالحجي وايد .. هالشي حلو .. برافو كيكيكي

    شخصيتك
    بشكل عام !

    انت من النوع اللي وايد تحب الاكشن بالعلاقة ... تحب الحياة العاطفية تكون مشعلله على طول .. يعني تكره الروتين اللي يصيبها .. بس ساعات تصير دعله وحساس زياده عن اللزوم الله يهداك .. لوول أقول ساعات

    بس الخصلة المو شي عندك ان ما فيك صبر كلش .. خاصه لما تحاول ويا الحبيب بمشكله أو اي شغله .. وتلقى ان ماكو تجاوب .. تبدي شوي شوي تكش عنه .. فـ بهالطريقة تخلي الطرف الثاني يحس انك ما تفقه بفنون الحب.. ! يعني واحد ما يعرف شلون يعالج مشاكله العاطفية .. او ممكن يظن ان اسلوبك وايد حازم وصارم وقاسي عليه

    وانت من النوع اللي تعتقد ان القلب القوي اهوه اللي يقدر يبني علاقة قوية حلوة .. عشان جذي دايماً تحاول تبين أنك شخص صاحب شخصية صعب التأثير عليها

    الحب
    تعتبر الصداقة شكل من أشكال إكتساب الخبرة والمعرفة .. بمعنى انك تحاول تكتسب أشياء يديده من أصدقاءك
    وهم انت من النوع اللي يحب يقترح مشاريع وأفكار يديده على ربعه

    الصداقة
    تكره انك تشتغل بمكان أموات ! بمعنى آخر مكان ماله حياة أو هادي زياده عن اللزوم وروتيني وممل ... تحب الأماكن الحيوية اللي فيها حركة وأكشن وتغيير

    وفي بعضكم يا عيال الـ اسبريسو متعتكم الصجية أنكم تشتغلون بأماكن فيها آلات أو أجهزة .. مثل مصانع السيارات وهالطقه .. بس طبعا ماكو عندنا مصانع سيايير .. لوول .. يعني نقدر نقول تحبون تشتغلون بالبترول والاماكن الصناعية مثلا يعني

    الشغل
    متحمس
    واقعي
    عايش يومك
    إداري ممتاز وقائد خطير
    جريء من قلب !

    الإيجابيات
    أناني
    متهور
    ما فيك صبر
    تحب اتسيطر على كل شي .. بالكويتي اتشريب كيكيكي
    تنفعل وتعصب بسرعة
    ما عندك لباقة بالحجي
    ما عندك حل وسط

    السلبيات



    انت انسان ما تحب التغيير وايد .. تحب ان تكون حياتك فيها أمان واستقرار بدون تغيرات وتقلبات زيادة عن اللزوم

    وعيال الـ بلاك كوفي معروف عنهم أمانتهم حتى ان الناس تثق فيهم بسرعة .. من قدكم والله كيكيكي

    شخصيتك
    بشكل عام !

    انت من النوع اللي تعرف تستغل كل لحظات الحب .. وهم من النوع اللي مستحيل يتخلى عن اللي يحبه أو يتراجع بأي شكل من الأشكال

    ورغم انك تحب تدلع اللي تحبه وتوفر له كل اللي اهوه يبيه وما تخلي عليه قصور .. إلا انك تحب تتملكه وتخليه يمشي تحت شورك وما يعصيلك أمر .. انتو مشكله يالـ بلاك كوفي الله يعين اللي بيرتبط فيكم

    الحب
    رفييج نصوح من قلب .. عندك خبرة بمجالات وايد وتفيد غيرك فيها مثل سوالف البورصة واسعارها .. احسن المطاعم بالديرة .. وسوالف حلوة جذي يعني

    بس رغم كل هذا .. تخلي ربع يرتفع ضغطهم والسبه اسلوب حياتك الروتيني اللي ما تحب انك تغيره

    الصداقة
    تحب وظيفتك تكون ضامنة لك الامان .. وتكون روتينية .. ماتطلب منك أي تغيير سواء كبير ولا صغير
    مثل البنوك أو البورصة وغيرها من الاعمال الي تتطلب الاستمرارية على نمط واحد .. وهم تعجبك هالسوالفلان شغلك بالمجال المادي يخليك تحس بالقناعة والرضى

    ومن جهة ثانية عندك مهارة بالاعمال التجميلية مثل سوالف هندسة الديكور .. أو جراحة التجميل .. لانك تقدر الجمال وايد

    الشغل
    محافظ
    شقردي ويعتمد عليك
    داهية وذكي
    تحب من قلب !
    ذويق

    الإيجابيات
    متساهل مع نفسك
    عنيد عنيد عنيد !
    مادي بدرجة فضيعة
    هادي وصخة حدك
    خجول .. وساعات بليد !

    السلبيات


    على طول مشغول ! على شنو مادري لووول ... بس قمة سعادتك لما تنتهي من شغلك بنجاح باهر

    وانت من النوع الي يعشق شغله اكثر من أي شي .. ما تعرف شي اسمه راحة .. بالعكس تعتبره العدو الاول لك .. وأحلى شي فيك انك تكون جاد وسيريس بأداء أي مهمة تقوم فيها .. يعني ما عندك خري مري الشغل شغل

    شخصيتك
    بشكل عام !

    ماتنطبق عليك صفة الصدق والثبات اذا كان الموضوع يتعلق بالعلاقات العاطفية .. ليش الله اعلم

    بس انت من النوع اللي يستخدم طرقه الذكية عشان يكسب محبوبه .. وتبذك جهد عجيب عشان تتكيف مع اللي تحبه.. وعلى طول تشجع وتمدح وتحفز الحبيب .. من قدهم كيكيكي

    الحب
    الي يرافجك مايمل منك .. لان رفجتك تعطي دفعة من النشاط والعمل المستمر .. يعني تخلي الناس كلها تحس بحيوية وطاقة

    عندك قدرة عجيبة على كسب الصداقات .. وانت بطبعك اجتماعي حباب وبسرعة تدش القلب من دون ما تطق بابه حتى

    الصداقة
    بما انك تتمتع بالذكاء الخطير والفريد من نوعه .. فـ انت تقدر تدخل أغلب مجالات الشغل .. لانك تتميز بسرعة التكيف وين ما تكون .. بس غالبا تحب مجالات الإعلام مثل الصحافة والتلفزيون والاذاعة إلخ .. يمكن لأن فيها احتكاك مباشر مع الناس
    الشغل
    عندك قدرة عجيبة على التعبير
    فطين
    تحب التفاصيل
    مجازف درجة أولى

    الإيجابيات
    ملقوف
    وسواسي
    ينقصك التركيز
    كلكجي ومكار .. يوووز ;Pp~

    السلبيات


    اييه يا التشيز كيكيين .. انتو أصحاب شخصية حلوة وحبوبة ولذيذة بعد .. الحلو فيكم انكم إذا حبيتوا شخص .. تهتمون فيه وتحمونه وتسون له كل شي من كل قلبكم وبعيد عن المجاملات .. بس القهر انك تسوي هالشي حق قلة من الناس اللي يدشون مزاجك .. لوول

    مشكلتك الاولى والاخيرة .. المزاج ! الي يسبب لك مشاكل مالها اول ولا تالي مع الناس اللي حوالينك وخصوصاً اللي ما يعرفونك عدل

    بالنسبة للتشيز كيكاات البنات .. من بين كل الشخصيات انتي اكثر شخصية معبرة عن الامومة بشكل واضح .. وايد وايد متعلقه بالأسرة والأهل .. الله يهني ريلج فيج

    شخصيتك
    بشكل عام !

    ليمه اتكرفس بالحب اتكرفس من قلب .. يعني تحب بمعني تحب ! عاشق عاطفي شغوف

    بس عيبك انك قلابي وايد الله يهداك .. ومزاجك يتحكم فيك وايد .. واللي يحبك راح يحس بمزاجك المتقلب بشكل واضح .. ساعات مزاجك يعطي جو بالعلاقة .. بس ساعات الله لا ياوريهم شرك ! تخلي العلاقة جحيم ! لوول

    الحب
    رفجتك حلوة ومثيرة بنفس الوقت .. وهم مدتها طويلة .. وتحاول قد ما تقدر انك تحافظ على صداقاتك كثر ما تقدر .. مع انها شوية .. كونك انسان ماتثق بأي احد الا بعد ما يعجبك عدل ويدش مزاجك

    وانت تعتبر المتنفس حق ربعك .. بمعنى ثاني انك الجتف الي يبجون عليه والاذون الي يشكون لها وتسمع لهم بأنصات حلو

    الصداقة
    ماتواجه صعوبه انك تلقى شغله تناسبك .. لانه عندك مواهب تأهلك انك تشتغل بكافة المجالات .. وخاصة مجال الطبخ او الفندقة .. لوول

    ومع هذا عندك قدرة انك تدير الشغل كله بروحك لأن عندك مهارات وشغلات حلوة .. وهم تحب انك يكون لك شغل خاص فيك بعيد عن المشارك .. مثل المهارات اليدوية والعمل الحر

    الشغل
    احساسك بالشغلة قبل لا تصير يخرع !
    ذاكرتك قوية
    حقاني
    موهوب
    حبوب

    الإيجابيات
    مزاجي
    حساس
    للبنات : أم متسلطه من قلب
    صراف ومبذر
    غير واقعي
    ما تسامح بسهولة

    السلبيات


    تحب انك تكون لك مملكة خاصة فيك .. مهما اختلفت بيئتك وظروفك .. وهم تموت على شي اسمه تنظيم

    قيادي بشكل ملحوظ .. ومسيطر على أي عمل تقوم فيه ... أحلى شي فيك انك شهم وقوي وشجاع بقراراتك .. وتكره شي اسمه التردد بـ أي شي تسويه ناوي تسويه

    شخصيتك
    بشكل عام !

    عاطفي وااايد .. واغلب اللي حوالينك يلاحظون هالشي فيك ... لدرجة انك اذا حبيت .. تهتم بحبيبك وتخاف عليه من نسمة الهوا الطايرة

    وهم انت من النوع الكريم بحبك ومعطاء .. وتحب تبين عواطفك بأحلى طريقه وافضلها .. وتتميز بثباتك بالحب

    الحب
    كريم مع ربعك من قلب .. يعني اذا قااااز ورايح مطعم من هالمطاعم وياهم .. ماتخلي احد يفج بوكه غيرك

    تحب ربعك يكونون من مستواك المادي .. عشان يجارونك بالماركات واللبس وهالشغلات .. وهم عشان ما تحس بالفرق المادي بينكم لان هالموضوع يزعجك بدرجة كبيرة ..

    مستعد انك تعتذر حق ربعك اذا جرحتهم ... وهالشي مميز فيك .. والأحلى انك اتفنتق او تبدع بالاعتذار يعني بوكيه ورد شغل عدل .. أو شغلات جذي .. على راسي

    الصداقة
    تحب انك تكون مركز محط الانظار ... وتكره انك تكون في موقع التابع .. يعني تفضل انك تكون في منصب المدير الاداري مثلا .. او رئيس قسم .. المهم منصب إداري قيادي مهما كانت ظروف أو طبيعة الوظيفة
    الشغل
    كريم
    صادق
    محترم
    خلوق
    متفائل
    طموح ونشيط

    الإيجابيات
    بعضكم فيكم غرور
    دمك ثقيل شوي لوول
    قاسي
    دكتاتوري
    تخش بقلبك وايد

    السلبيات


    إيــه يالـ روضتين لوول .. امم .. انت مشهور بحبك للتنظيف والترتيب والنظافة يعني .. وهم تحب الاناقة وايد .. وعيبك انك حساس ووسواسي وااااااااااااايد !! وتوصل معاك هالسالفة انك تغسل ايدك 60 مرة باليوم .. لدرجة تخليك تفقد طعم اللحظات الحلوة اللي تمر بحياتك والسبة هالوسواسية

    وهم انت من النوع الجدي بدرجة واضحة للكل .. وتفكر بعقلك وواقعي

    شخصيتك
    بشكل عام !

    الحب عندك دايما تبيه يكون كامل مافيه أي شوائب .. عشان جذي دايما تنتقد حبيبك .. وهالشي يزعجه منك وايد ترى !

    يعني انت بالحب متطلع واااااااايد .. وتوصل معاك السالفة للحنة وإزعاج الطرف الثاني بالنقد .. يعني اذا شي مو عاجبك فيه .. الله يعينه ... لأنك ماتحاول تراعيه .. والصفه الغالبه عليك بهاللحظة اهيه الأنانية

    الحب
    تعتبر بالنسبة حق ربعك يد العوون الممدودة على طول .. دايم تختب وتشد حيلك اذا صادف احد من ربعك أي مشكلة .. يعني شقردي وقت المشاكل اللي تواجه ربعك
    الصداقة
    تميل إلى الشغل إلى فيه نشاط ونسبة من البحث .. يعني مثل مراكز الابحاث .. او حتى الشغل إللي يتطلب منك التنقل من مكان لي مكان .. امممم يعني مثلا مجال الزراعة

    وبما انك انسان تحب الكمال وكل شي عندك لازم يكون اوكي ... تنجح وايد في مجال النقد .. بشتى انواعه سواء صحفي او فني او ادبي .. المهم انك ناقد ممتاز .. وساعات لاذع

    الشغل
    مساعد وشقردي
    منطقي
    نظيف ومرتب
    حنووون
    هاب ريح ونشيط

    الإيجابيات
    شكاك وايد وايد .. لدرجة انك تخطئ بنسبة كبيرة
    سوداوي ومتشائم
    مو مستقر عاطفياً !
    ساعات تصير تافه مع احترامي لووول !

    السلبيات

    سهل المعشر وحبوب .. وتتجاوب مع اللي حوالينك بسرعة .. يعني ماعندك مشاكل من هالناحية ... لدرجة انك تقدر تخفي مشاعرك لو كنت متضايق او مهموم وتبين حق اللي جدامك انك انسان مرتاح ومستانس وعادي .. وهالشي اكيد بيسهل عليك سالفة الاتصال والتجاوب مع اللي معاك

    شغلة ثانيه .... اممم .. انت يالـ كبتشينو .. نقدر نقول انك متردد شوية بقراراتك .. تفكر وايد فيها يعني ... بس عاد اذا اتخذت قرارك مستحيل تناقش احد فيه... يعني خلاص اتخذته لحد يحاجيك موليه

    شخصيتك
    بشكل عام !

    الحب يدرعم بقلبك بسهولة وبـ بساطة بعد لوول .. وااايد عاطفي ويا الحبيب .. وتحب دايما انك تغطيه بالحب

    أحلى أحلى شي فيك يالـ كبتشينو .. انك كريم وااااااايد ويا الحبايب ... وكرمك يطلع بالحجي المعسول والتغزل والرومانسيات الطيبة هذي .. غير الهدايا اللي بين فترة وفترة والمفاجآت والسوالف الحلوة اللي اتيي منك .. يعني ربه يحبه اللي يطيح عليك لووول

    الحب
    ساعات تصير مصدر الامان حق رفيجك .. والديتول حق جروحه وهمومه اليومية >>> جيكو عالديتول بس لوول

    لا بس صج تقدر تعيشه بجو يناسب مزاجه ونفسيته .. لان عندك قدرة تخليك تقدر تعرف موود ومزاج رفيجك قبل لا تشوفه او تكلمه ! سبحان الله

    الصداقة
    تنجح وبشكل ملحووظ بالمجال الدبلوماسي .. لانك تسمع وتتكلم بلباقة تميزك عن غيرك ... وغير هذا تتميز بالمجال الاجتماعي .. كـ أخصائي اجتماعي مثلا أو دكتور نفسي .. لأنك تعرف تكسب ثقة الناس بسرعة
    الشغل
    متعاون وخدوم
    ونيس
    متفهم
    حبوب

    الإيجابيات
    متردد
    قلق وتوسوس
    عاقد النونه لوول
    تبي السلام مقابل أي شي
    كلكجي ساعات

    السلبيات



    عاد انت يالـ هوت جوكليت من اكثر المميزات اللي تميزك عن غيرك ... اهي اللقافة ! كااك .. لا لا تفهمني غلط ! اللقافة اللي فيك من نوع ثاني .. يعني تحب تتطلع وايد وتفهم اللي يدور حاولينك .. بكل مجال عندك ولو نتفه من المعرفه والثقافة فيه

    ونوعك بعيد وايد عن السطحية ... يعني شخص فاهم ... ايي ونقدر نقول انك عاطفي بشكل عام مو بس بالحب .. عواطفك ساعات تغلب على تفكيرك بس مو دايماً ..

    الخصلة الشينة فيك انك متذمر و وااايد واايد تتعنفق اذا شفت شي مو عاجبك !!! بس الحلو فيك ان سرك بـ بير يعني الناس تأمن عليك ... وهم ساعات الناس اللي ماتعرفك تحسك من النوع الغامض

    شخصيتك
    بشكل عام !

    تتميز بأنك عاشق مندفع من قلب ... وعندك تجارب وايد من قبل .. بس المشكلة انك لو انجرحت ما تنسى هالجرح بسهولة .. هذا اذا كان مستحيل .... وحتى الماضي مهما كان حلو أو مر ما تنساه بسهولة ...

    اممم .. شوف هوت شوكلت ... من الأسباب الرئيسية اللي تخليك تنفصل عن حبيبك بعلاقاتك العاطفية .. غيرتك العنيفة مع الي تحبه ! واللي تمنع الناس أو حبيبك انه يتأقلم مع هالوضع .. وساعات توصل بالهوشات العاطفية إلى طرق العنف .. بمعنى ثاني عادي تعطي الحبيب طراااااق !! لا يحووشك لول

    الحب
    تدري شنو مشكلتك اهني ؟ إن اذا كانوا ربعك مو من مستواك الفكري صداقتكم ما تدوم وايد .. لانك تحب تتفلسف وتتشيحط بمعلوماتك الوفيرة بأي مجال كان .. انته مشاكل

    بس رغم هذا .. رفجتك حلوة وااايد .. وفيك طبع انك تتجنب تدخل بتفاصيل وخصوصيات ربعك .. ولا تحب احد يدخل بخصوصياتك ... تحاول تكسب ربعك بثقافتك ومعلوماتك العامة + مقعدك اللي يونس

    الصداقة
    انت معروف .. تحب تكد وتكرف ! وتحب الدراسة بعد .. يعني عادي عندك تدرس 7 سنين طب وعقبها تكمل دراسات عليا مادري جم سنه !

    وغير هذا تبدع بمجال التدريس .. بس طلبتك مايحبونك كونك حازم وياهم وما عندك خري مري

    وهم ممكن انك تتجه لـ سوالف المحاماة أو القضاء .. او ممكن انك تكون تحري او وكيل نيابة مثلا! لأنك بارع بهالسوالف

    الشغل
    مجتهد
    مبدع حدك بالإستجوابات والتحقيقات
    ماترضى بالظلم على غيرك ولا تسكت عنه
    ناقد ذاتي

    الإيجابيات
    انتقامي من قلب !
    ساعات مغرور
    ما تسامح بسهولة
    تعشق التملك

    حدك حدك صريييح وتقطها بالويه ومايهمك احد ... بس تدري شنو الحلو فيك صج .. انك متفائل وايد حيوي وحبوب حدك .. وعندك حس عجيب بالمرح وتونس

    حياتك كتاب مفتوح .. بس حق ناس معينيين جدا جدا جدا ! وفي منك نوعين ... يا هادي وتحب انك تدرس وتقرا كتب ادبية وهالطقة .... أو انك تكون متهور ومغامر درجة اولى وراعي نكته وساعات يالـ كراميل فرابتشينو تكون مكس بين هالنوعين .. يعني توو إن ون لول

    شخصيتك
    بشكل عام !

    بالحب تصير خطير وخيالي حدك .. بمعنى انك تسوي حق اللي تحبه .. يا دهينه لا تنكتين ... واي شخص أصلا يتمنى لو يكون حبيبك خاصة البنات .. لأن الفرابتشينو الريال يتمتع بحس عاطفي لذيذ .. واحلى ما فيه انه متفهم يقدر ظروف حبيبه .. وفوق هذا .. عندك ذوق حلو بالهدايا وهالسوالف .. واللي دايما تكون مميزة

    بس عندك مشكله .. واللي إهيه انك تحب بعيونك قبل قلبك ... يعني اتنح لو شفت الحلات .. بس اهم شي انك عقب تقدر تفرق اذا هالعلاقة ممكن تستمر ولا لأ من خلال عواطفك وعقلك

    الحب
    بين ربعك انت صاحب النكت اليديده والشغلات الغريبة .. وتكون نكتة القعدة ووناستها .. بس اللي يبعدك عن ربعك ويخليك تنعزل عنهم .. لما يخونونك ويجرحون مشاعرك ... خلاص تبدي تكش عنهم

    بس اللي يميزكم أن في بعضكم يالـ فرابتشينوااات .. رغم كل المشاكل اللي تصادفونها مع ربعكم ما تنسونهم وتظلون على اتصال معاهم .. يعني بعضكم قلبه ما يعرف طريج الكره

    الصداقة
    تبدع حدك في المجالات اللي تحتاج ابداع وافكار وشغلات يديده .. لأنك متميز بالإبتكار والذوق العالي

    أهم المجالات اللي تناسبك .. المجال الادبي من كتابة شعر او روايات .. أو المجالات الفنية .. أو أي مجال يحتاج لذوق عالي .... وغير هذا .. ممكن تمشي بالمجال التجاري .. مثل الاسهم والعقارات والاستثمار والخ الخ الخ

    الشغل
    متفائل
    صريح
    مخلص وصادق
    حبوب ومرح
    ذويق وفنان

    الإيجابيات

  • #2
    الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

    يعيطيج العافيه مركب الشوق

    عزوووووووووووووووووووووووووووووووووووووز مر من هنا
    يبقى الهلالي ذوق في كل الاحوال
    ومن مستوى ذوقه تحدد ميولــــه

    تعليق


    • #3
      الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

      بسم الله الرحمن الرحيم
      تحية عطره بالجوري والياسمين للمشرف الكريم عزووز بووولند
      مشكور وااايد على الإطراء بس انا طحت في مشكلة وهي عدم ذكرك للبرج علشان ادرس شخصيتك لأنك ( انت عدو المرأه ) ولازم ندرسها ههههههه انا ادري بعدد السنة الي انولد فيها لا توجد ابنية مولوووده معاك لأنك احتكرت هذه السنة للرجال
      ولك منى اكبر وارقى تحية

      إختك
      مركب الشوق

      تعليق


      • #4
        الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

        بسم الله الرحمن الرحيم
        تحية عطره بالجوري والياسمين للمشرف الكريم عزووز بووولند
        مشكور وااايد على الإطراء بس انا طحت في مشكلة وهي عدم ذكرك للبرج علشان ادرس شخصيتك لأنك ( انت عدو المرأه ) ولازم ندرسها ههههههه انا ادري بعدد السنة الي انولد فيها لا توجد ابنية مولوووده معاك لأنك احتكرت هذه السنة للرجال
        ولك منى اكبر وارقى تحية

        إختك
        مركب الشوق

        تعليق


        • #5
          الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

          السلام عليكم ورحمة الله و بركاته
          اختي مركب الشمس
          مشكورة على الموضوع
          سبحان الله و بحمده **** سبحان الله العظيم
          [FLASH="سهر الليالى"] [/FLASH]

          تعليق


          • #6
            الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

            بسم الله الرحمن الرحيم
            تحية طيبه يا اخى سهرالليالي
            مشكوووووور واااايد

            مشكوووووور واااايد

            مشكوووووور واااايد

            مشكوووووور واااايد

            مشكوووووور واااايد

            مشكوووووور واااايد
            على هذا الاطراء الرائع
            اختك
            مركب الشووووق

            تعليق


            • #7
              الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

              موضوع جميل وتشكر عليه ...

              تحياتي .

              تعليق


              • #8
                الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

                شكرا على الموظوع الجميل سلمت يداك

                تعليق


                • #9
                  الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

                  انا احب المواضيع اللي كذا ...
                  وطلع لي,,,
                  التشيز كيكيين
                  يسلموووووو اختي,,

                  تعليق


                  • #10
                    الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

                    يسلمووووووووووووو عالموضوع الحلوووووووو
                    ثــانكــس .... مركب الشوق....

                    تعليق


                    • #11
                      الرد: ===&gt; موضوع وااايد حلو وحبيت اضيفه وهو ابراج استاربكس &lt;=====

                      shoooooooooooooooooooooooooooooooooooooooooooooooooookrn

                      تعليق

                      تشغيل...
                      X