من (سوبر ستار) لين ( ستار أكاديمي) = أبرأ إلى الله ما هذي مفاهيمي
هذي مفاهيم ناسٍ بختهم ضايع=اللي مع الغرب تسعى لجل تحطيمي
قصّوا جناحيني اللي كنت أطير بها=ما ودهم في فضاي يزين تحويمي
سووا سوايا حكيم الرأي يبغضها=وأركوا علي المياسم لاجل توسيمي
زادوا جروحي جروح وغيّبوا وعيي=وان فقت كلٍّ نهض من شان تنويمي
باسم التحرر وشرٍّ دنت اركابه=جدت امورٍتنافيها تعاليمي
حتى بكت عين حرٍّ مشغله وضعي=يندى جبينه على قسوة مظاليمي
الله أكبر .. عقب ما كنت فالقمة=صرحي هوى من شموخ وصعب ترميمي
هذا وانا اللي ثياب الذل ما ألبسها=لو حاولوا زايغين الفكر توهيمي
كانت لي الارض سجادة وديباجة=تعشق خطاويّ وتردد ترانيمي
جت لي على الطول قاصيها ودانيها=وبشرع ربي وحكمه كان تحكيمي
ما احلل اشيا إله الكون حرمها=ولا اتبع هوايه بتحليلي وتحريمي
يا اسلامي ارفع شعارت انتصاراتي=في وقت يصعب على الاعداء تقسيمي
غرمت غيري بحد السيف وارغمته=ومن الصعوبه عليه بحال تغريمي
هذا زمان مضى بالعز والهيبه=عقب الحيا قلّ واختلفت معاليمي
المجد قفى شعاعه وانحسر نوره=مادام حلمي أصير(ستار أكاديمي)

منقول لشاعر اسمه : محمد